१ कोरिन्‍थी 15:10 - ह्योल्‍मो

¹⁰ यिहॱनाङ ताहन्‍दा ङाह काह-ठि येहबा, ओ़ह थाम्‍ज्‍यी किन्‍ज्‍योगी काटीनगीॱराङ यिहम्‍बा ओहले मिहरोगी ङाहगी मिहजीला जे नाङग्‍योकी काटीन स्‍यिती काम्‍बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्‍पु पेहसीन। यिहॱनाङ ङाहगी मिहम्‍बा, ङाह ङ्याम्‍बु ज़्‍य़ू नाङगे किन्‍ज्‍योगी काटीनगी यिहम्‍बा।

१ कोरिन्‍थी 15:10 ပူးပေါင်းရင်းမြစ်များ

मत्ती 10:20

च्‍यिबेमाना ओहजेला ख्‍याया़गी माएँगी ताम ख्‍या राहङदीराङ ओहङज्‍ये म़ेह, किन्‍ज्‍यो याहपकी थु ख्‍या लाहमले स्‍याहल सुङ नाङज्‍ये येह।”

मत्ती 25:16

सेर-टाङ कोहर्मु ङा ज्‍योर्केन्‍दीगी लाहम्‍साङराङ काहल्‍दी छोङ क्‍याहप्‍ती लेहमेन सेर-टाङ कोहर्मु ङा ख्‍येप्‍साङ तेन्‍सीन।

रोमी 11:1

आहन्‍डा यिहन्‍सीमानानी ङाहगी टी़हएँ, “च्‍यि किन्‍ज्‍योगी इस्राएलीया़ला क्‍युर ज़्‍या़ नाङग्‍यो यिहम्‍बा ले? मिहम्‍बा, च्‍यिबेमाना ङाह राहङॱआङ अब्राहामकी छार्क्‍यीन, बेन्‍यामीन छाङकी इस्राएली यिहम्‍बा।

रोमी 12:3

च्‍यिबेमाना किन्‍ज्‍योगी ङाहला नाङग्‍यो काटीन लाहमले ख्‍या थाम्‍ज्‍यीला ङाह ओहर-छ्य़े स्‍युहउ येह, का़हन्‍दीगी राहङला काहन्‍डुमु ऩे कोहएँ यिहम्‍बा ओ़ह म़ेदी ल्‍हाक्‍पु मा़हनेज्‍यु, यिहॱनाङ ख्‍याला किन्‍ज्‍योगी काहजे यिह-छ्य़े नाङग्‍यो येहबा ओ़हला ते़बेकी साम्‍लु ताङदोङ।

१ कोरिन्‍थी 15:11

ओ़ह सोङबे ङाहगी यिहॱनाङ, खुङया़गी यिहॱनाङ, ङ्यिह थाम्‍ज्‍यीगी स्‍येक्‍योगी लेहङगु च्‍यी़राङ यिहम्‍बा, ओ़ह लेहङगुला ख्‍याया़गी यिह छ्य़ेसीन।

१ कोरिन्‍थी 15:2

का़हलेॱआङ ख्‍याया़ ङाहगी स्‍येक्‍योगी या़हबु लेहङगुला थिक-चि पेहती तेहक्‍यो येहसीमाना ख्‍याया़ दि लाहमले थार सिहन्‍दी येह, मिहन्‍सीमानानी ख्‍याया़गी स्‍यिती काम्‍बुला यिह छ्य़ेसीन।

१ कोरिन्‍थी 3:10

किन्‍ज्‍योगी ङाहला नाङग्‍यो काटीनगी पेहती ङाहगी गो-छ्येवा चिक्‍सो-खे़बागी ल़ेहमुराङ पेहती खाङबाकी ब्राम तिङ ङ्युहङसीन, ओहले लेहमेनगीती ओ़ह थो़ला खाङबा ज़ोएँ। खाङबा ज़ोएँ थाम्‍ज्‍यीगी काह-ठि पेहती ज़ो कोहएँ यिहम्‍बा, ओ़ह या़हबु पेहती साम्‍लु ताङ कोहएँ।

