१ कोरिन्‍थी 6:11 - ह्योल्‍मो

¹¹ ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

१ कोरिन्‍थी 6:11 ပူးပေါင်းရင်းမြစ်များ

मत्ती 20:4

ओहले खोगी खुङया़ला मासीन, ‘ख्‍याया़ॱआङ ङाहगी कुहन्‍डुम स्‍यिहङला ल़ेह पेहच्‍येला सोङ, ङाह ख्‍याया़ला ज्‍योर कोहएँगी ले़गा तेर्के।’

लूका 18:14

ङाहगी ख्‍याला माएँ, ओ़ह फरिसी म़ेदी ठाल तुहएँ मिहती किन्‍ज्‍योगी ज़ी़लुला या़हबु थेन्‍सीन ओहले खो खाङबाला लो़ह काहल्‍सीन। च्‍यिबेमाना सुगी राहङगी राहङला छ्यिम्‍बु ज़ोज्‍ये छोल्‍गे खो फेमा ओहङज्‍ये येह ओहले सुगी राहङला फेमा ज़ोएँ खो छ्यिम्‍बु ओहङज्‍ये येह।”

यूहन्‍ना 13:10

ओहले येशूगी सुङ नाङसीन, “ठी़ क्‍याहप सिहन्‍ग्‍योगी मिहला काङबा म़ेदी लेहमेन च्‍यिॱआङ ठु मेहकोहएँ, ओ़ह थाम्‍ज्‍यीराङ चाङमा काहल सिहन्‍दी येह। ओहले ख्‍याया़ चाङमा काहल सिहन्‍दी येह, यिहॱनाङ थाम्‍ज्‍यीनी मिहम्‍बा।”

यूहन्‍ना 13:8

ओहले पत्रुसगी स्‍युहसीन, “राहङगी ङाहती काङबा नाहमॱआङ ठु नाङज्‍ये म़ेह।” ओहले येशूगी खोला सुङ नाङसीन, “ङाहगी ख्‍येगी काङबा मिहठुनानी, ख्‍ये ङाहती ओहङ मी़हखुएँ।”

यूहन्‍ना 5:4

च्‍यिबे मासीमाना, नाहम-नाहम चो़वोगी स्‍याहप्‍च्‍यी च्‍यी़ माहर फेप्‍ती कोल्‍मुगी छ्यु युङ नाङगो येहकें। ओहले छ्यु युहङ फान्‍ज्‍यो तोहङस्‍यो छ्यु नाहङला स्‍य़ूहगेन नेहपादी काहन्‍डुमु नाहजा क्‍याहप्‍क्‍यो येहॱनाङ टा़हउ येहकें।]

ल़ेह-पेन 13:39

येशूला यिह छ्य़ेगेया़ थाम्‍ज्‍यी तिहक्‍पा ङो़ले थार्पा ज्‍योर्ती किन्‍ज्‍योगी ज़ी़नाङला ठाबे सी़हगे। मोशागी नाङग्‍यो छ्य़े-ठिमगी मिहया़ला थार्पा तेर मी़हखुएँ।

ल़ेह-पेन 22:16

ओ़ह सोङबे ता़ह च्‍यिबे कू़हदी तेहच्‍ये? ता़ह लाहङदोङ ओहले बप्‍तिस्‍मा लेहन्‍दोङ ओहले येशूगी छेन लेहन्‍दी राहङगी पेहक्‍योगी तिहक्‍पा ता़ह च्‍य़ूदोङ!’ म़ेदी हननियागी मासीन।

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

रोमी 3:24

यिहॱनाङ किन्‍ज्‍योकी काटीनकी काबापगी पेहती मास्‍यीका येशू ङ्याम्‍बु येहकेन्‍गी थार्पा लाहमले खुङया़ आहन्‍डाराङ टाहङबु सी़ह ख़ूसीन।

रोमी 4:5

छ्य़े दाङ छ्य़ेगी ल़ेहला मिहम्‍बा यिहॱनाङ फातुर च़ूक्‍योया़ला टाहङबु सी़ह च्‍य़ू नाङगेन किन्‍ज्‍यो थो़ला तेहपा पेहसीमाना किन्‍ज्‍योगी खोला तेहपा लाहमले “खो टाहङबु यिहन” म़ेदी टाहङमा क्‍याहप नाङज्‍ये येह।

रोमी 5:1

ओ़ह सोङबे ओहराङ यिह-छ्य़े लाहमले किन्‍ज्‍योकी दिनला टाहङबु सी़ह ख़ूसीन। ओहले ओहराङकी चो़वो येशू मास्‍यीका लाहमले ओहराङ किन्‍ज्‍यो ङ्याम्‍बु थिन ख़ूसीन।

