१ कोरिन्‍थी 16:1 - ह्योल्‍मो

¹ यहूदीयाला तेहकेन्‍गी मास्‍यीकागी नाम्‍पार-ताहक्‍पा मिहया़गी तेहन्‍दाला डेल्‍बा तिहदोङ म़ेदी ङाहगी गलातीकी छेन्‍छोकला माक्‍यो ल़ेहमुराङ पेहतोङ।

१ कोरिन्‍थी 16:1 ပူးပေါင်းရင်းမြစ်များ

ल़ेह-पेन 11:28

खुङया़ नाहङला अगाबस माएँ मिह च्‍यी़ येहकें। ओहले खो नाम्‍पार-ताहक्‍पा थुगी काहङदे, “ता़ह जाम्‍बुलीङ थाम्‍ज्‍यीला मुहयी लाहङज्‍ये येह” म़ेदी लुहङदेन स्‍येसीन। ओह मुहयीदी रोमी क्‍याहल-खापगी क्‍याहल्‍बु छ्यिम्‍बु क्‍लौडियसगी ती़हजीला क्‍याहप्‍च्‍ये येह।

ल़ेह-पेन 11:30

ओहले खुङया़गी डेल्‍बा ती़हदे बारनाबास दाङ शाऊलला तेर्सीन, ओहले खुङ ङ्यी़गी यहूदीया साने़की छेन्‍छोककी एल्‍डरया़ साला ताङ चाहङसीन।

ल़ेह-पेन 16:6

किन्‍ज्‍योगी थुगी पावल, सिलास दाङ तिमोथीला एशिया क्‍याहल-खाप छ्यिम्‍बुला सुङ ख्‍येप्‍टा तेर्च्‍येला डो च्‍यु माहनाङ। ओ़ह सोङबे खुङ फ़ेबेॱया फ्रिगिया दाङ गलातीया साने़लेगी पेहती काहल्‍सीन।

ल़ेह-पेन 18:23

ङ्यिहमा तोबा थु तेहसीन। ओ़ह तिङले खो गलातीया दाङ फ्रिगिया लुहङबाला काहल्‍दी ग्‍या़ ग्‍या़ला येहकेन्‍गी चो़वोगी स्‍याहप्‍च्‍यी थाम्‍ज्‍यीला यिह-छ्य़ेला स्‍युक क्‍ये च्‍य़ूसीन।

ल़ेह-पेन 24:17

लोह माहङबुराङ काहल फान्‍ज्‍यो ङाह राहङगी यहूदी आदा-नो़हया़ला रो़हराम पेहच्‍ये दाङ डेल्‍बा फुल्‍ज्‍येला यरूशलेमला ओहङग्‍यो येहकें।

ल़ेह-पेन 9:13

ओहजेला हननियागी मासीन, “चो़वो छ्येवा, ओ़ह मिहगी यरूशलेमला राहङगी छार्क्‍यीनया़ला ज्‍यिबुराङ तुहक्‍पु तेरक्‍यो माएँ ताम ङाहगी मिह माहङबुराङ लाहमले थे़दी येह।”

ल़ेह-पेन 9:41

ओहले पत्रुसगी मोह लाहक्‍पाला ज़ुङदी लाङसीन। ओ़ह तिङला खोगी चो़वो छ्येवागी नाम्‍पार-ताहक्‍पा मिहया़ दाङ ह्‍युग्‍मोया़ला क़े क्‍याहप्‍ती स्‍यी़दीॱआङ सोम्‍बो लो़हक्‍योगी ताबीता खुङया़ला चि क्‍याहप्‍सीन।

रोमी 12:13

किन्‍ज्‍योगी दाम नाङग्‍योकी मिहया़ला कोम्‍बु डोएँमु रो़ह पेहतोङ, ओहले खाङबाला ओहङग्‍यो टोहम्‍बोया़ला ता़हनाङ-ताहम्‍जी पेहतोङ।

