१ कोरिन्‍थी 15:52 - ह्योल्‍मो

⁵² उ़देप च्‍यी़लाॱराङ, मी़ चुम पेहताङ च्‍यी़लाॱराङ, ओहले तिङस्‍यो रोहवा-लीङगी क़े थे़-लुहङ मे़हबाराङ। च्‍यिबेमाना रोहवा-लीङगी क़े थे़न्‍ज्‍ये येह, ओहले स्‍यिक्‍योया़ नाहमॱआङ मिहस्‍यीएँगी मिहली लेहन्‍दी लाहङज्‍ये येह। ओहले ओहराङगी ज़ुबु ग्‍युर्च्‍ये येह।

१ कोरिन्‍थी 15:52 ပူးပေါင်းရင်းမြစ်များ

मत्ती 24:31

येशूगी स्‍यिहङगामगी स्‍याहप्‍च्‍यीया़ला रोहवा-लीङगी क़े छ्यिम्‍बु ङ्याम्‍बुराङ ताङ नाङज्‍ये येह ओहले खुङया़गी नामगी छ्यो़ च्‍यी़ यिहन्‍ज्‍यु लेहमेन छ्यो़ थु छ्यो़ ज़्‍यिगालाॱराङ किन्‍ज्‍योगी दाम नाङग्‍योया़ला रूदी ख्‍योङज्‍ये येह।”

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

यूहन्‍ना 5:28

दि तामला ख्‍या ह्‍अ मा़हलेह, च्‍यिबेमाना ती़हजी ओहङगेॱराङ येह, ओहजेला तुहर्साला येहकें थाम्‍ज्‍यीगी मिहकी स़ेबुगी क़े थे़ज्‍ये येह,

१ कोरिन्‍थी 15:23

यिहॱनाङ थाम्‍ज्‍यीगी राहङ-राहङगी रिहम्‍बा ते़बे थाम्‍ज्‍यी म़ेदी तोहङस्‍यो मास्‍यीका ज़्‍याङ नाङसीन ओहले मास्‍यीका येहपाराङ जाम्‍बुलीङला फेप नाङगेमु मिहरोला यिह-छ्य़े पेहक्‍योया़ सोम्‍बो लो़हज्‍ये येह।

१ कोरिन्‍थी 15:42

स्‍यिक्‍यो मिहया़ सोम्‍बो लो़हगेमु ओ़हठीॱराङ ओहङगे। ज़ुबु स्‍यिएँमु साला पिहप्‍के, यिहॱनाङ ओ़ह सोम्‍बो लो़हगेमु नाहमॱआङ मिहस्‍यीएँगी मिहजी लेहन्‍दी लाहङगे।

१ कोरिन्‍थी 15:50

आदा नो़ह दाङ आज्‍यी-नुहमुया़, ङाहगी माज्‍ये छोल्‍ग्‍यो ताम दिराङ यिहम्‍बा, स्‍या दाङ ठा़गी किन्‍ज्‍योगी क्‍याहल्‍सीला स्‍य़ूहज्‍येला ओङ ज्‍योर मी़हखुएँ। ओहले तोहङदी डोएँ ज़ुबुगी नाहमॱआङ मेहतोङगेन ज़ुबुगी ओङ ज्‍योर मी़हखुएँ।

१ थेसलोनिकी 4:15

चो़वो राहङदीराङ सुङ लाहमले ङ्यिहगी ख्‍या फ़ेबे-म़ेहमेया़ला दि ल़ेहमु माउ येह। चो़वो फेप नाङगे ङ्यिहमा थु ओहराङ थार्ती तेहकेया़गी किन्‍ज्‍योला यिह छ्य़ेदी स्‍यि सिहन्‍ग्‍योया़ला च्‍यि पेहतीॱआङ गोम्‍दी तोहङले डो ख़ूज्‍ये म़ेह।

२ पत्रुस 3:10

यिहॱनाङ चो़वोगी ठिम ताङ नाङगे ङ्यिहमानी याहङमे-याहङ कुमेन ल़ेहमुराङ पेहती ओहङज्‍ये येह। ओहजे काहङला नाम दिङडा तेन्‍दी चो़हज्‍ये येह। ङ्यिहमा, दायुम दाङ कार्माया़ थाम्‍ज्‍यीराङ मेह-टे़हगी स्‍य़ूहज्‍ये येह। जाम्‍बुलीङ दाङ जाम्‍बुलीङला येहकेन्‍गी ना थाम्‍ज्‍यी से़हया़ छी़दी तोङज्‍ये येह।

ज्‍याल्‍गा 8:13

ओ़ह तिङले ङाहगी तासीन ओहले नामला उहर्केनॱराङ पेहक्‍यो ख्‍युङ च्‍यी़गी क़े छ्यिम्‍बु तेन्‍दी दि ल़ेहमु माक्‍यो थ़ेसीन, “आबुइ! काहन्‍डुमु ज्‍यी़सुकी ताम! च्‍यिबेमाना लिहक्‍योगी स्‍यिहङगामकी स्‍याहप्‍च्‍यी सुमगी राहङ-राहङगी रोहवा-लीङ फुक्‍योकी क़े थे़गेमु जाम्‍बुलीङकी मिहया़ला काहजे छा तुहवा! काहजे छा तुहवा! काहजे छा तुहवा!”

ज्‍याल्‍गा 8:2

ओ़ह तिङले ङाहगी किन्‍ज्‍योकी दिनला लाहङदी तेहकेन्‍गी स्‍यिहङगामकी स्‍याहप्‍च्‍यी तिहन थाल थोङसीन। खुङया़ला रोहवा-लीङ तिहन नाङदी येहकें।