Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ कोरिन्‍थी 4:6 - ह्योल्‍मो

6 आदा-नो़ह दाङ आज्‍यी-नुहमुया़, ख्‍याया़गी तेहन्‍दालाराङ ङाहगी अपोल्‍लोस दाङ राहङदीराङ पे तेन्‍दी दि थाम्‍ज्‍यीराङ प्रुहक्‍यो यिहम्‍बा, ख्‍यागी ङ्यिहगी पे त़ेदी नाम्‍पार-ताहक्‍पा सुङरापगी सुङ नाङग्‍योकी मिहली ल़ेहमु राहङगी मिहजी ताङदोङ, ओहले मेहन्‍दा च्‍यी़ ङो़ले छ्यो़ रुहप्‍ती लेहमेनला ङ्येन्‍ज्‍येन पेहकेन ल़ेहती या़हबु मिहम्‍बा।

အခန်းကိုကြည့်ပါ။ ကော်ပီ




१ कोरिन्‍थी 4:6
35 ပူးပေါင်းရင်းမြစ်များ  

ओहले अलेक्‍जेन्‍ड्रिया क्‍याहसाला क्‍येक्‍योगी अपोल्‍लोस माएँ यहूदी मेहन्‍दा च्‍यी़ एफिसस क्‍याहसाला ओहङसीन। खो ताम माज्‍येला ज्‍यिबुराङ ख़ेबा येहकें। खोला यहूदी सुङरापकी तेहन्‍दाला माहङबुराङ येहन्‍देन येहकें।


अपोल्‍लोस कोरिन्‍थी क्‍याहसाला येहकेंमु पावल ग्‍या़ माहङबुराङ कोरा क्‍याहप्‍ती एफिसस क्‍याहसाला लेप्‍सीन। एफिसस क्‍याहसाला लेप्‍सीम्‍बाराङ पावलगी चो़वो येशूला यिह-छ्य़े पेहकेन्‍गी लाहला स्‍याहप्‍च्‍यीया़ला थ़ूसीन।


च्‍यिबेमाना किन्‍ज्‍योगी ङाहला नाङग्‍यो काटीन लाहमले ख्‍या थाम्‍ज्‍यीला ङाह ओहर-छ्य़े स्‍युहउ येह, का़हन्‍दीगी राहङला काहन्‍डुमु ऩे कोहएँ यिहम्‍बा ओ़ह म़ेदी ल्‍हाक्‍पु मा़हनेज्‍यु, यिहॱनाङ ख्‍याला किन्‍ज्‍योगी काहजे यिह-छ्य़े नाङग्‍यो येहबा ओ़हला ते़बेकी साम्‍लु ताङदोङ।


ङाहगी माज्‍ये छोल्‍ग्‍योकी ताम दिराङ यिहम्‍बा ख्‍या नाहङले लाहलागी “ङाह पावलती यिहम्‍बा” लाहलागी “ङाह अपोल्‍लोसती यिहम्‍बा” लाहलागी “ङाह केफासती यिहम्‍बा” ओहले लाहलागीती “ङाह मास्‍यीकाती यिहम्‍बा” म़ेदी माउ दु लो।


च्‍यिबेमाना छ्य़ेला दि ल़ेहमु प्री़हदी येहबा, “येहन्‍देन माहङबु येहकेनया़दी येहन्‍देन तोङ च्‍य़ूज्‍ये येह, ओहले रिहक्‍स्‍यी माहङबु येहकेनया़दी रिहक्‍स्‍यीया़ फेन मे़हथोएँ ज़ोज्‍ये येह।”


ओ़ह सोङबे छ्य़ेला दि ल़ेहमु प्री़हदी येहबा, “छ्य़ेन्‍दो तेन्‍ज्‍ये सेम्‍बा पेहकेनया़गी चो़वोगी तेहन्‍दाला च्‍यी़राङ छ्य़ेन्‍दो तेन्‍ज्‍यु।”


चेवाला स्‍य़िहदे ओहङगे ओहले निङज्‍यी पेहकें, चेवागी स्‍यिहताङ मेहबेकें, छ्य़ेन्‍दो मेहतेन्‍गे ओहले राहङला छ्यिम्‍बु मे़हनेगे।


च्‍यिबेमाना जाम्‍बुलीङकी रिहक्‍स्‍यी किन्‍ज्‍योकी दिनला उल्‍दुम्‍बा यिहम्‍बा। छ्य़ेला दि ल़ेहमु प्री़हदी येहबा, “ख्‍येम्‍बा ताहक्‍पुया़गी राहङगी रिहक्‍स्‍यीकी पेहक्‍योकी टिहम्‍दाङकी ल़ेहया़ लाहमलेॱराङ किन्‍ज्‍योगी खुङया़ला मिताला छ्यि च्‍य़ू नाङगे।”