१ कोरिन्‍थी 11:34

का़हलेॱआङ सुज्‍यीला टेहपा तो़क्‍यो येहसीमाना खोगी राहङ खाङबालाराङ साहज्‍यु मिहन्‍सीमाना चो़वोगी डेन साहज्‍येला छो़गेमु ख्‍या थो़ला ङ्य़ेहबा फो़ज्‍ये येह। ओहले लेहमेन केच्‍याया़गी तेहन्‍दाला ङाह तिङले ओहङदी डी़ च्‍यू़गे।

१ कोरिन्‍थी 16:15

आदा-नो़ह दाङ आज्‍यी-नुहमुया़, ख्‍याया़गी अखैयाला येहकेन्‍गी स्‍तिफनास दाङ खोगी खाङबा म़ेहमे थाम्‍ज्‍यीला ङोह स्‍य़ेएँ। खुङगी थाम्‍ज्‍यी म़ेदी तोहङस्‍यो किन्‍ज्‍योला यिह-छ्य़े पेहक्‍यो येहकें। ताहन्‍दा खुङया़गी मास्‍यीकागी पुह पोहमोया़ला स्‍याहप्‍तो स्‍य़ूहज्‍येला राहङगी मिहजीराङ तेर्ती येहबा।

१ कोरिन्‍थी 4:17

ओ़ह सोङबे तिमोथीला ख्‍यासाला ताङगेराङ येहबा। खो चो़वोला ङाहगी च्‍याहम्‍बु दाङ यिह-छ्य़ेबुगी पुह यिहम्‍बा। ङाहगी थाम्‍ज्‍यी ग्‍या़या़गी छेन्‍छोकया़ला लोप्‍क्‍यो ल़ेहमुराङ मास्‍यीकाला ङाहगी मिहली काह-ठि येहकें, ओ़ह खोगी ख्‍याया़ला टेहम्‍बा साल च्‍य़ूज्‍ये येह।

गलाती 1:2

ङाह ङ्याम्‍बु येहकेन्‍की थाम्‍ज्‍यी आदा-नो़ह दाङ आज्‍यी-नुहमुया़ लाहमले ङाहगी गलातीकी छेन्‍छोकला दि यिहगी प्रुहएँॱराङ येहबा।

गलाती 2:10

ओहले खुङ फे़बेया़गी “प्राङबुया़ला रो़हराम पेहच्‍येला टेहम्‍बा साल्‍दोङ” म़ेदी सुङ नाङसीन। प्राङबुया़ला रो़हराम पेहच्‍येला ङाहॱलाङ ज्‍यिबुराङ सेम्‍बा येहकें।

फिलेमोन 1:5

च्‍यिबे मासीमाना चो़वो येशू थो़ला ख्‍येगी पेहक्‍योगी तेहपागी तेहन्‍दाला ओहले थाम्‍ज्‍यी किन्‍ज्‍योकी मिहला ख्‍येगी चेवा पेहकु दु माएँ ताम ङाहगी थे़दी येह।

फिलेमोन 1:7

ङाहगी नो़ह, ख्‍येती चेवागी ङाहला ज्‍यिबुराङ सेम काहसो दाङ स्‍युक क्‍ये च्‍य़ूदी येह। च्‍यिबेमाना ख्‍येगी पेहती किन्‍ज्‍योकी मिहया़ती सेम येहपाराङ खाम्‍साङे काहल्‍दी येह।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

१ यूहन्‍ना 3:17

जाम्‍बुलीङगी क्‍युह-नोहर येहकेया़गी राहङगी आदा-नो़ह दाङ आज्‍यी-नुहमुया़ तुहक्‍पुला छ्यिक्‍यो थोङगेमुॱआङ राहङगी सेम सान्‍दी पेहसीनमाना ओ़ह ल़ेहमु मिहया़गी किन्‍ज्‍योला काह-ठि पेहती चेवा पेह ख़ूज्‍ये ले?