१ कोरिन्‍थी 3:6

ङाहगी च़ूसीन ओहले अपोल्‍लोसगी छ्यु लू़सीन, यिहॱनाङ ओ़हदीला छार च्‍य़ू नाङगेन्‍दीनी किन्‍ज्‍योॱराङ यिहम्‍बा।

१ कोरिन्‍थी 4:7

च्‍यिबेमाना लेहमेन मिहया़ म़ेदी ख्‍या च्‍यि तामला ख्‍येपार काहल्‍बा ले? च्‍यि ख्‍या ङ्याम्‍बु येहकेन्‍की ना थाम्‍ज्‍यी किन्‍ज्‍योगीॱराङ नाङग्‍यो मिहम्‍बा ले? ओ़हठी यिहन्‍सीमानानी ख्‍या च्‍यिबे लेहमेन सुज्‍यीगी तेरक्‍योॱराङ मिहम्‍बा रोहवा पेहती छ्य़ेन्‍दो तेन्‍गे ले?

२ कोरिन्‍थी 12:11

ङाह उल्‍दुम्‍बा काहल्‍दी येह। ख्‍याया़गी ङाहला दि ल़ेहमु पेहच्‍येला उर्चु पेह च्‍य़ूसीन, च्‍यिबेमाना ख्‍याया़गी ङाहला ची़नाङ पेह कोहच्‍ये येहकें। च्‍यिबेमाना ङाह च्‍यिॱआङ मिहनॱनाङ, थाम्‍ज्‍यी म़ेदी छ्यिम्‍बु ल़ेह-पेनया़ म़ेदी फेमानी म़ेह।

२ कोरिन्‍थी 3:5

च्‍यि स़ेह माॱनाङ ङ्यिह लाहमलेॱराङ ओहङग्‍यो यिहन म़ेदी ठे-टिहती माज्‍येला ङ्यिह राहङॱआङ सी़हज्‍ये म़ेह, यिहॱनाङ ङ्यिहगी पेह ख़ूएँगी से़हया़नी किन्‍ज्‍यो लाहमलेॱराङ ओहङगे यिहम्‍बा।

२ कोरिन्‍थी 6:1

ङ्यिह किन्‍ज्‍यो ङ्याम्‍बुराङ ल़ेह पेहकें सोङबे ङ्यिह ख्‍याया़ला ओहर-छ्य़े स्‍युहउ येह, किन्‍ज्‍योगी ख्‍याया़ला काटीन जे नाङग्‍योदी ता़ह ओ़ह स्‍यिती काम्‍बुलाराङ थोरो डो मा़हच्‍यु।

गलाती 2:8

पत्रुसला यहूदीया़की पाहरक्‍यीला या़हबु लेहङगु प्रा-साल्‍ज्‍येला ल़ेह-पेन ज़ो नाङगे किन्‍ज्‍योगीॱराङ ङाहॱलाङ लेहमेन क्‍यिहपाकी मिहया़गी पाहरक्‍यीला या़हबु लेहङगु स्‍येकेन्‍गी ल़ेह-पेन ज़ो नाङग्‍यो यिहम्‍बा।

फिलिप्‍पी 2:13

च्‍यिबेमाना किन्‍ज्‍योगी ख्‍यागी पाहरक्‍यीला नाहम-माना छ्या़ले जे-नाङदी येह। मिहरोगी थु-सेम जे नाङग्‍योकी छ्या़लेया़ तेहन्‍दा डुप च्‍य़ूज्‍येला मिहरोगीॱराङ ख्‍याया़ला सेम्‍बा दाङ ओङ नाङगे।

फिलिप्‍पी 4:13

च्‍यिबेमाना ङाहला ओङ नाङगे मास्‍यीका लाहमलेॱराङ ङाह ना थाम्‍ज्‍यी पेह ख़ूएँ।

१ थेसलोनिकी 5:12

आदा-नो़ह दाङ आज्‍यी-नुहमुया़, ङ्यिह ख्‍या फ़ेबे-म़ेहमेया़ला थाल्‍मा च्‍याहर्ती ओहर-छ्य़े स्‍युहउ येह! ख्‍या फ़ेबे-म़ेहमेया़गी पाहरक्‍यीला कादुप च्‍येती ल़ेह पेहकें दाङ चो़वोकी छेनला लोप्‍ताम क्‍याप नाङगेया़ला ची़नाङ पेहतोङ।

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।