१ कोरिन्‍थी 15:27 - ह्योल्‍मो

²⁷ च्‍यिबेमाना छ्य़ेगी दि ल़ेहमु सुङ नाङगे, “किन्‍ज्‍योगी थाम्‍ज्‍यीराङ से़हया़ला मास्‍यीकागी स्‍याहप चो़ला ज़्‍या़ नाङदी येहबा।” दि माक्‍योगी तेहन्‍दादी किन्‍ज्‍योॱआङ मास्‍यीकागी ओङ चो़ला ओहङगे म़ेदी माक्‍योती मिहम्‍बा, यिहॱनाङ किन्‍ज्‍योगीॱराङ ना थाम्‍ज्‍यीराङ से़हया़ला मास्‍यीकाकी ओङ चो़ला ज़्‍या़ नाङज्‍ये येह म़ेदी माक्‍यो यिहम्‍बा।

१ कोरिन्‍थी 15:27 ပူးပေါင်းရင်းမြစ်များ

मत्ती 11:27

ङाहगी किन्‍ज्‍यो याहपगी ङाहला थाम्‍ज्‍यीराङ से़हया़ चि क्‍याहप नाङदी येह। किन्‍ज्‍यो याहपगी मिहम्‍बा लेहमेन सुगीॱआङ स़ेबुला ङोह मे़हस्‍येएँ ओहले स़ेबुगी मिहम्‍बा लेहमेन सुगीॱआङ किन्‍ज्‍यो याहपला ङोह मे़हस्‍येएँ। यिहॱनाङ स़ेबुगी ङोहस्‍यी ताङ तेर नाङग्‍योया़गीदी किन्‍ज्‍यो याहपला ङोह स्‍य़ेएँ।

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

यूहन्‍ना 13:3

याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।

यूहन्‍ना 3:35

याहपगी राहङगी स़ेबुला चेवा जे नाङगे, ओहले ना थाम्‍ज्‍यीराङ मिहरोगी छ्या़ला ज़्‍या़ नाङदी येह।

एफिसी 1:20

दि ओङ लाहमलेॱराङ मिहरोगी मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले स्‍यिहङगामला राहङगी योबा ङो़ले ज़्‍या़ नाङसीन।

एफिसी 1:22

ओहले किन्‍ज्‍योगी थाम्‍ज्‍यीराङ से़हया़ मास्‍यीकाकी स्‍याहप चो़ला ज़्‍या़ नाङसीन, ओहले मिहरोला ना थाम्‍ज्‍यीराङ से़हया़ला छेन्‍छोकती गो-छ्येस्‍यो ज़ो नाङसीन।

हिब्रू 1:13

किन्‍ज्‍योगी का़हन्‍दी स्‍यिहङगामकी स्‍याहप्‍च्‍यीला दि ल़ेहमु सुङ नाङबा ले, “ख्‍येती टाहया़ला ख्‍येती काङबा चो़ला छ्यि मा़हच्‍यु थु ख्‍ये ङाहती योबा ङो़ले तेह।”

हिब्रू 10:12

यिहॱनाङ मास्‍यीकागीनी नाहम-मानागी तेहन्‍दाला दाङस्‍यी जेती राहङगी राहङलाराङ तिहक्‍पाकी तेहन्‍दाला च्‍यी़मे च्‍यी़राङ मार्च्‍ये फुल नाङसीन। दि छ्या़ले छार फान्‍ज्‍यो मिहरो किन्‍ज्‍योकी योबा ङो़ले ज़्‍य़ू नाङसीन।

हिब्रू 2:8

ओहले रेबेॱराङ से़हया़ खोगी ओङ चो़ला ज़्‍या़ नाङसीन।” देला दि ल़ेहमु सुङदी येहबा, “किन्‍ज्‍योगी रेबेॱराङ से़हया़ मिहगी ओङ चो़ला ज़्‍या़ नाङसीन। दिगी तेहन्‍दा दि ल़ेहमु यिहम्‍बा खोगी ओङ चो़ला म़ेहबा से़हया़ च्‍यि स़ेह च्‍यिॱआङ म़ेह।” यिहन्‍ज्‍येनी ताहन्‍दा ना थाम्‍ज्‍यी मिहगी ओङ चो़ला छ्यिक्‍यो ओहराङगी मेहथोङगे।

१ पत्रुस 3:22

मिहरो स्‍यिहङगामला फेप नाङसीन ओहले स्‍यिहङगामकी स्‍याहप्‍च्‍यीया़, ओङ छ्य़ेगेया़ दाङ ओङज्‍याया़ला राहङगी ओङ चो़ला ज़्‍या़दी किन्‍ज्‍योकी योबा ङो़ले ज़्‍य़ू नाङदी येह।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।