तेहम्बाराङ, ख्याया़ राहङ-राहङगी सेमगी स्या़बा पेहती ता़ह तिहक्पा पाङज्येला ठाबे काहल्ग्यो यिहन म़ेदी तेन्ज्येला ङाह ख्याया़ला छ्युगी बप्तिस्मा तेर्को येह, यिहॱनाङ ङाह म़ेदी तिङले फेप नाङगेन्दीगी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। मिहरोनी ङाह म़ेदी ज्यिबुराङ ओङ छ्यिम्बु येहबा। ङाहनी मिहरोगी स्याहप्चेन थो़ज्येलाॱआङ सी़हज्ये म़ेह।
१ कोरिन्थी 12:13 - ह्योल्मो13 च्यिबेमाना च्यिमे च्यी़राङ नाम्पार-ताहक्पा थु लाहमले ओहराङ थाम्ज्यीगी ज़ुबु च्यी़लाॱराङ बप्तिस्मा ज्योर्ती येह– यहूदी यिहॱना़ यिहन, ग्रीक यिहॱना़ यिहन, योक्पु यिहॱना़ यिहन, सुज्यीगी योक्पु माहबेबाकी मिह यिहॱना़ यिहन, ओहराङ थाम्ज्यीला च्यिमे च्यी़राङ नाम्पार-ताहक्पा थु लाहमले थुङज्येला नाङसीन। အခန်းကိုကြည့်ပါ။ |
१ कोरिन्थी 12:13
36 ပူးပေါင်းရင်းမြစ်များ
ओहले यूहन्नागी थाम्ज्यीलाराङ मासीन, “ङाहगीनी ख्याला छ्युगी बप्तिस्मा तेर्को येह। ङाह म़ेदी वाङज्या छ्यिम्बु येहकेन्गी मेहन्दा च्यी़ फेप नाङगेराङ येहबा। ङाहनी मिहरोगी स्याहप्चेनगी थाक्पा स्युज्ये च्यिॱआङ सी़हज्ये म़ेह। मिहरोगीनी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। त़ेदोङ, डु टाप्च्येला मिहरोगी छ्या़ला लोमा नोम्दी येह।
ङाहगीनी मिहरोला ताहन्दा थुॱआङ ङोह स्य़ेदी म़ेहबा येहकें, यिहॱनाङ किन्ज्योगी ङाहला छ्युगी बप्तिस्मा तेर्तोङ सुङदी ताङ नाङसीन, मिहरोगीॱराङ ङाहला सुङ नाङसीन, ‘का़हन्दी थो़ला ख्येगी नाम्पार-ताहक्पा थु फेप्केनॱराङ जेक्यो दाङ ज्यू़गेॱराङ जेक्यो थोङगे, नाम्पार-ताहक्पा थुगी बप्तिस्मा नाङगेन्दीॱआङ मिह-रो़हराङ यिहम्बा।’
स्या-ताककी ताक्छेन, पे यिहॱना़ तेहपा लाहमले ज़्योरक्यो टाहङदेनकी पार खोगी ओ़ह ती़हजीलाराङ ज्योर सिहन्ग्यो येहकें, ओहजेला खोती स्या-ताक माहकाहल्बा येहकें। स्या-ताक माहबेबा पेहतीॱआङ किन्ज्योला तेहपा पेहती खो मिह टाहङबु सी़ह ख़ूसीन ओहले खो मिह थाम्ज्यीदी यिहक्तेन आबा काहल्सीन। दि तेहन्दा डुप्च्यु म़ेदीराङ दि रोहवा काहल्ग्यो यिहम्बा।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
ကြော်ငြာတွေ