१ कोरिन्‍थी 11:2 - ह्योल्‍मो

² ख्‍यागी ङाहला टेहम्‍बा साल्‍ग्‍यो सोङबे ओहले ङाहगी तेरक्‍यो लोप्‍च्‍युङया़ ची़क्‍यो सोङबे ङाह ख्‍याला या़हबु माएँ।

१ कोरिन्‍थी 11:2 ပူးပေါင်းရင်းမြစ်များ

लूका 1:6

खुङ ङ्यिकागीराङ किन्‍ज्‍योगी ज़ी़दाङला डोलु-तेहलुया़ टाहङबु पेहको येहकें। खुङगी चो़वो छ्येवा किन्‍ज्‍योगी थाम्‍ज्‍यीराङ का दाङ ठिमया़ या़हबु पेहती ची़उ येहकें।

१ कोरिन्‍थी 11:17

ताहन्‍दा माएँगी तामगी तेहन्‍दाला ङाहगी ख्‍याला या़हबु म़ेदीनी मा मी़हखुएँ। च्‍यिबेमाना ख्‍याया़ या़हबु तामगी तेहन्‍दाला म़ेदीॱआङ चोक्‍पा तामगी तेहन्‍दाला गा माहङबु जोम्‍गु दुबा।

१ कोरिन्‍थी 11:22

च्‍यि साहज्‍ये दाङ थुङज्‍येला ख्‍याया़दी राहङ-राहङगी खाङबा म़ेहबा ले? च्‍यिबे ख्‍या किन्‍ज्‍योगी छेन्‍छोकला ङ्येन्‍ज्‍येन पेहकें? ओहले च्‍यिबे प्राङबुया़ला स्‍याहम्‍डेन केन्‍गे? दिगी तेहन्‍दाला ङाहगी ख्‍याया़ला च्‍यि माज्‍ये? च्‍यि ख्‍यागी या़हबु पेहसीन म़ेदी माज्‍ये ले? ओ़हठी मिहम्‍बा, ख्‍यागी या़हबु पेहसीन म़ेदी ङाहगी मा मी़हखुएँ।

१ कोरिन्‍थी 15:2

का़हलेॱआङ ख्‍याया़ ङाहगी स्‍येक्‍योगी या़हबु लेहङगुला थिक-चि पेहती तेहक्‍यो येहसीमाना ख्‍याया़ दि लाहमले थार सिहन्‍दी येह, मिहन्‍सीमानानी ख्‍याया़गी स्‍यिती काम्‍बुला यिह छ्य़ेसीन।

१ कोरिन्‍थी 4:17

ओ़ह सोङबे तिमोथीला ख्‍यासाला ताङगेराङ येहबा। खो चो़वोला ङाहगी च्‍याहम्‍बु दाङ यिह-छ्य़ेबुगी पुह यिहम्‍बा। ङाहगी थाम्‍ज्‍यी ग्‍या़या़गी छेन्‍छोकया़ला लोप्‍क्‍यो ल़ेहमुराङ मास्‍यीकाला ङाहगी मिहली काह-ठि येहकें, ओ़ह खोगी ख्‍याया़ला टेहम्‍बा साल च्‍य़ूज्‍ये येह।

१ कोरिन्‍थी 7:17

चो़वोगी ख्‍या रे़ह-रे़हला काह-ठि मिहली दाङ छ्या़ला क़े क्‍याहप नाङग्‍यो यिहम्‍बा, ओ़हला ते़बे राहङगी डोलु-तेहलु पेहतोङ। थाम्‍ज्‍यी छेन्‍छोकया़गी तेहन्‍दाला दि ङाहती ठिम यिहम्‍बा।

१ थेसलोनिकी 1:6

ख्‍या फ़ेबे-म़ेहमेया़गी ङ्यिह दाङ चो़वोला पे तासीन, च्‍यिबेमाना नाम्‍पार-ताहक्‍पा थुगी नाङग्‍योकी सुङ ख्‍या फ़ेबे-म़ेहमेया़गी ज्‍यिबुराङ तुहक्‍पुगी ती़हजीॱलाङ सेम काहसो पेहती ल़ेहन नाङसीन।

१ थेसलोनिकी 3:6

यिहॱनाङ ताहन्‍दा तिमोथी ख्‍या फ़ेबे-म़ेहमेॱया साले पेहती ङ्यिहसाला लो़ह लेप्‍सीन। ओहले तिमोथीगी ख्‍या फ़ेबे-म़ेहमेया़गी चेवा दाङ तेहपागी तेहन्‍दाला ज्‍यिबुराङ या़हबु लेहङगु नोम फेप्‍सीन। ङ्यिहगी ल़ेहमुराङ ख्‍या फ़ेबे-म़ेहमेया़गीॱआङ ङ्यिहला टेहम्‍बा साल्‍दी थुज्‍येला ज्‍यिबुराङ सेम्‍बा जे नाङग्‍यो दुबा।

२ थेसलोनिकी 2:15

ओ़ह सोङबे आदा-नो़ह दाङ आज्‍यी-नुहमुया़, ङ्यिहगी राहङ फ़ेबे-म़ेहमेया़ला स्‍ये़क्‍योकी ताम दाङ यिहगी लाहमले राहङ फ़ेबे-म़ेहमेया़गी ज्‍योरक्‍योकी लुहङला ठे-टेहती ज़्‍य़ू नाङदोङ।

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।