१ कोरिन्थी 13:4 - ह्योल्मो4 चेवाला स्य़िहदे ओहङगे ओहले निङज्यी पेहकें, चेवागी स्यिहताङ मेहबेकें, छ्य़ेन्दो मेहतेन्गे ओहले राहङला छ्यिम्बु मे़हनेगे। အခန်းကိုကြည့်ပါ။ |
१ कोरिन्थी 13:4
53 ပူးပေါင်းရင်းမြစ်များ
तोहरोङॱआङ ख्या जाम्बुलीङकी सेम्बाया़ लाहमले राहङगी मिहजी ताङगो दु। ओहले ख्या राहङ नाहङदुङ ठादो पेहकेन दाङ ठ़ूस्यी सिहङदा पेहकेन्की केच्याया़नी येहॱराङ येहबा। च्यि ओ़हठी यिहन्सीमानानी ख्या राहङगी ज़ुबुकी च्यि पेहच्ये सेम क्येएँ ओ़हठीॱराङ डोलु-तेहलु पेहकेन जाम्बुलीङकी लेहमेन मिहया़ ल़ेहमुराङ माहकाहल ले?
आदा-नो़ह दाङ आज्यी-नुहमुया़, ख्याया़गी तेहन्दालाराङ ङाहगी अपोल्लोस दाङ राहङदीराङ पे तेन्दी दि थाम्ज्यीराङ प्रुहक्यो यिहम्बा, ख्यागी ङ्यिहगी पे त़ेदी नाम्पार-ताहक्पा सुङरापगी सुङ नाङग्योकी मिहली ल़ेहमु राहङगी मिहजी ताङदोङ, ओहले मेहन्दा च्यी़ ङो़ले छ्यो़ रुहप्ती लेहमेनला ङ्येन्ज्येन पेहकेन ल़ेहती या़हबु मिहम्बा।
च्यिबेमाना ङाह ख्याला थु ओहङगेमु ङाहगी ने़क्यो ल़ेहमु ख्या मेहयोहङडो ओहले ख्यागी ने़क्यो ल़ेहमु ङाह मेहयोहङडो म़ेदी ङाहला ज्यी़सु येहकें। ख्याया़गी पाहरक्यीला ठ़ूस्यी, ठादो, स्यिहताङ, राहङदी च्यी़राङ ख्येप्साङ ताएँ, ख्येर क्याहप्कें, मिहदाम च्येहके, छ्य़ेन्दो तेन्गे दाङ मिहला गो़ थोम च्य़ूगेन्गी तामया़ॱआङ ओहङडो।
ङ्यिहगी ज्याल्गा थोङसीन म़ेदी ङ्येम्ज्युङ पेहचेनज्यी तेन्दी स्यिहङगामकी स्याहप्च्यीला छ्येपा फुल्गेनया़ॱआङ येहबा। ओहले खुङया़गी ख्याया़ला दि ल़ेहमु यिहनॱराङ मिहम्बागी तामया़ स्येती गो़ कोर च्य़ूदी ख्यागी ज्योर कोहएँगी च्याहगा तोर मा़हच्यु। दि ल़ेहमु मिहया़ तिहक्पागी सेम थो़दी तेहन्दाॱराङ म़ेहबाकी तामया़ला छ्य़ेन्दो तेन्दी तेहकें।
आदा-नो़ह दाङ आज्यी-नुहमुया़ ङ्यिह ख्या फ़ेबे-म़ेहमेया़ला दि लोप्ताम क्याहप्को येह ख्या फ़ेबे-म़ेहमेया़गी ल़ेहमी-लाहम पेहकेनया़ला लोप्ताम क्याहप नाङदोङ। ओहले सेम मा-फाम्बु पेहकेनया़ला स्युक क्ये च्य़ू नाङदोङ ओहले ला़ म़ेह खाएँया़ला रो़हराम जे नाङदोङ। ओहले खुङ थाम्ज्यी ङ्याम्बु ना़स्यीङ छ्यिम्बु जे नाङदोङ।
च्यिबेमाना तोहङले ओहराङॱआङ उल्दुम्बा येहकें, माक्यो ताम मिहङ्यीहन्गेनदी येहकें, आला ख्याम्दी येहकें, नामे नाजोकी डे़छ्या दाङ ङ्याहम्साङ खाम्साङकी योक्पु काहल्दी येहकें, मिहला सेम चोक्पा च्याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्ज्येन पेहको येहकें ओहले ओहराङगीॱआङ मिहया़ला ङ्येन्ज्येनॱराङ पेहको येहकें।
ကြော်ငြာတွေ