१ कोरिन्‍थी 2:9 - ह्योल्‍मो

⁹ यिहॱनाङ छ्य़ेला दि ल़ेहमु प्री़हदी येहबा, “मी़गी माहथोङबा, नाम्‍ज्‍योगी मा़हथेबा ओहले मिहगी सेमला मा़हनेबाकी तामया़ॱराङ किन्‍ज्‍योगी मिहरोला चेवा जे नाङगेया़गी तेहन्‍दाला ठाबे जे-नाङदी येहबा।”

१ कोरिन्‍थी 2:9 ပူးပေါင်းရင်းမြစ်များ

मत्ती 20:23

ओहले येशूगी सुङ नाङसीन, “यिहम्‍बा, ङाहगी थुङगेन्‍गी तुहक्‍पुगी फार्कोले ख्‍याया़गीॱआङ थुङज्‍ये येह। यिहॱनाङ ङाहगी योबा दाङ योमा ङो़ले तेह च्‍युएँगी ओङ ङाहगी लाहक्‍पाला म़ेह। दि ग्‍या़नी ङाहगी याहपगी का़हन्‍दीगी तेहन्‍दाला ठाबे ज़ो नाङग्‍यो यिहम्‍बा, खोलाराङ नाङज्‍ये येह।”

मत्ती 25:34

ओहले क्‍याहल्‍बुगी राहङगी योबा ङो़गी मिहया़ला दि ल़ेहमु माज्‍ये येह, ‘ए ङाहगी किन्‍ज्‍यो याहपगी मेलाम थोप्‍क्‍यो मिहया़! ओहङदी जाम्‍बुलीङ छ्या़गे यिहन्‍ज्‍युराङ ख्‍याया़गी तेहन्‍दाला ठाबे पेहती ज़्‍या़क्‍यो क्‍याहल्‍सीला तेह

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

रोमी 8:28

ङ्यिहला क्‍यी़ह येह, किन्‍ज्‍योला चेवा पेहकेनया़ दाङ मिहरोगी थु-सेम जेती क़े क्‍याहप नाङग्‍यो मिहया़गी तेहन्‍दाला च्‍यिला-माना मिहरोगी या़हबुॱराङ जे नाङगे।

हिब्रू 11:16

यिहॱनाङ खुङया़गीनी दि म़ेदीॱआङ या़हबु स्‍यिहङगामला येहकेन क्‍याहल-खापदी चा़ पेहक्‍यो येहकें। ओ़ह सोङबे किन्‍ज्‍योगी राहङला “ङाह ख्‍याया़गी किन्‍ज्‍यो यिहम्‍बा” म़ेदी सुङ नाङज्‍येला मिहरोगी ङोहजा जे माहनाङ च्‍यिबेमाना मिहरोगी खुङया़गी तेहन्‍दाला क्‍याहसा च्‍यी़ ठाबे ज़ो नाङदी येह।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

याकूब 2:5

ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?

१ पत्रुस 1:12

खुङया़ला दि केच्‍या ङोह स्‍य़े च्‍य़ूक्‍यो येहकें च्‍यिबेमाना खुङया़गी राहङगी तेहन्‍दाला मिहम्‍बा, यिहॱनाङ ख्‍याया़ला स्‍याहप्‍तो स्‍यी़ह-तेहक्‍यो येहकें। दि केच्‍या स्‍यिहङगामले माहर ताङ नाङग्‍योकी नाम्‍पार-ताहक्‍पा थु लाहमले ख्‍याया़ला स्‍येक्‍योगी या़हबु लेहङगुया़ प्रा साल्‍गेनया़गीॱराङ ताहन्‍दा ख्‍याया़ला स्‍येती येहबा। स्‍यिहङगामकी स्‍याहप्‍च्‍यीया़ॱआङ दि से़हया़ ताज्‍येला ज्‍यिबुराङ सेम पेहती येहबा।

१ यूहन्‍ना 4:19

तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।