१ कोरिन्‍थी 7:30 - ह्योल्‍मो

³⁰ तुहङाल पेहकेनया़ तुहङाल माहबेबाकी मिहया़ ल़ेहमु पेहती तेहच्‍यु ओहले क़ेहनाङ पेहकेनया़ क़ेहनाङ मेहबेकें मिहया़ ल़ेहमु पेहती तेहच्‍यु। ङ्योहप्‍च्‍या क्‍याहप्‍केया़ राहङ ङ्याम्‍बु च्‍यि से़हॱआङ म़ेहबा रोहवा पेहती तेहच्‍यु।

१ कोरिन्‍थी 7:30 ပူးပေါင်းရင်းမြစ်များ

लूका 16:25

ओहले अब्राहामगी मासीन, ‘पुह, ख्‍येला टेहम्‍बा म़ेहबा? काहल्‍ग्‍योगी छेला ख्‍येगी क्‍यिपु ज्‍योर्सीन, लाजरसकीनी तुहक्‍पु च्‍यी़राङ तुहक्‍पु खुर्सीन! ओहले ताहन्‍दानी लाजरसगी देला क्‍यिपु दाङ काहसो ज्‍योर्ती येह ओहले ख्‍येगीदी ओ़हला तुहक्‍पु ङ्युहङदी येहबा।

लूका 6:21

ए नाहरे तो़क्‍योया़! ख्‍या काहजे सोनाम-साक्‍पु, च्‍यिबेमाना ख्‍याया़ टेहपा काहङज्‍ये येह। ए नाहरे ङुहएँया़! ख्‍या काहजे सोनाम-साक्‍पु, च्‍यिबेमाना ख्‍याया़ क़ेहमु क्‍याहप्‍च्‍ये येह।”

लूका 6:25

ए ताहन्‍दा टेहपा काहङग्‍योया़, ख्‍या काहन्‍डुमु छा़ तुहवा! तिङले ख्‍या टेहपा तो़बाराङ लिहच्‍ये येह। ए ताहन्‍दा क़ेहमु क्‍याहप्‍केया़, ख्‍या काहन्‍डुमु छा़ तुहवा! च्‍यिबेमाना ख्‍याया़ तुहङाल पेहच्‍ये येह ओहले ङुहज्‍ये येह”

यूहन्‍ना 16:22

ओ़ह ल़ेहमुराङ ताहन्‍दा ख्‍या ज्‍यिबुराङ ङ्याहङेन पेहकें, यिहॱनाङ ङाह ख्‍याला येहपाराङ थु ओहङज्‍ये येह, ओहजेला ख्‍यागी सेम क़ेहनाङगी काहङज्‍ये येह। ओहले ओ़ह क़ेहनाङ सुज्‍यीगीॱआङ ख्‍या लाहमले फ्रो़दी ख्‍येर ख़ूज्‍ये म़ेह।

१ कोरिन्‍थी 7:29

आदा-नो़ह दाङ आज्‍यी-नुहमुया़, ङाहगी माएँ ताम देजेराङ यिहम्‍बा, ता़ह ती़हजी माहङबु म़ेह, ओहले ता़ह यिहन्‍ज्‍यु पी़हमी येहकेनया़ पी़हमी म़ेहबा ल़ेहमुराङ पेहती तेहच्‍यु।

१ कोरिन्‍थी 7:31

ओहले दि जाम्‍बुलीङकी क्‍युह-नोहर थो़ला खाम्‍साङ-ङ्याहम्‍साङ पेहकेनया़ला त़ेदी राहङॱआङ ओ़ह ल़ेहमुराङ पेहच्‍ये माहछोल्‍ज्‍यु ओ़हला राहङदी च्‍यिॱआङ च्‍योल्‍दो म़ेहबा रोहवा पेहती तेहच्‍यु, च्‍यिबेमाना जाम्‍बुलीङगी ताहन्‍दागी ती़हजी ता़ह माहङबु थु लिहच्‍ये म़ेह।

ज्‍याल्‍गा 18:7

मोहगी काहजे चा़-ची़नाङ दाङ खाम्‍साङ-ङ्याहम्‍साङ पेहक्‍यो येहबा, ओहजेराङ तुहक्‍पु दाङ तुहङाल मोहला तेर। च्‍यिबेमाना मोहगी राहङ सेम सेमलाॱराङ माएँ, ‘ङाहनी क्‍याहल्‍मु छ्यिम्‍बु पेहते देला तेहकें। ङाह ह्‍युग्‍मो मिहन। ङाहगी नाहमॱआङ तुहङाल पेह कोहच्‍ये म़ेह।’

ज्‍याल्‍गा 7:17

च्‍यिबेमाना ज़्‍य़ू-ठिकी पाहरक्‍यीला ज़्‍य़ू नाङगेन ल़ूह स्‍ये़बु खुङया़गी कोहरोवा ओहङज्‍ये येह, ओहले खुङया़ला ठिती छ्यु क्‍येज्‍यु थु नोम फेप नाङज्‍ये येह ओहले किन्‍ज्‍योगी खुङगी मी़गी मिज्‍यु थाम्‍ज्‍यीराङ फी़ नाङज्‍ये येह।”