१ कोरिन्‍थी 15:6 - ह्योल्‍मो

⁶ ओ़ह तिङला मिहरो ती़हजी च्‍यी़लाॱराङ ङाप्‍क्‍या म़ेदीॱआङ माहङबु आदा-नो़ह दाङ आज्‍यी-नुहमुया़की पाहरक्‍यीला फेप नाङसीन ओहले खुङ थाम्‍ज्‍यीगी देप च्‍यी़लाॱराङ मास्‍यीकाला थोङसीन। मिहरोला थोङगेनया़ नाहङला काहजे मिहया़ स्‍यी़दीॱआङ काहल्‍सीन माहङ छ्येवादी नाहरे थुॱआङ येहॱराङ येहबा।

१ कोरिन्‍थी 15:6 ပူးပေါင်းရင်းမြစ်များ

मत्ती 28:10

येशूगी खुङला दि ल़ेहमु सुङ नाङसीन, “ख्‍याया़ मा़हन्‍ज्‍यी, ख्‍याया़ काहल्‍दी ङाहगी नो़हया़ला गालीलला सोङ म़ेदी म़े तेर। ओ़ह ग्‍या़लाराङ खुङगी ङाहला थू़ज्‍ये येह।”

मर्कूस 16:7

यिहॱनाङ ता़ह काहल्‍दी येशूगी स्‍याहप्‍च्‍यीया़ दाङ पत्रुसला ‘येशू नि तोहङलेराङ गालीलला फेप सिहन्‍दी येह। मिहरोगी सुङ नाङग्‍यो ल़ेहमुराङ ख्‍याया़गी येशूला ओ़हलाराङ थोङज्‍ये येह’ म़ेदी म़े तेर।”

ल़ेह-पेन 13:36

दि ताम दाऊदगी राहङगी तेहन्‍दाला माक्‍यो मिहम्‍बा च्‍यिबेमाना किन्‍ज्‍योगी थुला ठुङग्‍योगी ल़ेह पेह सिहन्‍दी खोनी स्‍यिसीन ओहले खो राहङगी आख्‍ये मे़हमेया़ तो़हक्‍योगी फुक्‍पालाॱराङ तो़हसीन ओहले रुहल्‍दी काहल्‍सीन।

ल़ेह-पेन 7:60

ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।

१ कोरिन्‍थी 15:18

ओ़हठी यिहन्‍सीमाना मास्‍यीकाला यिह-छ्य़े पेहती स्‍यिक्‍योया़ॱआङ थाम्‍ज्‍यीराङ तोङसीन।

१ कोरिन्‍थी 15:20

यिहॱनाङ मास्‍यीकानी टोहङदीॱआङ येहपाराङ सोम्‍बो ज़्‍याङ नाङसीन। ओहले टोहङग्‍योया़लेगी थाम्‍ज्‍यी म़ेदी तोहङस्‍यो सोम्‍बो ज़्‍याङ नाङगेन्‍दी मास्‍यीका यिहन्‍गे सोङबे स्‍यिक्‍यो मिहया़ॱआङ तिङले येहपाराङ सोम्‍बो लो़हज्‍ये येह माएँ तामगी दास्‍यीती मास्‍यीकाॱराङ यिहम्‍बा।

१ थेसलोनिकी 4:13

आदा-नो़ह दाङ आज्‍यी-नुहमुया़, ता़ह किन्‍ज्‍योला यिह छ्य़ेदी स्‍यि सिहन्‍ग्‍योगी मिहया़गी तेहन्‍दाला ख्‍या फ़ेबे-म़ेहमेॱया च्‍यिॱआङ क्‍यी़ह म़ेहबाकी मिहया़ ल़ेहमु पेहती तेहच्‍यु माएँ ङ्यिहती सेम्‍बा म़ेह, च्‍यिबेमाना रेहवा म़ेहबाकी मिहया़गी ल़ेहमु तुहङाल पेह माहकोहज्‍यु।

१ थेसलोनिकी 4:15

चो़वो राहङदीराङ सुङ लाहमले ङ्यिहगी ख्‍या फ़ेबे-म़ेहमेया़ला दि ल़ेहमु माउ येह। चो़वो फेप नाङगे ङ्यिहमा थु ओहराङ थार्ती तेहकेया़गी किन्‍ज्‍योला यिह छ्य़ेदी स्‍यि सिहन्‍ग्‍योया़ला च्‍यि पेहतीॱआङ गोम्‍दी तोहङले डो ख़ूज्‍ये म़ेह।

२ पत्रुस 3:4

“च्‍यि मास्‍यीकागी ओहङगे म़ेदी ताहम्‍ज्‍या ज़्‍या़क्‍यो मिहम्‍बा ले! ओहराङगी चावाया़ स्‍यिदी काहल्‍सीन, यिहॱनाङ जाम्‍बुलीङ छ्या़ले यिहन्‍ज्‍यु ओहङग्‍योगी ठिमया़नी आहन्‍डाराङ दु!”