१ कोरिन्‍थी 13:12 - ह्योल्‍मो

¹² ताहन्‍दा ओहराङ मेहलोङला ल़ेहमुराङ टाक्‍पु पेहती मेहथोङगे, यिहॱनाङ ओ़ह ती़हजीला छ्यिसाल-नाहङसाल पेहती थोङज्‍ये येह। ताहन्‍दा ङाह ङ्युहङसे़ च्‍यी़राङ ह्‍अ कोहएँ, ओ़ह ती़हजीलादी किन्‍ज्‍योगी ङाहगी तेहन्‍दाला थाम्‍ज्‍यीराङ केच्‍याया़ ङोह ख्‍येन्‍गे ल़ेहमुराङ ङाहगीॱआङ ङोह स्‍ये़ज्‍ये येह।

१ कोरिन्‍थी 13:12 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

मत्ती 5:8

च्‍याहङज्‍यु सेम्‍बा येहकेनया़ काहजे सोनाम-साक्‍पु, च्‍यिबेमाना खुङया़गी किन्‍ज्‍योला थोङज्‍ये येह।

रोमी 8:18

च्‍यिबेमाना ङाहती सेमला दि ल़ेहमु ने़उ दु, ओहराङ थो़ला तेन नाङगे ज़िज्‍यिद ङ्याम्‍बु ताहन्‍दाकी तुहक्‍पुया़ तुहर मी़हखुएँ।

१ कोरिन्‍थी 13:11

ङाह फेमा येहकेंमु ङाहगी पेहजागी ल़ेहमुराङ पेहती ताम माउ येहकें, पेहजागी ल़ेहमुराङ सेम येहकें, पेहजागी ल़ेहमुराङ पेहती ङोह स्‍ये़उ येहकें, यिहॱनाङ ता़ह ङाह स्‍यारा काहल्‍दी येह ओ़ह सोङबे ङाहगी पेहजागी ल़ेहमु च्‍येपाया़ क्‍युर्सीन।

१ कोरिन्‍थी 8:3

यिहॱनाङ का़हन्‍दीगी किन्‍ज्‍योला चेवा पेहकें खोला किन्‍ज्‍योगी ङोह ख्‍येन्‍गे।

२ कोरिन्‍थी 3:18

ओहराङ थाम्‍ज्‍यी योल्‍सेन खा फे़क्‍यो तोहङबागी चो़वोकी ज़िज्‍यिद मेहलोङगी ठि पेहती तेन्‍गे, चो़वो थु यिहम्‍बा ओहले मिहरो लाहमले ओहङगेन्‍गी ओ़ह ज़िज्‍यिदगीॱराङ ओहराङला मिहरो ल़ेहमुराङ जे़दी छ्यिम्‍बु ज़िज्‍यिद-च्‍येन ङो़ले नोम फेप नाङगे।

२ कोरिन्‍थी 5:7

च्‍यिबेमाना ङ्यिहगी थोङग्‍यो सोङबे मिहम्‍बा, यिहॱनाङ ङ्यिह यिह-छ्य़े पेहती राहङगी मिहजी ताङगे।

फिलिप्‍पी 3:12

ङाहगी दि से़हया़ तोहङलेराङ ज्‍योर सिहन्‍दी येह, ङाह तोहङलेराङ याहङ-ताहक्‍पा काहल सिहन्‍दी येह म़ेदीनी मिहम्‍बा, यिहॱनाङ ओ़ह से़हया़ला ज़ुङज्‍येकी तेहन्‍दाला ङाह तोहङदा-तोहङ स्‍युक पेहती छ्योङगेराङ येह ओ़ह से़हया़गी तेहन्‍दालाराङ मास्‍यीकागी ङाहला ज़ुङ नाङसीन।

याकूब 1:23

किन्‍ज्‍योगी सुङ ङ्यिहन्‍ज्‍येनी ङ्यिहन्‍गे यिहॱनाङ मी़हचीगेन मिहनी राहङगी तोहङबा मेहलोङला ताएँगी मिह ल़ेहमु यिहम्‍बा।

१ यूहन्‍ना 3:2

ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

ज्‍याल्‍गा 22:4

खुङया़गी किन्‍ज्‍योकी स्‍याहल्‍दोङ थोङज्‍ये येह ओहले मिहरोकी छेन खुङया़गी प्रालाला ओहङज्‍ये येह।