१ कोरिन्‍थी 7:19 - ह्योल्‍मो

¹⁹ च्‍यिबेमाना स्‍या-ताक पेहकें दाङ स्‍या-ताक मेहपेहकेला च्‍यिॱआङ ख्‍येपार म़ेह, यिहॱनाङ किन्‍ज्‍योगी का ङ्यिहन्‍गेन्‍दी थाम्‍ज्‍यी म़ेदी चा़ छ्यिम्‍बु यिहम्‍बा।

१ कोरिन्‍थी 7:19 ပူးပေါင်းရင်းမြစ်များ

मत्ती 5:19

छ्य़े-ठिमगी फेमा म़ेदी फेमा काया़ गोम्‍गेन दाङ गोम्‍ज्‍येला लोप्‍केन मिह स्‍यिहङगामकी क्‍याहल्‍सीला थाम्‍ज्‍यी म़ेदी फेमा ओहङज्‍ये येह। यिहॱनाङ छ्य़े-ठिमला राहङॱआङ ची़एँ ओहले लेहमेनॱलाङ ची़नाङ डुप च्‍य़ूएँदी स्‍यिहङगामकी क्‍याहल्‍सीला थाम्‍ज्‍यी म़ेदी छ्यिम्‍बु ओहङज्‍ये येह।

यूहन्‍ना 15:14

ङाहगी माक्‍यो काया़ ख्‍यागी ङ्यिहन्‍सीन माना, ख्‍या ङाहती रो़ह यिहम्‍बा।

रोमी 3:30

च्‍यिबेमाना किन्‍ज्‍योनी च्‍यिमे च्‍यी़राङ ज़्‍य़ू नाङदी येहबा। मिहरोगी यहूदीया़ला खुङया़गी तेहपा लाहमले टाहङबु सी़ह च्‍य़ू नाङगे ओहले लेहमेन क्‍यिहपाकी मिहया़लाॱआङ खुङया़गी तेहपा लाहमलेॱराङ टाहङबु सी़ह च्‍य़ू नाङगे।

१ कोरिन्‍थी 8:8

साहएँ से़हगी मिहला किन्‍ज्‍यो पोहला ख्‍येर मी़हखुएँ ओ़ह सोङबे मेहसाहएँमु च्‍यिॱआङ क्‍येन म़ेह ओहले साहएँमुॱआङ च्‍यिॱआङ फेन्‍दोप म़ेह।

गलाती 3:28

ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

गलाती 6:15

स्‍या-ताक पेहॱनाङ, स्‍या-ताक मेहबेॱनाङ ओ़हला च्‍यिॱआङ ख्‍येपार म़ेह। यिहॱनाङ थाम्‍ज्‍यी म़ेदी छ्यिम्‍बु केच्‍याती दिराङ यिहम्‍बा– मास्‍यीका लाहमले मिहली साम्‍बा ज्‍योर्के दिराङ थाम्‍ज्‍यी म़ेदी चा़ छ्यिम्‍बु यिहम्‍बा।

कलस्‍सी 3:11

ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।

ज्‍याल्‍गा 22:14

“मिहलीगी तोहङबोकी ओङ ज्‍योर्च्‍येला ओहले क्‍याहसाकी कोहलेगी नाहङला स्‍य़ूह ङ्युहङज्‍यु म़ेदी राहङगी काप्‍च्‍या ठी़दी चाङमा ज़्‍या़गेया़ काहजे सोनाम-साक्‍पु।