१ कोरिन्‍थी 13:7 - ह्योल्‍मो

⁷ चेवागी ताम थाम्‍ज्‍यीराङ ना़गे, ताम थाम्‍ज्‍यीला यिह छ्य़ेगे, ताम थाम्‍ज्‍यीला रेहवा पेहकें, ताम थाम्‍ज्‍यीला सेम थिक-चि पेहती तेहकें।

१ कोरिन्‍थी 13:7 ပူးပေါင်းရင်းမြစ်များ

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

मर्कूस 9:23

येशूगी खोला सुङ नाङसीन, “राहङगी ला़ खासीमाना म़ेदी ख्‍ये च्‍यिबे म़े तेहके? यिह-छ्य़े पेहकें मिहया़गी तेहन्‍दालानी च्‍यि माॱनाङ तेहन्‍दा डुप्‍के।”

रोमी 15:1

ओहराङ यिह-छ्य़ेला सान्‍दी येहकेनया़गी राहङला च्‍यी़राङ क़ेहनाङ लाहङ च्‍य़ूगेन्‍की सेम्‍बाया़ मा़हथोबा पेहती यिह-छ्य़ेला मा-फाम्‍बु येहकेनया़दी मा फाम्‍बुला ना़ कोहएँ।

रोमी 8:24

च्‍यिबेमाना दि रेहवालाॱराङ किन्‍ज्‍योगी ओहराङला थार्पा नाङसीन। ता़ह थोङगे से़हला रेहवा पेहकेन्‍दीनी ओ़ह रेहवा पेहक्‍यो मिहम्‍बा। च्‍यिबेमाना थोङग्‍यो से़हला सुगी रेहवा पेहकें ले?

१ कोरिन्‍थी 13:4

चेवाला स्‍य़िहदे ओहङगे ओहले निङज्‍यी पेहकें, चेवागी स्‍यिहताङ मेहबेकें, छ्य़ेन्‍दो मेहतेन्‍गे ओहले राहङला छ्यिम्‍बु मे़हनेगे।

१ कोरिन्‍थी 9:12

ख्‍याया़गी लेहमेनया़लानी रो़हराम पेहसीनमाना च्‍यि ओ़ह म़ेदीॱआङ माहङबु ङ्यिहला रो़हराम पेह मेहकोहएँ ले? ङ्यिह ङ्याम्‍बु ओङ येहकें यिहॱनाङ ङ्यिहगी च्‍यिॱआङ मा़हमे। मास्‍यीकाकी या़हबु लेहङगु स्‍येकेमु च्‍यि से़हज्‍यीगीॱआङ मा़हकाज्‍यु म़ेदीराङ ङ्यिहगी थाम्‍ज्‍यी ना़दे तेहसीन।

गलाती 6:2

तुहक्‍पु-तुहङालकी खुरुया़ खुर्च्‍येला च्‍यी़गी च्‍यी़ला रो़हराम पेहतोङ। दि ल़ेहमुराङ पेहती ख्‍यागी मास्‍यीकाकी छ्य़े-ठिम छाङबु पेहच्‍ये येह।

२ थेसलोनिकी 1:4

ओ़ह सोङबे काहन्‍डुमु तुहक्‍पु दाङ हाल्‍ग्‍यीया़ ओहङॱनाङ ख्‍या फ़ेबे-म़ेहमेॱया थिर जेती किन्‍ज्‍योला तेहपा पेहती ज़्‍य़ू नाङसीन, दिगी तेहन्‍दाला किन्‍ज्‍योगी छेन्‍छोकया़की पाहरक्‍यीला ङ्यिह छ्य़ेन्‍दो तेन्‍दी ताम मा ख़ूएँ।

२ तिमोथी 2:24

चो़वोला स्‍याहप्‍तो स्‍युहएँ मिहनी जिङज्‍ये मेहयोहङगे, खो मिह थाम्‍ज्‍यीला निङज्‍यी पेहकेन, लोप ख़ूएँ ओहले ना थाम्‍ज्‍यीला ना़स्‍यीङ छ्यिम्‍बु पेह ख़ूएँदी ओहङ कोहकें।

२ तिमोथी 3:11

एन्‍टिओखिया, आइकोनियन दाङ लुस्‍त्रा लुहङबाला मिहया़गी ङाहला तुहक्‍पु तेरक्‍यो दाङ सताई-तिक्‍योगी तामया़ ख्‍येगी या़हबु ङोह स्‍य़ेदीॱराङ येहबा। यिहॱनाङ चो़वोगीॱराङ ङाहला ओ़ह थाम्‍ज्‍यी तुहक्‍पुया़ ङो़ले थार च्‍य़ू नाङसीन।

२ तिमोथी 4:5

यिहॱनाङ ख्‍येदी सान्‍दी पेहती तेह। तुहक्‍पु खुर्तोङ, या़हबु लेहङगु स्‍येकेन्‍गी ल़ेहया़ पेहतोङ, ओहले ख्‍येगी किन्‍ज्‍योगी छ्या़लेया़ छाङबु पेहती पेहतोङ।

हिब्रू 13:13

ओ़ह सोङबे ओहराङॱआङ पा़ल फिला येशूसाला डो, ओहले मिहया़गी येशूला आब्रु तेन्‍ग्‍यो ओहराङगीॱआङ ना़दोङ।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

१ पत्रुस 2:24

तिहक्‍पाकी ल़ेहया़ क्‍युर्ती ओहराङगी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी मास्‍यीकागी ओहराङगी तिहक्‍पाया़ राहङगी कुसोला खुर्ती क्‍याहङस्‍यीङला टोहङ नाङसीन।

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।