१ कोरिन्‍थी 7:22 - ह्योल्‍मो

²² च्‍यिबेमाना किन्‍ज्‍योगी क़े क्‍याहप नाङगेमु का़हन्‍दी मिह लाबु येहकें, ता़ह खो चो़वोला राहङवाङ काहल्‍दी येह। ओ़हठीॱराङ पेहती किन्‍ज्‍योगी क़े क्‍याहप नाङग्‍यो ती़हजीला का़हन्‍दी मिह राहङवाङ येहकें, ता़ह खो मास्‍यीकाकी लाबु काहल्‍दी येह।

१ कोरिन्‍थी 7:22 ပူးပေါင်းရင်းမြစ်များ

रोमी 1:1

दि यिहगी ङाह पावलगी प्रुहक्‍यो यिहम्‍बा। ङाह मास्‍यीका येशूगी योक्‍पु यिहम्‍बा। मिहरोगीॱराङ ङाहला ल़ेह-पेन ज़ो़-नाङज्‍येला क़े क्‍याहप नाङसीन ओहले किन्‍ज्‍योकी या़हबु लेहङगु स्‍येच्‍येला खा फे़ नाङसीन।

१ कोरिन्‍थी 7:21

किन्‍ज्‍योगी क़े क्‍याहप नाङगेमु च्‍यि ख्‍ये लाबु येहकें? का़हलेॱआङ येहकें येहसीमाना ख्‍ये ओ़हगी तेहन्‍दाला मा-फाम्‍बु माहबे, यिहॱनाङ राहङवाङ डो ख़ूएँ यिहन्‍सीमाना ओ़हगी खेप्‍साङ लेहन्‍दोङ।

१ कोरिन्‍थी 9:19

च्‍यिबेमाना ङाह मिहया़ लाहमले राहङवाङ येहॱनाङ तोहरोङ माहङबु मिहया़ला किन्‍ज्‍योगी क्‍याहल्‍सीला ख्‍योङ ख़ूज्‍यु म़ेदी ङाह राहङगी राहङलाराङ मिह थाम्‍ज्‍यीदी लाबु ज़ोसीन।

१ कोरिन्‍थी 9:21

छ्य़े-ठिम म़ेदी फिला येहकेनया़ला मास्‍यीकाला ख्‍योङ ख़ूज्‍यु म़ेदी ङाह राहङॱआङ किन्‍ज्‍योगी छ्य़े-ठिमला माहगोम्‍बा पेहती मास्‍यीकाकी छ्य़े-ठिमकी ओङ चो़ला तेहती छ्य़े-ठिम म़ेदी फिला येहकें मिहया़ ल़ेहमुराङ काहल्‍सीन।

गलाती 1:10

ङाहगी मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहनॱराङ मिहन ङाहगीनी किन्‍ज्‍योकी थु गा काहसो डो च्‍य़ूज्‍ये छोल्‍ग्‍यो यिहम्‍बा। का़हलेॱआङ ङाहगी तोहरोङॱआङ मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहन्‍सीन मानानी ङाह मास्‍यीकाकी लाबु डोज्‍ये म़ेहबा येहकें।

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

गलाती 5:13

आदा-नो़ह दाङ आज्‍यी-नुहमुया़, ख्‍यानी राहङवाङगी तेहन्‍दाला क़े क्‍याहप्‍क्‍यो यिहम्‍बा। यिहॱनाङ दि राहङवाङला तिहक्‍पाकी ल़ेहया़की तेहन्‍दाला चाल माहती। यिहॱनाङ चेवा पेहती च्‍यी़गी च्‍यी़ला या़हबु स्‍याहप्‍तो स्‍यी़हदोङ।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

फिलेमोन 1:16

ता़ह खो लाबु मिहम्‍बा यिहॱनाङ लाबु म़ेदीॱआङ या़हबु निङ च्‍येहएँगी नो़ह काहल्‍सीन। खो ङाहगी तेहन्‍दाला ज्‍यिबुराङ च्‍याहम्‍बु येह यिहॱनाङ ख्‍येगी तेहन्‍दालानी तोहरोङ खो ज़ुबु दाङ चो़वोला जेन माहङबु च्‍याहम्‍बु येह।

१ पत्रुस 2:16

राहङवाङ मिहया़गी ल़ेहमुराङ राहङगी मिहजी ताङदोङ, यिहॱनाङ राहङ राहङवाङ येह म़ेदी चोक्‍पा ल़ेहया़दी माहबे। बरु किन्‍ज्‍योकी योक्‍पुया़ ल़ेहमु पेहती राहङगी मिहजी ताङदोङ।

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला:

यहूदा 1:1

ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।