१ कोरिन्‍थी 4:15 - ह्योल्‍मो

¹⁵ च्‍यिबेमाना मास्‍यीकाला ख्‍याला चारा पेहकेन्‍की लोबेनया़ तोङरा तोङराॱराङ येहनाॱआङ ख्‍याती आबानी च्‍यी़राङ येहबा। च्‍यिबेमाना ङाहगी ख्‍याला या़हबु लेहङगु लाहमले मास्‍यीका येशूला ङोह स्‍य़े च्‍य़ूदी ङाह ख्‍याया़गी आबा काहल्‍सीन।

१ कोरिन्‍थी 4:15 ပူးပေါင်းရင်းမြစ်များ

रोमी 15:20

लेहमेन मिहगी तिङग्‍यो ब्रामला खाङबा ज़ोक्‍यो ल़ेहमुराङ लेहमेन मिहगी या़हबु लेहङगु स्‍य़े सिहन्‍ग्‍यो ग्‍या़ला ङाह या़हबु लेहङगु ख्‍येप्‍टा मेहक्‍याहप्‍कें। मास्‍यीकाकी तेहन्‍दाला थे़ॱराङ मा़हथेबा ग्‍या़या़ला च्‍यी़राङ ङाहला ख्‍येप्‍टा क्‍याहप्‍च्‍येला ज्‍यिबुराङ छ्यिम्‍बु सेम्‍बा येहबा।

१ कोरिन्‍थी 1:30

किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।

१ कोरिन्‍थी 15:1

आदा-नो़ह दाङ आज्‍यी-नुहमुया़, ङाहगी ख्‍याया़ला स्‍ये़क्‍योकी या़हबु लेहङगु ङाह येहपाराङॱआङ ख्‍याया़ला टेहम्‍बा साल च्‍य़ूएँ। च्‍यिबेमाना ख्‍याया़गी ओ़ह या़हबु लेहङगुला राहङगी सेम तिहङ यिहन्‍ज्‍युराङ यिह छ्य़ेसीन ओहले ताहन्‍दा थु ख्‍याया़ ओ़ह या़हबु लेहङगुला थिक-चि पेहती तेहती येहबा।

१ कोरिन्‍थी 3:10

किन्‍ज्‍योगी ङाहला नाङग्‍यो काटीनगी पेहती ङाहगी गो-छ्येवा चिक्‍सो-खे़बागी ल़ेहमुराङ पेहती खाङबाकी ब्राम तिङ ङ्युहङसीन, ओहले लेहमेनगीती ओ़ह थो़ला खाङबा ज़ोएँ। खाङबा ज़ोएँ थाम्‍ज्‍यीगी काह-ठि पेहती ज़ो कोहएँ यिहम्‍बा, ओ़ह या़हबु पेहती साम्‍लु ताङ कोहएँ।

१ कोरिन्‍थी 3:6

ङाहगी च़ूसीन ओहले अपोल्‍लोसगी छ्यु लू़सीन, यिहॱनाङ ओ़हदीला छार च्‍य़ू नाङगेन्‍दीनी किन्‍ज्‍योॱराङ यिहम्‍बा।

१ कोरिन्‍थी 3:8

च़ूगेन दाङ छ्यु लू़गेनदीला च्‍यिॱआङ ख्‍येपार म़ेह। थाम्‍ज्‍यीगी राहङ-राहङगी ल़ेहला ते़बेकी राहङगी ले़गा ज्‍योर्च्‍ये येह।

१ कोरिन्‍थी 9:12

ख्‍याया़गी लेहमेनया़लानी रो़हराम पेहसीनमाना च्‍यि ओ़ह म़ेदीॱआङ माहङबु ङ्यिहला रो़हराम पेह मेहकोहएँ ले? ङ्यिह ङ्याम्‍बु ओङ येहकें यिहॱनाङ ङ्यिहगी च्‍यिॱआङ मा़हमे। मास्‍यीकाकी या़हबु लेहङगु स्‍येकेमु च्‍यि से़हज्‍यीगीॱआङ मा़हकाज्‍यु म़ेदीराङ ङ्यिहगी थाम्‍ज्‍यी ना़दे तेहसीन।

१ कोरिन्‍थी 9:14

ओ़ह ल़ेहमुराङ पेहती या़हबु लेहङगु स्‍य़ेकेया़गीॱआङ या़हबु लेहङगु लाहमलेॱराङ साहज्‍ये थुङज्‍ये दाङ केहन ङ्युहङ कोहएँ सुङदी चो़वोगी का नाङसीन।

१ कोरिन्‍थी 9:16

ङाहगी या़हबु लेहङगु स्‍येकेमु छ्य़ेन्‍दो तेन्‍ज्‍येला ङाहला च्‍यिॱआङ ओङ म़ेह च्‍यिबेमाना दि ङाहगी मिहया़ला स्‍येॱराङ कोहएँ। का़हलेॱआङ ङाहगी या़हबु लेहङगु मे़हस्‍येसीमाना ङाह काहजे थाप-तुहक्‍पा!

