१ कोरिन्‍थी 11:30 - ह्योल्‍मो

³⁰ ओ़ह सोङबे ख्‍याया़ नाहङला काहजे मिहया़ मा-फाम्‍बु येहबा, खुङया़ला नाहजाया़ क्‍याहप्‍ती येह ओहले लाहलानी स्‍यिॱआङ सिहन्‍सीन।

१ कोरिन्‍थी 11:30 ပူးပေါင်းရင်းမြစ်များ

ल़ेह-पेन 13:36

दि ताम दाऊदगी राहङगी तेहन्‍दाला माक्‍यो मिहम्‍बा च्‍यिबेमाना किन्‍ज्‍योगी थुला ठुङग्‍योगी ल़ेह पेह सिहन्‍दी खोनी स्‍यिसीन ओहले खो राहङगी आख्‍ये मे़हमेया़ तो़हक्‍योगी फुक्‍पालाॱराङ तो़हसीन ओहले रुहल्‍दी काहल्‍सीन।

ल़ेह-पेन 7:60

ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।

१ कोरिन्‍थी 11:29

च्‍यिबेमाना चो़वोकी कुसोला ङोह मा़हस्‍येबा पेहती का़हन्‍दीगी साहएँ ओहले थुङगे खोगी ओ़ह साहक्‍यो दाङ थुङग्‍यो सोङबे राहङ थो़ला ङ्य़ेहबा ख्‍योङगे।

१ कोरिन्‍थी 11:31

यिहॱनाङ तोहङलेराङ राहङला या़हबु पेहती ङ्याहम च्‍येसीनमाना किन्‍ज्‍योगी ओहराङला ठिम ताङ नाङज्‍ये म़ेह।

१ कोरिन्‍थी 11:32

चो़वोगी ओहराङला ठिम ताङ नाङगे ती़हजीला दि जाम्‍बुलीङगी मिहया़ ङ्याम्‍बुराङ क्‍येन माह फो़ज्‍यु म़ेदी मिहरोगी ओहराङला टिहला ज़्‍या़ नाङगे।

१ कोरिन्‍थी 15:51

त़ेदोङ, ङाह ख्‍याया़ला तिहङ-रिहङबुगी ताम च्‍यी़ माएँ, ओहराङ थाम्‍ज्‍यी स्‍यिज्‍ये म़ेह यिहॱनाङ ओहराङ थाम्‍ज्‍यीगी ज़ुबु ग्‍युर्च्‍ये येह,

१ थेसलोनिकी 4:14

च्‍यिबेमाना येशू टोङदीॱआङ येहपाराङ सोम्‍बो ज़्‍याङ नाङसीन माएँ तामला ङ्यिहगी यिह छ्य़ेक्‍यो येह। ओ़ह ल़ेहमुराङ पेहती किन्‍ज्‍योला यिह छ्य़ेदी स्‍यि सिहन्‍ग्‍योया़ला मिहरोगी येशू ङ्याम्‍बुराङ नोम फेप नाङज्‍ये येह म़ेदी ङ्यिहगी यिह छ्य़ेगे।

ज्‍याल्‍गा 3:19

का़हन्‍दीला ङाहगी चेवा पेहकें ओ़हदीला ङाहगी बार्ताॱआङ लाङगे ओहले च्‍युरॱआङ च्‍युर्कें। ओ़ह सोङबे सेम काहसो पेहतोङ ओहले तिहक्‍पा पाङदी स्‍या़बा डुप्‍तोङ।