ओ़ह सोङबे सुज्‍यीगीॱआङ मिहगी पेह ख़ूएँगी ल़ेह थो़ला छ्य़ेन्‍दो माहतेन्‍ज्‍यु। च्‍यिबेमाना थाम्‍ज्‍यीराङ से़हया़ ख्‍याराङदीॱराङ यिहन।


तोहरोङ ख्‍यानी सेम मा-फाम्‍बु पेह कोहएँ ग्‍या़लानी छ्य़ेन्‍दो गा तेन्‍गु दुबा! दि ल़ेहमु पे मी़हसीहएँगी ल़ेह पेहकें मिहला ख्‍याया़गी छोक्‍पाले तेन चोहङ।


ख्‍याया़गी छ्य़ेन्‍दो तेन्‍गेन्‍दी या़हबु मिहम्‍बा। च्‍योप्‍क्‍यो चाम्‍बाला सिपाज्‍यीराङ खमिर लू़सीमाना चाम्‍बा रेबेॱराङ फोर्के माएँदी च्‍यि ख्‍याया़ला क्‍यी़ह म़ेहबा?


ता़ह ङाह कुला छ्येपा फुल्‍ग्‍यो साहएँ से़हया़गी तेहन्‍दाला माउ येह। ओहराङला क्‍यी़हराङ येहबा, ओहराङ ङ्याम्‍बु येहन्‍देन येहबा। येहन्‍देनगी मिहला छ्य़ेन्‍दो तेन्‍गे ज़ोएँ, यिहॱनाङ चेवागीती मिहला याहरक्‍यी डो च्‍य़ूगे।


या़हबु लेहङगुगी मेलामया़ ङाहगी ज्‍योर ख़ूज्‍यु म़ेदीराङ ङाहगी दि ना थाम्‍ज्‍यी या़हबु लेहङगुगी तेहन्‍दालाराङ पेहकेनॱराङ येहबा।


राहङगी राहङला छ्यिम्‍बु ने़गे मिहया़ ङ्याम्‍बु ङ्यिहगी राहङला तुहर मी़हखुएँ ओहले खुङ ङ्याम्‍बु टाहल च्‍यी़ला तेहच्‍येला ङ्यिह आ़रॱआङ मेहबेकें! यिहॱनाङ खुङ उल्‍दुम्‍बा काहल्‍दी राहङगी राहङला च्‍यी़गी च्‍यी़ला छे क्‍याहप्‍कें ओहले तुहर्कें।


ङ्यिह राहङगी सा-छ्याम गोम्‍दी लेहमेनगी कादुप च्‍येती पेहक्‍योगी ल़ेहला छ्य़ेन्‍दो मेहतेन, यिहॱनाङ ङ्यिहती रेहवा दि यिहम्‍बा, ख्‍याया़ तेहपाला याहरक्‍यी पेहती डोएँमु ख्‍याया़गी पाहरक्‍यीला ङ्यिहती सा-छ्याम तोहरोङ छ्यिम्‍बु पेहती डोज्‍ये येह।


ख्‍याया़नी फिला थोङगेन्‍गी छ्यालुया़ला च्‍यी़राङ गा ताउ दु। का़हन्‍दी मिहगी “ङाह मास्‍यीकाती यिहम्‍बा” म़ेदी राहङगी सेम तिहङ यिहन्‍ज्‍युराङ यिह छ्य़ेक्‍यो येहबा। ओ़ह ल़ेहमु मिहगी खो मास्‍यीकाती यिहन्‍गे ल़ेहमुराङ ङ्यिहॱआङ मास्‍यीकातीॱराङ यिहम्‍बा म़ेदी ङोह स्‍य़े कोहएँ।


च्‍यिबेमाना का़हलेॱआङ लाहला मिहया़ ओहङदी ङ्यिहगी स्‍येक्‍योगी येशू म़ेदी लेहमेनॱराङ येशूगी तेहन्‍दाला स्‍य़ेसीन माना, कि-माना ख्‍यागी ज़्‍योरक्‍योगी नाम्‍पार-ताहक्‍पा थु म़ेदी लेहमेनॱराङ नाम्‍पार-ताहक्‍पा थु लेहन्‍सीनमाना, कि-माना ख्‍याया़गी ज़्‍योरक्‍यो या़हबु लेहङगु म़ेदी लेहमेनॱराङ या़हबु लेहङगु लोक पेहसीनमाना ख्‍या दि थाम्‍ज्‍यीगी दिनला ग्‍यो़बाराङ ज्‍युल्‍गु दु।


