१ कोरिन्थी 6:20 - ह्योल्मो20 ख्याया़ला किन्ज्योगी रिहन च्याल्दी ङ्योह नाङग्यो यिहम्बा। ओ़ह सोङबे ख्याया़गी ज़ुबु लाहमले किन्ज्योला ज़िज्यिद फुल्दोङ। အခန်းကိုကြည့်ပါ။ |
१ कोरिन्थी 6:20
14 ပူးပေါင်းရင်းမြစ်များ
ङाहगी निङज्यी पेहक्योगी आदा-नो़ह दाङ आज्यी-नुहमुया़, किन्ज्योकी थुज्यी माहङबुराङ ख्या थो़ला येहबा। ओ़ह सोङबे राहङगी ज़ुबुला नाम्पार-ताहक्पा दाङ किन्ज्योगी थु-सेम जे नाङगेन्गी सोम्बो मार्च्ये जे़दी किन्ज्योला स्याहप्तो स्य़ूहज्येला मिहरोगी दिनला फुल्दोङ म़ेदी ङाह ख्याया़ला ओहर-छ्य़े स्युहउ येह। ख्यागी यिहगी फुल कोहएँगी तेहन्दामगी मार्च्येॱआङ दिराङ यिहम्बा।
मिह-ज़ुबुला ते़बे माहङबुराङ मा फाम्बुया़ ओहङगे ओ़ह ल़ेहमु मा-फाम्बु ख्या ङ्याम्बुॱआङ येहकें सोङबे ङाह ख्याया़गी ङोह स्य़े ख़ूएँ पेहती ताम माएँराङ येहबा। च्यिबेमाना ख्याया़गी लेहमा च्यी़ राहङ ज़ुबुकी ओङबुया़ला मेहचाङा दाङ तोहरोङ माहङबु तिहक्पाया़ पेहच्येला चि क्याहप्क्यो येहकें, ता़ह ओ़हठीॱराङ पेहती नाम्पार-ताहक्पा ओहङज्येला राहङ ओङबुया़ला टाहङदेनकी योक्पु ज़ोज्येला चि क्याहप्तोङ।
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
ताहङबो इस्राएली मिहया़की पाहरक्यीला चिहन क्याहप्केन्गी लुहङतेम्बाया़ येहकें ल़ेहमुराङ, ताहन्दा ख्याया़गी पाहरक्यीलाॱआङ चिहन क्याहप्ती लुहङ तेर्केन्गी लोबेनया़ थेन्दी ओहङज्ये येह। खुङया़गी नाहङदा नाहङ क्यी़हराङ माहन्ज्योर्पा पेहती तोङदी डो च्य़ूगेन्गी ची़हमा लुहङया़ ख्योङज्ये येह, ओहले खुङया़गी थार्पा नाङगेन्गी चो़वोलाॱआङ मा-लोक पेहच्ये येह। दि ल़ेहमु पेहती खुङ याहङमे-याहङ तोङदी डोज्ये येह।
ကြော်ငြာတွေ