१ कोरिन्‍थी 3:9 - ह्योल्‍मो

⁹ च्‍यिबेमाना ङ्यिह ङ्याम्‍बु-ङ्याम्‍बुराङ किन्‍ज्‍योकी छ्या़ले पेहकेन्‍की मिहया़ यिहम्‍बा, ओहले ख्‍याया़ती किन्‍ज्‍योकी स्‍यिहङ दाङ किन्‍ज्‍योकी ज़िम्‍गाङ यिहम्‍बा।

१ कोरिन्‍थी 3:9 ပူးပေါင်းရင်းမြစ်များ

मत्ती 15:13

येशूगी सुङ नाङसीन, “स्‍यिहङगामला ज़्‍य़ू नाङगेन ङाहगी याहपगी च़ू माहनाङबादी थाम्‍ज्‍यीराङ तोहङबो रिङ यिहन्‍ज्‍युराङ पो नाङज्‍ये येह।

मत्ती 16:18

ता़ह ङाह ख्‍येला माएँ, ख्‍ये पत्रुस यिहम्‍बा। ङाह राहङगी छेन्‍छोक दि तोह-पा़रा थो़ला ज़ोएँ ओहले ङ्याल्‍वागी कोहया़गी ओ़ह थो़ला क्‍याहल ख़ूज्‍ये म़ेह।

मत्ती 9:37

ओहले येशूगी सुङ नाङसीन, “त़ेदोङ, तुह कोहकेन्‍गी डुया़नी माहङबुराङ येहबा, यिहॱनाङ ल़ेहमीया़दी ङ्युहङा येहबा।

मर्कूस 16:20

ओ़ह तिङले स्‍याहप्‍च्‍यीया़गी छ्यो़ ज़्‍यिगालाॱराङ काहल्‍दी येशूगी तेहन्‍दाला स्‍येसीन। चो़वो छ्येवागी खुङया़ लाहमले छ्या़लेया़ जे नाङसीन ओहले खुङया़गी स्‍येक्‍योगी केच्‍याया़ तेहम्‍बा-तेहन्‍सुम यिहन म़ेदी तेन नाङसीन।]

ल़ेह-पेन 4:11

येशूगी तेहन्‍दाला सुङरापला दि ल़ेहमु म़ेदी प्री़हदी येह– चिक्‍सो-खे़बाया़गी फेन मे़हथोएँ म़ेदी क्‍युर ज़्‍या़क्‍योगी तोह, तिहरीङ ओ़ह तोहॱराङ ब्रामकी सुहर-तोह काहल्‍सीन।

१ कोरिन्‍थी 3:16

ख्‍या किन्‍ज्‍योकी छ्योखाङ यिहम्‍बा ओहले किन्‍ज्‍योकी थु ख्‍या नाहङला ज़्‍य़ू नाङगे। च्‍यि दि ताम ख्‍याया़ला क्‍यी़ह म़ेहबा?

१ कोरिन्‍थी 3:6

ङाहगी च़ूसीन ओहले अपोल्‍लोसगी छ्यु लू़सीन, यिहॱनाङ ओ़हदीला छार च्‍य़ू नाङगेन्‍दीनी किन्‍ज्‍योॱराङ यिहम्‍बा।

१ कोरिन्‍थी 6:19

च्‍यि ख्‍याया़गी ज़ुबु नाम्‍पार-ताहक्‍पा थुगी छ्योखाङ यिहम्‍बा म़ेदी ख्‍याया़ला क्‍यी़ह म़ेहबा? किन्‍ज्‍योगी नाङग्‍योकी नाम्‍पार-ताहक्‍पा थुराङ ख्‍याया़गी ज़ुबु नाहङला ज़्‍य़ू नाङगे। ओ़ह सोङबे ख्‍याया़ राहङॱआङ राहङदी मिहम्‍बा।

२ कोरिन्‍थी 6:1

ङ्यिह किन्‍ज्‍यो ङ्याम्‍बुराङ ल़ेह पेहकें सोङबे ङ्यिह ख्‍याया़ला ओहर-छ्य़े स्‍युहउ येह, किन्‍ज्‍योगी ख्‍याया़ला काटीन जे नाङग्‍योदी ता़ह ओ़ह स्‍यिती काम्‍बुलाराङ थोरो डो मा़हच्‍यु।

२ कोरिन्‍थी 6:16

किन्‍ज्‍योगी छ्योखाङ ङ्याम्‍बु कुया़दी च्‍यि च्‍योल्‍दो ले? च्‍यिबेमाना ओहराङ सोम्‍बो ज़्‍य़ू नाङगेन किन्‍ज्‍योगी छ्योखाङ यिहम्‍बा। किन्‍ज्‍योगी दि ल़ेहमु सुङ नाङदी येहबा, “ङाह खुङया़ ङ्याम्‍बु तेहच्‍ये येह, ओहले खुङया़गी पाहरक्‍यीले फार छुर डोज्‍ये येह, ओहले ङाह खुङया़गी किन्‍ज्‍यो ओहङज्‍ये येह, ओहले खुङ ङाहती मिहया़ ओहङज्‍ये येह।”

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

कलस्‍सी 2:7

मास्‍यीकाला चार्ङ्यी स्‍य़ूहदी याहरक्‍यी पेहती सोङ। ख्‍यागी राहङगी मिहजी मास्‍यीका थो़ला जे़दोङ ओहले ख्‍याला लोप्‍क्‍यो ल़ेहमु यिह-छ्य़ेला सान्‍दी पेहती मिहरोला थुज्‍यी-छ्ये़ फुल्‍दीॱराङ तेहतोङ।

१ तिमोथी 3:15

का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

१ पत्रुस 2:5

ख्‍याया़ॱआङ येशू मास्‍यीका लाहमले किन्‍ज्‍योकी ज़ी़लुला सी़ह ख़ूएँगी यिहक्‍तेन मार्च्‍ये फुल्‍गेन्‍गी नाम्‍पार-ताहक्‍पा पूजाहारीगी तेहन्‍दाला सोम्‍बो तोह-पा़रा ल़ेहमुराङ राहङला यिहक्‍तेन खाङबा ज़ो नाङगेराङ येहबा।

३ यूहन्‍ना 1:8

ओ़ह सोङबे ओहराङ किन्‍ज्‍योला यिह-छ्य़े पेहक्‍यो मिहया़गी ओ़ह ल़ेहमु मिहया़ला रो़हराम पेह कोहएँ। दि ल़ेहमु पेहती खुङगी पेहक्‍यो किन्‍ज्‍योगी छ्या़लेला ओहराङॱआङ तेहम्‍बा-तेहन्‍सुमला ङ्याम्‍बुराङ टी़ह ख़ूएँ।