देजे माहङबु तामया़ ङ्यिहगी राहङगी राहङला थार च्‍य़ूज्‍येगी तेहन्‍दाला माक्‍यो यिहन्‍डो म़ेदी ख्‍यागी सेमला ऩे येहटो। ए ङाहगी च्‍याहम्‍बु रो़हया़, ङ्यिह किन्‍ज्‍योगी दिनला मास्‍यीका लाहमले ताम माएँराङ येहबा, दि थाम्‍ज्‍यी ख्‍याया़ला याहरक्‍यी ख्‍येर्च्‍येगी तेहन्‍दाला यिहम्‍बा।


च्‍यिबेमाना ङाह ख्‍याला थु ओहङगेमु ङाहगी ने़क्‍यो ल़ेहमु ख्‍या मेहयोहङडो ओहले ख्‍यागी ने़क्‍यो ल़ेहमु ङाह मेहयोहङडो म़ेदी ङाहला ज्‍यी़सु येहकें। ख्‍याया़गी पाहरक्‍यीला ठ़ूस्‍यी, ठादो, स्‍यिहताङ, राहङदी च्‍यी़राङ ख्‍येप्‍साङ ताएँ, ख्‍येर क्‍याहप्‍कें, मिहदाम च्‍येहके, छ्य़ेन्‍दो तेन्‍गे दाङ मिहला गो़ थोम च्‍य़ूगेन्‍गी तामया़ॱआङ ओहङडो।


का़हलेॱआङ ङाहगी छ्य़ेन्‍दो तेन्‍ज्‍ये सेम्‍बा पेहॱराङ पेहसीमाना ङाह उल्‍दुम्‍बा डोज्‍ये म़ेह, च्‍यिबेमाना ङाहगी तेहन्‍दामकी तामया़ म़े तेहक्‍यो ओहङज्‍ये येह। यिहॱनाङ मिहया़गी ङाहगी मिहजीला थोङग्‍यो दाङ ङाह लाहमले थे़क्‍यो म़ेदी ल्‍हाक्‍पु सुज्‍यीगी ङाहला मा़हनेज्‍यु म़ेदी ङाह छ्य़ेन्‍दो तेन्‍गे यिहन्‍ज्‍यु राहङगी राहङला का़गे।


दि थाम्‍ज्‍यी ख्‍याया़गी तेहन्‍दालाराङ काहल्‍ग्‍यो यिहन च्‍यिबेमाना काह-ठि पेहती काटीन माहङबु म़ेदी माहङबु मिहया़गी पाहरक्‍यीला फेल्‍दी डोएँ, ओ़हठीॱराङ पेहती किन्‍ज्‍योगी ज़िज्‍यिदगी तेहन्‍दाला थुज्‍यी-छ्ये़ फुल्‍गेन्‍गी छ्या़लेया़ॱआङ फेल्‍दी डोएँ।


ङ्यिहगी ज्‍याल्‍गा थोङसीन म़ेदी ङ्येम्‍ज्‍युङ पेहचेनज्‍यी तेन्‍दी स्‍यिहङगामकी स्‍याहप्‍च्‍यीला छ्येपा फुल्‍गेनया़ॱआङ येहबा। ओहले खुङया़गी ख्‍याया़ला दि ल़ेहमु यिहनॱराङ मिहम्‍बागी तामया़ स्‍येती गो़ कोर च्‍य़ूदी ख्‍यागी ज्‍योर कोहएँगी च्‍याहगा तोर मा़हच्‍यु। दि ल़ेहमु मिहया़ तिहक्‍पागी सेम थो़दी तेहन्‍दाॱराङ म़ेहबाकी तामया़ला छ्य़ेन्‍दो तेन्‍दी तेहकें।


च्‍यिबेमाना ङ्यिहगी ख्‍या फ़ेबे-म़ेहमेया़गी पाहरक्‍यीला लेहङगु या़हबु ख्‍योङगेमु तामला च्‍यी़राङ मिहम्‍बा, यिहॱनाङ नाम्‍पार-ताहक्‍पा थु दाङ ओङ लाहमले ख्‍या फ़ेबे-म़ेहमेया़गी तेहन्‍दामकी लेहङगु या़हबुया़ यिह छ्य़े ख़ूएँ पेहती ख्‍योङदी ओहङसीन। ङ्यिह ख्‍या फ़ेबे-म़ेहमेॱया ङ्याम्‍बु तेहकेमु ङ्यिहगी ख्‍या फ़ेबे-म़ेहमेया़गी तेहन्‍दाला ङ्यिहगी मिहजी काहन्‍डुमु पेहती ताङबा, ओ़ह राहङया़ला थुयी़राङ येह।


ओ़ह सोङबे किन्‍ज्‍योगी दाम नाङग्‍योकी मिहया़गी तेहन्‍दाला ङाह च्‍यि स़ेह माना ना़गे, ओ़हगी पेहती खुङया़गीॱआङ था़ म़ेहबा ज़िज्‍यिद ङ्याम्‍बु मास्‍यीका येशू थो़ला येहकेन्‍गी थार्पा ज्‍योर ख़ूज्‍यु।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