१ कोरिन्‍थी 15:5 - ह्योल्‍मो

⁵ ओहले मिहरो पत्रुस (केफास) साला ओहले ओ़ह तिङला स्‍याहप्‍च्‍यी च्‍यिङ्यी़ सालाॱआङ थेन फेप नाङसीन।

१ कोरिन्‍थी 15:5 ပူးပေါင်းရင်းမြစ်များ

मर्कूस 16:14

ओ़ह तिङले स्‍याहप्‍च्‍यी च्‍यिङ्यी़राङ साहज्‍ये से़हया़ स़ेह तेहकेमु येशू खुङया़गी पाहरक्‍यीला फेप नाङसीन। राहङ-राहङगी सेम सान्‍दी पेहती येशूला टोहङग्‍योलेगी सोम्‍बो लो़हक्‍यो थोङगेनया़गी तामला यिह मा़हछ्येबा सोङबे येशूगी खुङया़ला काप्‍क्‍येन नाङसीन।

यूहन्‍ना 1:42

अन्‍द्रियासगी सिमोनला येशूसाला ख्‍येर्सीन। ओहले येशूगी सिमोनला ज़ी़दी सुङ नाङसीन, “ख्‍ये योआनेसकी पुह सिमोन यिहन, ख्‍येला केफास म़ेदी माज्‍ये येह।” (दिला ग्रीक तामला पत्रुस म़ेदी माएँ।)

ल़ेह-पेन 10:41

मिह थाम्‍ज्‍यीगीनी येशूला थोङ माहङ्युहङ, ओहले येशू सोम्‍बो ज़्‍याङ नाङ फान्‍ज्‍यो ङ्यिह ङ्याम्‍बुराङ सोल छ्ये नाङसीन, च्‍यिबेमाना किन्‍ज्‍योगी ङ्यिहया़ला दि तामगी पाङबु तेहच्‍येला तोहङलेराङ दाम नाङग्‍यो येहकें।

१ कोरिन्‍थी 1:12

ङाहगी माज्‍ये छोल्‍ग्‍योकी ताम दिराङ यिहम्‍बा ख्‍या नाहङले लाहलागी “ङाह पावलती यिहम्‍बा” लाहलागी “ङाह अपोल्‍लोसती यिहम्‍बा” लाहलागी “ङाह केफासती यिहम्‍बा” ओहले लाहलागीती “ङाह मास्‍यीकाती यिहम्‍बा” म़ेदी माउ दु लो।

१ कोरिन्‍थी 3:22

पावल, अपोल्‍लोस दाङ पत्रुस ख्‍यातीराङ यिहम्‍बा, जाम्‍बुलीङ ख्‍यातीराङ यिहम्‍बा, मिहली दाङ स्‍यिवा ख्‍यातीराङ यिहम्‍बा, ओहले ताहन्‍दागी ती़हजी दाङ तिङले ओहङगेन्‍गी ती़हजी थाम्‍ज्‍यीराङ ख्‍यातीराङ यिहन।

१ कोरिन्‍थी 9:5

च्‍यि लेहमेन ल़ेह-पेनया़ ल़ेहमुराङ, चो़वोगी नो़ह दाङ केफासला ल़ेहमुराङ ङ्यिहलाॱआङ किन्‍ज्‍योला यिह छ्य़ेक्‍योगी पी़हमी थो़दी डोएँ ओङ म़ेहबा ले?