१ कोरिन्‍थी 16:18 - ह्योल्‍मो

¹⁸ च्‍यिबेमाना खुङया़गी ङाहती ओहले ख्‍याया़गी यिहला आ़र क्‍ये च्‍य़ूसीन। खुङ ल़ेहमु मिहया़ला ची़नाङ पेहतोङ।

१ कोरिन्‍थी 16:18 ပူးပေါင်းရင်းမြစ်များ

रोमी 15:32

ओहले किन्‍ज्‍योगी थुला ठुङदी येहसीमाना ङाह क़ेहनाङ पेहती ख्‍यासाला ओहङज्‍ये येह ओहले ओहराङ ङ्याम्‍बुराङ तेहती काहसो पेहच्‍ये येह।

२ कोरिन्‍थी 7:13

ओ़ह सोङबेॱराङ ङ्यिहला सेम लो तेहमु काहल्‍दी येहबा। ओ़ह म़ेदीॱआङ तेहम्‍बाराङ तीतसला ख्‍या थाम्‍ज्‍यीगी आ़र क्‍ये च्‍य़ूदी खोला क़ेहनाङ लाहङ च्‍य़ूक्‍यो सोङबे ङ्यिह ओ़ह केच्‍याला ज्‍यिबुराङ सेम काहसो काहल्‍दी येहबा।

कलस्‍सी 4:8

ङाहगी खोला ख्‍यासाला च्‍यिबे ताङज्‍ये पेहक्‍यो मासीमाना ख्‍यागी ङ्यिहगी तेहन्‍दाला क्‍यी़ह ज्‍योर्च्‍यु ओहले खोगी ख्‍याला आ़र क्‍ये च्‍य़ू ख़ूज्‍यु म़ेदी यिहम्‍बा।

१ थेसलोनिकी 5:12

आदा-नो़ह दाङ आज्‍यी-नुहमुया़, ङ्यिह ख्‍या फ़ेबे-म़ेहमेया़ला थाल्‍मा च्‍याहर्ती ओहर-छ्य़े स्‍युहउ येह! ख्‍या फ़ेबे-म़ेहमेया़गी पाहरक्‍यीला कादुप च्‍येती ल़ेह पेहकें दाङ चो़वोकी छेनला लोप्‍ताम क्‍याप नाङगेया़ला ची़नाङ पेहतोङ।

फिलेमोन 1:20

ओ़ह सोङबे नो़ह, ख्‍ये ङो़ले चो़वोला च्‍यिरा खेप्‍साङ लेहन्‍ज्‍ये ङाहगी सेम्‍बा येहबा। मास्‍यीकाला ङाहगी सेमला येहपाराङ खाम्‍साङे जे तेर्तोङ।

फिलेमोन 1:7

ङाहगी नो़ह, ख्‍येती चेवागी ङाहला ज्‍यिबुराङ सेम काहसो दाङ स्‍युक क्‍ये च्‍य़ूदी येह। च्‍यिबेमाना ख्‍येगी पेहती किन्‍ज्‍योकी मिहया़ती सेम येहपाराङ खाम्‍साङे काहल्‍दी येह।

हिब्रू 13:7

ख्‍याया़ला तोहङस्‍यो किन्‍ज्‍योकी लुहङ तेर्के लोबेनया़ला टेहम्‍बा साल्‍दोङ। खुङया़गी राहङगी मिहलीला पेहक्‍योगी या़हबु ल़ेहया़की तेहन्‍दाला ख्‍यागी नोम्‍साङ ताङदोङ ओहले खुङगी यिह-छ्य़े पेहक्‍यो ल़ेहमुराङ ख्‍याया़गीॱआङ पेहतोङ।

३ यूहन्‍ना 1:4

राहङदी पुह पोहमोया़ तेहन्‍दामकी लाहमला स्‍य़ूहदीॱराङ दु माएँ ताम थ़े ङ्युहङगे ल़ेहमु काहसो लेहमेन ताम च्‍यि ओहङ ख़ूएँ ले?