रोमी 5:9

दि ल़ेहमु पेहती मास्‍यीकाकी ठा़ लाहमले ओहराङला किन्‍ज्‍योकी दिनला टाहङबु सी़ह च्‍यु नाङसीन मानानी ता़ह तोहरोङ मिहरोगी ओहराङला किन्‍ज्‍योगी थुयाल यिहन्‍ज्‍यु थार च्‍य़ू नाङज्‍ये येह।

रोमी 8:30

सु सुला किन्‍ज्‍योगी तोहङलेराङ दाम नाङबा, खुङया़ला मिहरोगी क़ेॱआङ क्‍याहप नाङसीन, ओहले सु सुला मिहरोगी क़े क्‍याहप नाङबा, खुङया़ला मिहरोगी टाहङबुॱआङ सी़ह च्‍य़ू नाङसीन, ओहले सु सुला मिहरोगी टाहङबु सी़ह च्‍य़ू नाङबा, खुङया़ला मिहरोगी ज़िज्‍यिदॱआङ नाङसीन।

रोमी 8:33

किन्‍ज्‍योगी दाम नाङग्‍यो मिहया़ला सुगी फातुर च़ू ख़ूएँ? किन्‍ज्‍यो राहङगीराङ खुङया़ला टाहङबु सी़ह च्‍य़ू नाङग्‍यो येहबा।

१ कोरिन्‍थी 1:2

कोरिन्‍थी लुहङबाला येहकेन्‍की किन्‍ज्‍योकी छेन्‍छोकला ङ्यिह दि यिहगी प्रुहएँॱराङ येह। मास्‍यीका येशूला नाम्‍पार-ताहक्‍पा काहल्‍ग्‍यो दाङ खुङया़ ङ्याम्‍बु-ङ्याम्‍बुराङ ग्‍या़ थाम्‍ज्‍यीला मास्‍यीकाकी नाम्‍पार-ताहक्‍पा मिह डोज्‍येकी तेहन्‍दाला क़े क्‍याहप नाङग्‍योया़ थाम्‍ज्‍यी, का़हन्‍दी का़हन्‍दीगी चो़वो येशू मास्‍यीकाकी छेनला क्‍याप्‍केन, ओ़ह चो़वो येशू मास्‍यीकाॱराङ ओहराङ दाङ खुङया़की चो़वो यिहम्‍बा:

१ कोरिन्‍थी 1:30

किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।

१ कोरिन्‍थी 12:2

ख्‍याया़ला क्‍यी़हराङ येह, चो़वोला यिह मे़हछ्य़ेएँमु ख्‍याया़ च्‍या च्‍यी़ले ताम माॱराङ मी़हखुएँगी कुया़ ङो़ले सेम ग्‍युरक्‍यो येहकें।

गलाती 2:16

यिहॱनाङ, दि केच्‍या ङ्यिहगी ङोह स्‍ये़सीन– येशू मास्‍यीकाला तेहपा पेहना मिहम्‍बा, छ्य़े-ठिम ची़देनी मिह किन्‍ज्‍योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्‍बा यिहॱनाङ मास्‍यीका थो़ला पेहक्‍योकी यिह-छ्य़े लाहमले टाहङबु सी़ह ख़ूज्‍यु म़ेदीराङ ओहराङगीॱआङ ओहराङगी तेहपा मास्‍यीका येशू थो़ला ज़्‍या़क्‍यो यिहम्‍बा, च्‍यिबेमाना छ्य़े-ठिम लाहमले सुज्‍यीॱआङ टाहङबु सी़ह मी़हखुएँ।

गलाती 3:11

किन्‍ज्‍योगी ज़ी़लुला छ्य़े-ठिम लाहमले सु मिहज्‍यीॱआङ च्‍यिॱआङ क्‍येन म़ेहबा पेहती तेह मी़हखुएँ माएँ तामनी छ्यिसाल-नाहङसालॱराङ येह। च्‍यिबेमाना “च्‍यिॱआङ क्‍येन म़ेहबा मिह तेहपा लाहमलेॱराङ थार्च्‍ये येह।”

गलाती 3:24

तेहपा लाहमले ओहराङ टाहङबु सी़ह ख़ूज्‍यु म़ेदी छ्य़े-ठिमगी ओहराङला चारा पेहती मास्‍यीका थु ठिच्‍येला चि लेहन्‍ग्‍यो येहकें।

गलाती 3:8

किन्‍ज्‍योगी लेहमेन क्‍यिहपाकी मिहया़ला तेहपा लाहमलेॱराङ च्‍यिॱआङ क्‍येन म़ेहबाकी मिह ज़ो नाङज्‍ये येह माएँ ताम सुङरापगी तोहङ यिहन्‍ज्‍युराङ थोङदी अब्राहामला “ख्‍ये लाहमलेॱराङ थाम्‍ज्‍यी क्‍यिहपाकी मिहया़गी मेलाम ज्‍योर्च्‍ये येह” माएँ या़हबु लेहङगु प्रा साल्‍सीन।

एफिसी 5:26

च्‍यिबेमाना मास्‍यीकागी छेन्‍छोकला नाम्‍पार-ताहक्‍पा ज़ो नाङज्‍येला राहङगी सुङ लाहमले ओहले छ्युगी ठु नाङदी चाङमा ज़ो नाङसीन।

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।

२ थेसलोनिकी 2:13

चो़वोगी चेवा जे नाङग्‍योकी आदा-नो़ह दाङ आज्‍यी-नुहमुया़, राहङ फ़ेबे-म़ेहमेया़गी तेहन्‍दाला ङ्यिहगी नाहम माॱनाङ किन्‍ज्‍योला थुज्‍यी-छ्ये़ फुलॱराङ कोहएँ च्‍यिबेमाना तोहङ यिहन्‍ज्‍युराङ नाम्‍पार-ताहक्‍पा थुगी टाहङबु ज़ोएँगी ल़ेह लाहमले ओहले तेहन्‍दामकी स्‍याहल थो़ला तेहपा पेहती थार्च्‍येला किन्‍ज्‍योगी राहङ फ़ेबे-म़ेहमेया़ला दाम नाङसीन।

हिब्रू 10:22

ता़ह ओहराङ किन्‍ज्‍योकी कुम्‍देनला डोएँमु च्‍याहङज्‍यु सेम्‍बा थो़दी, सेम तिहङ यिहन्‍ज्‍युराङ यिह छ्य़ेदी ओहले थाक ताङदे किन्‍ज्‍योगी दिनला डो। च्‍यिबेमाना नावा चोक्‍पा लाहमले मिहरोगी ओहराङगी सेमला चाङमा ज़ो नाङदी येह ओहले छ्यु चाङमागी ओहराङगी ज़ुबुला ठु नाङदी येह।

हिब्रू 10:29

ख्‍याया़ राहङगीराङ नोम्‍साङ ताङदोङ: किन्‍ज्‍योकी स़ेबुला राहङ काङबा चो़ला ज़्‍या़गे ओहले तिहक्‍पालेगी नाम्‍पार-ताहक्‍पा ज़ो नाङगे किन्‍ज्‍योकी ताहम्‍ज्‍या थिउ-निउ पेहकें मास्‍यीकाकी ठा़ला च्‍यि ल़ेहमुज्‍यीॱआङ मे़हनेगे ओहले काटीन नाङगेन्‍गी नाम्‍पार-ताहक्‍पा थुला स्‍ये़हन्‍डील पेहकें मिहला जेन काहजे छ्यिम्‍बु ङ्य़ेहबा फो़रो?

हिब्रू 2:11

च्‍यिबेमाना नाम्‍पार-ताहक्‍पा ज़ो नाङगेन्‍दी ओहले नाम्‍पार-ताहक्‍पा ज़ोक्‍योया़ॱआङ थाम्‍ज्‍यी खाङबा च्‍यी़गी मे़हमेया़ यिहम्‍बा। ओ़ह सोङबे खुङया़ला नो़ह सुङज्‍येला येशू स्‍याहल स्‍युह मेहनाङगे।

१ पत्रुस 1:2

तोहङ यिहन्‍ज्‍युराङ राहङगी ज़ो नाङग्‍योगी च्‍याहम्‍दा लाहमले जेती किन्‍ज्‍यो याहपकी ख्‍याया़ला राहङदीराङ नाम्‍पार-ताहक्‍पा मिहया़ ज़ो नाङज्‍येला दाम नाङग्‍यो यिहम्‍बा। येशू मास्‍यीकाकी ठा़गी नाम्‍पार-ताहक्‍पा काहल्‍दी मिहरोकी काया़ ख्‍याया़गी ची़ ख़ूज्‍यु म़ेदी किन्‍ज्‍योगी ख्‍याया़ला नाम्‍पार-ताहक्‍पा थु लाहमले राहङदी ज़ो नाङसीन। किन्‍ज्‍योगी ख्‍याया़ला काटीन दाङ स्‍य़िहदे माहङबु म़ेदी माहङबु नाङज्‍यु।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ पत्रुस 3:21

दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।

१ यूहन्‍ना 2:12

ए ङाहगी च्‍याहम्‍बु पेहजाया़, येशूगी छेनला ख्‍या थाम्‍ज्‍यीगी तिहक्‍पा ता़हक्‍यो सोङबे ङाह ख्‍याया़ला दि ताम प्रुहएँ राङ येहबा।

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”