१ कोरिन्थी 15:4 - ह्योल्मो4 मिहरोगी फुङबुला तो़हसीन, ओहले नाम्पार-ताहक्पा सुङरापगी सुङग्यो ल़ेहमु “मिहरो ङ्यिहमा सुम तिङले येहपाराङ सोम्बो ज़्याङ नाङसीन।” အခန်းကိုကြည့်ပါ။ |
१ कोरिन्थी 15:4
35 ပူးပေါင်းရင်းမြစ်များ
ओ़ह ती़हजी यिहन्ज्यु येशूगी राहङगी स्याहप्च्यीया़ला राहङगी खुर कोहकेन्गी तेहन्दाला थेका सिरेराङ सुङ नाङज्ये छ़ूसीन। येशूगी सुङ नाङसीन, “ङाहगी यरूशलेमला काहल्दी एल्डरया़, पूजाहारी छ्यिम्बुया़ दाङ छ्य़े-ठिमकी लोबेनया़लेगी तुहक्पु खुर कोहच्ये येह, ओहले तिङले स्यि कोहच्ये येह, यिहॱनाङ स्याहक्पु सुमलादी ङाह येहपाराङ स्यिक्योलेगी सोम्बो लाहङज्ये येह।”
दि का नाङ सिहन फान्ज्यो येशूगी येहपाराङ सुङ नाङसीन, “मिहगी स़ेबुगी तुहक्पु माहङबुराङ ना़ कोहज्ये येह, एल्डर, पूजाहारी छ्यिम्बु दाङ खेम्बुया़गी खोला चा़ पेहच्ये म़ेह, ओहले तिङले सेच्ये येह। यिहॱनाङ, ङ्यिहमा सुम ङ्यिहमु किन्ज्योगी ङाहला सोम्बो लो़ह च्य़ू नाङज्ये येह” म़ेदी येशूगी स्याहप्च्यीया़ला सुङ नाङसीन।
अरिमाथिया क्याहसाला योसेफ मिहन थो़क्यो मिह च्यी़ येहकें। खो यहूदी गोबाया़गी ज्यी़सुगी पेहती सुगीॱआङ माहछोर्पा पेहती येशूगी स्याहप्च्यी काहल्दी येहकें। ओहले खो पिलातससाला काहल्दी, “येशूगी कुबुर ङाहला ख्येर च्य़ू नाङदोङ” म़ेदी ओहर-छ्य़े स्युहसीन। ओहले पिलातसगीॱआङ “ओहङगे ख्येर्ती सोङ,” म़ेदी मासीन। ओहले योसेफ काहल्दी येशूगी कुबुर क्याहङस्यीङले पाप्ते ख्येर्सीन।
च्यिबेमाना जाम्बुलीङगी थाम्ज्यीराङ मिहया़ला ठिम ताङगेन्गी ङ्यिहमा किन्ज्योगी ठाबे जे नाङ सिहन्दी येह ओहले ओ़ह ङ्यिहमु किन्ज्यो राहङगीराङ दाम नाङग्योकी मिह ङो़ले ठिम ताङ नाङज्ये येह। मिहरोला ठिम ताङ ङ्युहङगेन्गी ओङ येह माएँगी दास्यी मिह थाम्ज्यीला तेर्तोङ सुङदी किन्ज्योगी मिहरोला टोहङग्योलेगी सोम्बो ज़्याङ च्य़ू नाङसीन।”
ओ़ह सोङबे ओहराङॱआङ बप्तिस्मा लाहमले मास्यीका ङ्याम्बुराङ स्यिदी साला पिहप्सीन। वाङज्या छ्यिम्बु नोम नाङगे किन्ज्यो याहपगी राहङगी ज़िज्यिद लाहमले येशू मास्यीकाला टोहङग्यो ग्या़लेगी सोम्बो ज़्याङ च्य़ू नाङसीन। ओ़ह सोङबे ओहराङॱआङ तोहङमागी मिहलीया़ क्युर्ती साम्बा मिहलीला मास्यीकागी ल़ेहमुराङ मिहजी ताङज्ये येह।
ကြော်ငြာတွေ