१ कोरिन्‍थी 3:8 - ह्योल्‍मो

⁸ च़ूगेन दाङ छ्यु लू़गेनदीला च्‍यिॱआङ ख्‍येपार म़ेह। थाम्‍ज्‍यीगी राहङ-राहङगी ल़ेहला ते़बेकी राहङगी ले़गा ज्‍योर्च्‍ये येह।

१ कोरिन्‍थी 3:8 ပူးပေါင်းရင်းမြစ်များ

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

लूका 19:19

ओहले क्‍याहल्‍बुगी खोला मासीन, ‘ता़ह ख्‍येगी क्‍याहसा ङा थो़ला ओङ छ्य़े ङ्युहङज्‍ये येह’।

रोमी 2:6

च्‍यिबेमाना किन्‍ज्‍योगी मिह थाम्‍ज्‍यीला खोगी पेहक्‍यो ल़ेहला ते़बे च्‍याहगा नाङज्‍ये येह।

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

१ कोरिन्‍थी 3:14

ओ़ह ब्राम थो़ला ज़ोएँ मिहगी ल़ेह मेहला लू़गेमु थाला मेहन्‍डोसीमाना खोगी च्‍याहगा ज्‍योर्च्‍ये येह।

१ कोरिन्‍थी 3:7

ओ़ह सोङबे च़ूगेन दाङ छ्यु लू़गेन छ्यिम्‍बु मिहम्‍बा, यिहॱनाङ छार च्‍य़ू नाङगेन किन्‍ज्‍यो गा छ्यिम्‍बु यिहम्‍बा।

१ कोरिन्‍थी 3:9

च्‍यिबेमाना ङ्यिह ङ्याम्‍बु-ङ्याम्‍बुराङ किन्‍ज्‍योकी छ्या़ले पेहकेन्‍की मिहया़ यिहम्‍बा, ओहले ख्‍याया़ती किन्‍ज्‍योकी स्‍यिहङ दाङ किन्‍ज्‍योकी ज़िम्‍गाङ यिहम्‍बा।

१ कोरिन्‍थी 4:15

च्‍यिबेमाना मास्‍यीकाला ख्‍याला चारा पेहकेन्‍की लोबेनया़ तोङरा तोङराॱराङ येहनाॱआङ ख्‍याती आबानी च्‍यी़राङ येहबा। च्‍यिबेमाना ङाहगी ख्‍याला या़हबु लेहङगु लाहमले मास्‍यीका येशूला ङोह स्‍य़े च्‍य़ूदी ङाह ख्‍याया़गी आबा काहल्‍सीन।

१ कोरिन्‍थी 9:7

राहङदीराङ डोसोङला का़हन्‍दी माक्‍मीगी ल़ेह पेहटो ले? कुहन्‍डुम कामे क्‍याहप्‍के मिहगी ओ़हगी कामे मेहसाहडो ले? ओहले राह-ल़ूह सोएँ मिहगी ओ़ह लाहमले ओहमा मेहसाहडो ले?

गलाती 6:4

मिह थाम्‍ज्‍यीगी राहङ-राहङगी ल़ेहया़ या़हबु पेहती ङ्याहम्‍ज्‍यी पेहच्‍यु ओहले च्‍यी़राङ खो राहङगी राहङलाराङ लेहमेन मिहया़ ङ्याम्‍बु माहतुहर्पा पेहती राहङगी पेहक्‍योकी ल़ेहया़ थो़ला क़ेहनाङ पेह ख़ूज्‍ये येह।

गलाती 6:5

च्‍यिबेमाना ख्‍या थाम्‍ज्‍यीगी राहङगी ल़ेहया़ राहङगीराङ छाङबु पेह कोहएँ यिहम्‍बा।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

१ पत्रुस 5:4

ओहले ल़ूहकी ताहक्‍पु ङोहदोराङ थेन फेप्‍केमु ख्‍याया़गी नाहमॱआङ याहल्‍दी मेहन्‍डोएँगी ज़िज्‍यिदकी पेस्‍यो ज्‍योर्च्‍ये येह।

२ यूहन्‍ना 1:8

ओ़ह सोङबे ख्‍या जेम्‍बु पेहती तेहतोङ। ख्‍यागी कादुप च्‍येती पेहक्‍यो ल़ेहगी च्‍याहगा तोर मा़हच्‍यु यिहॱनाङ ख्‍या थाम्‍ज्‍यी च्‍याहगा ज्‍योर्केन्‍की मिहया़ ओहङ कोहएँ।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।

ज्‍याल्‍गा 22:12

“त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।