१ कोरिन्‍थी 9:18

ओ़हठी यिहन्‍सीमाना ङाहती च्‍याहगा च्‍यि यिहम्‍बा ले? ङाहती च्‍याहगा दिराङ यिहम्‍बा– ङाहगी या़हबु लेहङगु स्‍येकेमु टाङगा च्‍यी़ॱआङ माहलेहम्‍बा पेहती स्‍य़े ङ्युहङज्‍यु। ओ़हठी पेहती या़हबु लेहङगु स्‍येकेमु ङाहगी ज्‍योर्केन्‍की ओङया़ चा़लती माहकोहज्‍यु।

१ कोरिन्‍थी 9:23

या़हबु लेहङगुगी मेलामया़ ङाहगी ज्‍योर ख़ूज्‍यु म़ेदीराङ ङाहगी दि ना थाम्‍ज्‍यी या़हबु लेहङगुगी तेहन्‍दालाराङ पेहकेनॱराङ येहबा।

२ कोरिन्‍थी 4:5

ङ्यिह राहङगी तेहन्‍दाला मिहया़ला स्‍येकें मिहम्‍बा यिहॱनाङ येशूगी तेहन्‍दाला ङ्यिह ख्‍याया़गी लाबु काहल्‍दी येशू मास्‍यीकाॱराङ चो़वो यिहम्‍बा म़ेदी मिहया़ला प्रा साल्‍गे।

गलाती 3:24

तेहपा लाहमले ओहराङ टाहङबु सी़ह ख़ूज्‍यु म़ेदी छ्य़े-ठिमगी ओहराङला चारा पेहती मास्‍यीका थु ठिच्‍येला चि लेहन्‍ग्‍यो येहकें।

गलाती 3:25

यिहॱनाङ ता़ह तेहपा ओहङग्‍यो सोङबे ता़ह ओहराङला छ्य़े-ठिमगी कुहर्ची पेह मेहकोहएँ।

गलाती 4:19

ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

२ तिमोथी 4:3

च्‍यिबेमाना ता़ह मिहया़गी तेहन्‍दामकी लोप्‍च्‍युङ ङ्यिहन्‍ज्‍ये सेम म़ेह ऩेगेन्‍गी ती़हजी च्‍यी़ॱआङ ओहङगेॱराङ येहबा। ओ़ह ती़हजीला खुङ राहङला या़हबु ऩेगेन्‍गी से़हया़ च्‍यी़राङ ङ्यिहन्‍ज्‍ये सेम पेहच्‍ये येह ओहले राहङला या़हबु ऩेगेन्‍गी तामया़ स्‍येकेन्‍गी लोबेनया़लाॱराङ क़े क्‍याहप्‍च्‍ये येह।

तीतस 1:4

ङ्यिह यिह-छ्य़े च्‍यी़ला येहकेन्‍गी ङाहती तेहन्‍दामगी पुह तीतसला दि यिहगी प्रुहएँॱराङ येहबा। किन्‍ज्‍यो याहप दाङ ओहराङला थार्पा नाङगेन्‍गी मास्‍यीका येशूगी ख्‍याया़ला काटीन दाङ स्‍य़िहदे नाङज्‍यु।

फिलेमोन 1:19

ङाह पावल, राहङदीराङ लाहक्‍पागी दि प्रुहएँॱराङ येहबा। ओ़ह खोगी च्‍याल कोहएँगी पेहलेन ङाहगीराङ ख्‍येला च्‍याल तेर्कें। ख्‍येगी मास्‍यीकाला मिहली साम्‍बा ङाह ङो़लेराङ ज़्‍योरक्‍यो यिहम्‍बा म़ेदीनी म़े तेह मेहकोहटो।

याकूब 1:18

किन्‍ज्‍योगी थुला ठुङग्‍यो सोङबे तेहन्‍दामकी सुङ लाहमले मिहरोगी ओहराङला ज़ो नाङसीन च्‍यिबेमाना मिहरोगी छ्या़ च्‍य़ू नाङग्‍योकी से़हया़ नाहङला ओहराङ तोहङस्‍यो सेदो ल़ेहमुराङ डो ख़ूज्‍यु म़ेदी यिहम्‍बा।

१ पत्रुस 1:23

किन्‍ज्‍योकी सोम्‍बो दाङ नाहमॱआङ मेहतोङगेन्‍गी सुङ लाहमले ख्‍याया़ येहपाराङ साम्‍बा पेहती क्‍येदी येह। ख्‍याया़ तोङदी डोएँगी छार्क्‍यीनया़ मिहम्‍बा, यिहॱनाङ ख्‍यानी नाहमॱआङ तोङदी मेहन्‍डोएँगी छार्क्‍यीनया़ गा यिहम्‍बा।