१ कोरिन्‍थी 11:25 - ह्योल्‍मो

²⁵ ओ़हठी पेहती छ्ये फान्‍ज्‍यो चो़वोगी स्‍याहलु नोम्‍दी दि ल़ेहमु सुङ नाङसीन, “दि स्‍याहलु ङाहगी ठा़ला येहकेन्‍गी साम्‍बा ताहम्‍ज्‍या यिहम्‍बा। दि थुङगेमु ख्‍यागी ङाहला टेहम्‍बा साल्‍ज्‍येला दि ल़ेहमु पेहतोङ।”

१ कोरिन्‍थी 11:25 ပူးပေါင်းရင်းမြစ်များ

लूका 22:20

ओहले डेन छ्ये सिहन फान्‍ज्‍यो येशूगी येहपाराङ स्‍याहलु नोम्‍दे सुङ नाङसीन, “दि स्‍याहलु ङाहगी ठा़ला ज़्‍या़क्‍योगी साम्‍बा ताहम्‍ज्‍या यिहम्‍बा। दि ठा़ ख्‍याया़गी तेहन्‍दाला स्‍याहल च्‍य़ूदी येह।

१ कोरिन्‍थी 10:16

चो़वोकी स्‍याहलु लेहन्‍दी ओहराङ किन्‍ज्‍योला थुज्‍यी-छ्ये़ फुल्‍गे। स्‍याहलुले थुङगेमु ओहराङ मास्‍यीकाकी ठा़ ङ्याम्‍बु डी़गे। मिहम्‍बा ले? खुरा च्‍या़दी ओहराङगी साहएँमु ओहराङ मास्‍यीकाकी कुसो ङ्याम्‍बु डी़ ओहङगे मिहम्‍बा ले?

१ कोरिन्‍थी 11:24

ओहले किन्‍ज्‍योला थुज्‍यी-छ्ये़ फुल्‍दी खुरा च्‍या़गेॱराङ सुङ नाङसीन, “दि ख्‍याया़गी तेहन्‍दाला ङाहगी ज़ुबु यिहम्‍बा। ङाहला टेहम्‍बा साल्‍ज्‍येला दि ल़ेहमु पेहतोङ।”

२ कोरिन्‍थी 3:14

यिहॱनाङ खुङगी सेम ज्‍यिबुराङ सान्‍दी काहल्‍दी येहकें, च्‍यिबेमाना ताहन्‍दा ङ्यिहमा थु निङबा छ्य़े टा़हगेमु ओ़ह योल्‍सेनगी खुङया़गी नावा का ज़्‍या़दी येहबा, ओहले मास्‍यीकाला यिह-छ्य़े पेहती च्‍यी़राङ ओ़ह योल्‍सेन खा फे़ ख़ूएँ।

२ कोरिन्‍थी 3:6

साम्‍बा ताहम्‍ज्‍याला स्‍याहप्‍तो स्‍युहएँगी मिहया़ डोज्‍येला मिहरोगी ङ्यिहला सी़हएँगी मिहया़ ज़ो नाङसीन, प्रुहक्‍योगी यिहगीला मिहम्‍बा, यिहॱनाङ थुला। च्‍यिबेमाना प्रुहक्‍योगी यिहगीगीनी सेकें, यिहॱनाङ थुगीनी मिहली नाङगे।

हिब्रू 13:20

ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी