१ कोरिन्थी 4:6 - ह्योल्मो6 आदा-नो़ह दाङ आज्यी-नुहमुया़, ख्याया़गी तेहन्दालाराङ ङाहगी अपोल्लोस दाङ राहङदीराङ पे तेन्दी दि थाम्ज्यीराङ प्रुहक्यो यिहम्बा, ख्यागी ङ्यिहगी पे त़ेदी नाम्पार-ताहक्पा सुङरापगी सुङ नाङग्योकी मिहली ल़ेहमु राहङगी मिहजी ताङदोङ, ओहले मेहन्दा च्यी़ ङो़ले छ्यो़ रुहप्ती लेहमेनला ङ्येन्ज्येन पेहकेन ल़ेहती या़हबु मिहम्बा। အခန်းကိုကြည့်ပါ။ |
च्यिबेमाना का़हलेॱआङ लाहला मिहया़ ओहङदी ङ्यिहगी स्येक्योगी येशू म़ेदी लेहमेनॱराङ येशूगी तेहन्दाला स्य़ेसीन माना, कि-माना ख्यागी ज़्योरक्योगी नाम्पार-ताहक्पा थु म़ेदी लेहमेनॱराङ नाम्पार-ताहक्पा थु लेहन्सीनमाना, कि-माना ख्याया़गी ज़्योरक्यो या़हबु लेहङगु म़ेदी लेहमेनॱराङ या़हबु लेहङगु लोक पेहसीनमाना ख्या दि थाम्ज्यीगी दिनला ग्यो़बाराङ ज्युल्गु दु।
च्यिबेमाना ङाह ख्याला थु ओहङगेमु ङाहगी ने़क्यो ल़ेहमु ख्या मेहयोहङडो ओहले ख्यागी ने़क्यो ल़ेहमु ङाह मेहयोहङडो म़ेदी ङाहला ज्यी़सु येहकें। ख्याया़गी पाहरक्यीला ठ़ूस्यी, ठादो, स्यिहताङ, राहङदी च्यी़राङ ख्येप्साङ ताएँ, ख्येर क्याहप्कें, मिहदाम च्येहके, छ्य़ेन्दो तेन्गे दाङ मिहला गो़ थोम च्य़ूगेन्गी तामया़ॱआङ ओहङडो।
का़हलेॱआङ ङाहगी छ्य़ेन्दो तेन्ज्ये सेम्बा पेहॱराङ पेहसीमाना ङाह उल्दुम्बा डोज्ये म़ेह, च्यिबेमाना ङाहगी तेहन्दामकी तामया़ म़े तेहक्यो ओहङज्ये येह। यिहॱनाङ मिहया़गी ङाहगी मिहजीला थोङग्यो दाङ ङाह लाहमले थे़क्यो म़ेदी ल्हाक्पु सुज्यीगी ङाहला मा़हनेज्यु म़ेदी ङाह छ्य़ेन्दो तेन्गे यिहन्ज्यु राहङगी राहङला का़गे।
ङ्यिहगी ज्याल्गा थोङसीन म़ेदी ङ्येम्ज्युङ पेहचेनज्यी तेन्दी स्यिहङगामकी स्याहप्च्यीला छ्येपा फुल्गेनया़ॱआङ येहबा। ओहले खुङया़गी ख्याया़ला दि ल़ेहमु यिहनॱराङ मिहम्बागी तामया़ स्येती गो़ कोर च्य़ूदी ख्यागी ज्योर कोहएँगी च्याहगा तोर मा़हच्यु। दि ल़ेहमु मिहया़ तिहक्पागी सेम थो़दी तेहन्दाॱराङ म़ेहबाकी तामया़ला छ्य़ेन्दो तेन्दी तेहकें।
च्यिबेमाना ङ्यिहगी ख्या फ़ेबे-म़ेहमेया़गी पाहरक्यीला लेहङगु या़हबु ख्योङगेमु तामला च्यी़राङ मिहम्बा, यिहॱनाङ नाम्पार-ताहक्पा थु दाङ ओङ लाहमले ख्या फ़ेबे-म़ेहमेया़गी तेहन्दामकी लेहङगु या़हबुया़ यिह छ्य़े ख़ूएँ पेहती ख्योङदी ओहङसीन। ङ्यिह ख्या फ़ेबे-म़ेहमेॱया ङ्याम्बु तेहकेमु ङ्यिहगी ख्या फ़ेबे-म़ेहमेया़गी तेहन्दाला ङ्यिहगी मिहजी काहन्डुमु पेहती ताङबा, ओ़ह राहङया़ला थुयी़राङ येह।