१ कोरिन्‍थी 7:34 - ह्योल्‍मो

³⁴ दि ल़ेहमु मिहगी सेम ग्‍या़ ङ्यी़ला ओहङगे। पा़हमा माहबेबा पी़हमी दाङ पोहमो स्‍यार्मा याहङबागी ज़ुबु दाङ सेम ङ्यिकालाराङ काह-ठि पेहती नाम्‍पार-ताहक्‍पा ओहङ ख़ूज्‍ये म़ेदी चो़वोगी तेहन्‍दालाराङ तुहङाल पेहकें। यिहॱनाङ पा़हमा पेहक्‍यो पी़हमीगीती राहङगी ख्‍योवाला काह-ठि पेहती क़ेहनाङ लाहङ च्‍य़ूज्‍ये म़ेदी जाम्‍बुलीङगी से़हला तुहङाल पेहकें।

१ कोरिन्‍थी 7:34 ပူးပေါင်းရင်းမြစ်များ

यूहन्‍ना 10:13

खो ले़गा तेर्ती ज़्‍या़क्‍योगी कोहरोवा यिहन्‍गे सोङगोराङ खोला ल़ूहया़दी च्‍योल्‍दो मेहयोहङगे, ओहले खो प्रे़हगे।

रोमी 6:13

राहङ ज़ुबुकी ओङबुया़ला तिहक्‍पागी ल़ेहया़ पेहच्‍येला चि माहक्‍याहप। यिहॱनाङ स्‍यिवाले मिहलीला ख्‍योङग्‍यो मिहया़ ल़ेहमु पेहती राहङला किन्‍ज्‍योला च्‍योल्‍दोङ, ओहले राहङ ज़ुबुकी ओङबुया़ला या़हबु ल़ेहया़ पेहच्‍येला किन्‍ज्‍योला चि क्‍याहप्‍तोङ।

१ कोरिन्‍थी 6:20

ख्‍याया़ला किन्‍ज्‍योगी रिहन च्‍याल्‍दी ङ्योह नाङग्‍यो यिहम्‍बा। ओ़ह सोङबे ख्‍याया़गी ज़ुबु लाहमले किन्‍ज्‍योला ज़िज्‍यिद फुल्‍दोङ।

१ कोरिन्‍थी 7:33

यिहॱनाङ पा़हमा पेहक्‍यो मिहगी राहङ पी़हमीला काह-ठि पेहती क़ेहनाङ लाहङ च्‍य़ूज्‍ये म़ेदी जाम्‍बुलीङगी से़हला तुहङाल पेहकें।

१ कोरिन्‍थी 7:35

दि तामगी ख्‍याला ठिमगी ल़ेहमु पेहती ताहम्‍ज्‍येला मिहम्‍बा यिहॱनाङ ख्‍याराङदी या़हबुकी तेहन्‍दाला ङाहगी माएँराङ येहबा। यिहॱनाङ ख्‍यागी सेम तिहङ यिहन्‍ज्‍युराङ चो़वोला क्‍याप्‍ती किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी यिहम्‍बा।

२ कोरिन्‍थी 11:28

देजे च्‍यी़राङ तुहक्‍पु मिहम्‍बा थाम्‍ज्‍यीराङ छेन्‍छोकया़गी तुहङाल ङाहगी गो़ थो़ला येहबा।

२ कोरिन्‍थी 8:16

ख्‍याया़गी तेहन्‍दाला किन्‍ज्‍योगी तीतसगी सेमला ङाहती ल़ेहमुराङ सेम ज़्‍या़ नाङसीन। दिगी तेहन्‍दाला ङाह किन्‍ज्‍योला थुज्‍यी-छ्ये़ फुल्‍गे।

फिलिप्‍पी 1:20

ङाहगी पेह कोहकेन्‍गी ल़ेहलेगी ङाह नाहमॱआङ ङोहजाला माहछ्यीज्‍यु यिहॱनाङ तोहङमा ल़ेहमु खास पेहती ताहन्‍दा ङाह सेम-स्‍युक छ्यिम्‍बु पेहती तेहकें। ङाह स्‍यिॱना़ङ सोॱनाङ ङाहती थाम्‍ज्‍यी मिहली लाहमले मास्‍यीकालाॱराङ चा़ ओहङज्‍यु माएँ ङाहती सेम्‍बा दाङ रेहवा यिहम्‍बा।

१ थेसलोनिकी 5:23

स्‍य़िहदेकी किन्‍ज्‍यो राहङगीराङ ख्‍या फ़ेबे-म़ेहमेया़ला सेम तिहङ यिहन्‍ज्‍युराङ चाङमा ज़ो नाङज्‍यु, ओहले ख्‍या फे़बे मे़हमेया़की थाम्‍ज्‍यी सेम, सो दाङ ली़ह ओहराङकी चो़वो येशू मास्‍यीका फेप नाङगे ङ्यिहमा थु च्‍यिॱआङ क्‍येन म़ेहबा पेहती ज़्‍या़ नाङज्‍यु।

१ तिमोथी 3:5

च्‍यिबेमाना राहङगी खाङबाला या़हबु पेहती ता मी़हखुएँ मिहगी काह-ठि पेहती छेन्‍छोकला ता ख़ूज्‍ये ले?

१ तिमोथी 5:5

ओहले राहङदी सुॱआङ म़ेहबाकी ह्‍युग्‍मोगी राहङगी रेहवा किन्‍ज्‍यो थो़ला च्‍यी़राङ ज़्‍या़क्‍यो ओहङगे। ओहले मोहगी ङ्यिहन-नुहपराङ स्‍यिहवा पेहती किन्‍ज्‍यो ङ्याम्‍बु सोल्‍वाङ ताप्‍ती तेहकें।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।