१ कोरिन्‍थी 16:22 - ह्योल्‍मो

²² का़हन्‍दीगी चो़वोला चेवा मेहबेकें खोला मे़मु सू़हज्‍यु। ए ओहराङगी चो़वो, फेप नाङदोङ!

१ कोरिन्‍थी 16:22 ပူးပေါင်းရင်းမြစ်များ

मत्ती 10:37

ङाहला म़ेदी राहङगी आबा-आमाला चा़ पेहकेन मिह ङाहगी स्‍याहप्‍च्‍यी ओहङज्‍ये मी़हसीहएँ। ओ़ह ल़ेहमुराङ ङाहला म़ेदी राहङगी पुह पोहमोला च्‍याहम्‍बा पेहकेन्‍दीॱआङ ङाहगी स्‍याहप्‍च्‍यी ओहङज्‍ये मी़हसीहएँ।

यूहन्‍ना 14:15

ख्‍यागी ङाहला तेहम्‍बाराङ चेवा पेहकें यिहनानी ङाहगी काया़ॱआङ ची़ज्‍ये येह।

यूहन्‍ना 14:21

ङाहला चेवा पेहकें मिहगी ङाहती का ङ्यिहन्‍दी ची़गे। ओहले ङाहला चेवा पेहकें मिहला ङाहती याहपगी चेवा जे नाङगे। ङाह खोला चेवा पेहच्‍ये येह, ओहले ङाह खोसाला डोज्‍ये येह।”

यूहन्‍ना 14:23

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 16:14

ङाहगी माक्‍योकी तामया़ ख्‍याया़ला स्‍य़े नाङदी मिहरोगी ङाहती ज़िज्‍यिद जे नाङज्‍ये येह।

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

ल़ेह-पेन 23:14

ओहले खुङगी पूजाहारी छ्यिम्‍बु दाङ छ्य़े-ठिम ताङगे लोबेनया़ साला काहल्‍दी मासीन, “ङ्यिहगी पावलला माहसे थु च्‍यिॱआङ मेहसाहएँ, च्‍यिॱआङ मिहथुङगे म़ेदी ना क्‍याल सिहन्‍दी येह।

रोमी 9:3

ङाहला मास्‍यीकालेगी खा फ़ेगेनकी मे़मु सू़हदी ङाहती क्‍यिहपा दाङ ङाहती यहूदी आदा-नो़ह दाङ आज्‍यी नुहमुया़ती थार्के यिहनानी ङाह ज्‍यिबुराङ क़ेहनाङ लाहङज्‍ये येहकें। खुङया़ थार्च्‍यु माएँज्‍यीराङ ङाहती ज्‍यिबुराङ छ्यिम्‍बु सेम्‍बा येहबा।

१ कोरिन्‍थी 12:3

ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

एफिसी 6:24

ओहराङ चो़वो येशू मास्‍यीकाला नाहम्‍स्‍यी किन्‍दुॱराङ चेवा पेहकें मिह थाम्‍ज्‍यी ङ्याम्‍बु किन्‍ज्‍योगी काटीन ज़्‍य़ू नाङज्‍यु।

फिलिप्‍पी 4:5

ख्‍याया़ ना़स्‍यीङ छ्यिम्‍बु पेहती तेह, दि ताम मिह थाम्‍ज्‍यीगी क्‍यी़ह ज्‍योर्च्‍यु। चो़वो ग्‍यो़बाराङ फेप्‍च्‍ये येह।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।

१ पत्रुस 2:7

ओ़ह सोङबे ख्‍याया़ का़हन्‍दीगी यिह छ्य़ेगे खुङया़गी तेहन्‍दाला मिहरो माहङबुराङ चा़ छ्यिम्‍बु येह, यिहॱनाङ यिह मे़हछ्येगेया़गी तेहन्‍दालानी, “का़हन्‍दी तोह खाङबा ज़ोएँ चिक्‍सो-खे़बाया़गी फेन मे़हथोएँ म़ेदी क्‍युर चाहङग्‍यो येहकें ताहन्‍दा ओ़ह तोहॱराङ चिक्‍पाकी थाम्‍ज्‍यी म़ेदी चा़ छ्यिम्‍बु सुहर-तोह काहल्‍सीन।”

१ यूहन्‍ना 4:19

तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।