१ कोरिन्‍थी 12:6 - ह्योल्‍मो

⁶ किन्‍ज्‍योगी छ्या़लेया़ ना माहङबुराङ येहबा, यिहॱनाङ मिह थाम्‍ज्‍यीला दि थाम्‍ज्‍यी नाङगेन्‍गी किन्‍ज्‍योनी च्‍यी़राङ यिहन।

१ कोरिन्‍थी 12:6 ပူးပေါင်းရင်းမြစ်များ

यूहन्‍ना 5:17

ओहले येशूगी खुङया़ला सुङ नाङसीन, “ङाहगी याहपगी ताहन्‍दा थु छ्या़ले जे नाङगेराङ येह, ओहले ङाहॱआङ ल़ेह पेहकेनॱराङ येह।”

१ कोरिन्‍थी 12:11

यिहॱनाङ दि थाम्‍ज्‍यी ओ़ह च्‍यिमे च्‍यी़राङ नाम्‍पार-ताहक्‍पा थुगी छ्या़लेया़ यिहम्‍बा। नाम्‍पार-ताहक्‍पा थुगी राहङगी सेम थेप्‍क्‍यो थाम्‍ज्‍यीला काबाप नाङगे।

१ कोरिन्‍थी 12:5

चो़वोला स्‍याहप्‍तो स्‍युहएँगी ल़ेहया़नी यिहन्‍जेराङ ओहङगे, यिहॱनाङ चो़वोनी च्‍यी़राङ यिहन।

१ कोरिन्‍थी 15:28

थाम्‍ज्‍यीराङ से़हया़ मास्‍यीकागी ओङ चो़ला छ्यि फान्‍ज्‍यो किन्‍ज्‍योगी स़ेबु मास्‍यीका राहङॱआङ, राहङगी काङबा चो़ला थाम्‍ज्‍यीराङ से़हया़ छ्यि च्‍य़ू नाङगेन किन्‍ज्‍योगी ओङ चो़ला ज़्‍य़ू नाङज्‍ये येह ओहले किन्‍ज्‍योगीॱराङ मिह थाम्‍ज्‍यीला ओहले थाम्‍ज्‍यीराङ से़हया़ला ओङ छ्ये नाङज्‍ये येह।

१ कोरिन्‍थी 3:7

ओ़ह सोङबे च़ूगेन दाङ छ्यु लू़गेन छ्यिम्‍बु मिहम्‍बा, यिहॱनाङ छार च्‍य़ू नाङगेन किन्‍ज्‍यो गा छ्यिम्‍बु यिहम्‍बा।

एफिसी 4:6

मिह थाम्‍ज्‍यीगी किन्‍ज्‍यो दाङ याहप च्‍यिमे च्‍यी़राङ ज़्‍य़ू नाङदी येह। मिह-रो़हराङ थाम्‍ज्‍यीगी चो़वो यिहम्‍बा। छ्या़ले थाम्‍ज्‍यी जे नाङगेन्‍दीॱआङ मिह-रो़हराङ यिहम्‍बा ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।

फिलिप्‍पी 2:13

च्‍यिबेमाना किन्‍ज्‍योगी ख्‍यागी पाहरक्‍यीला नाहम-माना छ्या़ले जे-नाङदी येह। मिहरोगी थु-सेम जे नाङग्‍योकी छ्या़लेया़ तेहन्‍दा डुप च्‍य़ूज्‍येला मिहरोगीॱराङ ख्‍याया़ला सेम्‍बा दाङ ओङ नाङगे।

कलस्‍सी 1:29

मास्‍यीकागी नाङग्‍यो ङाह नाहङला छ्या़ले जे नाङगे वाङज्‍या छ्यिम्‍बुगीॱराङ ङाह सेम तिहङ यिहन्‍ज्‍युराङ कादुप च्‍येती दि ल़ेह पेहकें।

कलस्‍सी 3:11

ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।