Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ कोरिन्‍थी 10:32 - ह्योल्‍मो

32 सुज्‍यीॱलाङ क्‍येन फो़गेन्‍गी ल़ेह माहबे, ओ़ह यहूदी यिहॱना़ यिहन, ग्रीक यिहॱना़ यिहन, किन्‍ज्‍योगी छेन्‍छोक यिहॱना़ यिहन।

အခန်းကိုကြည့်ပါ။ ကော်ပီ




१ कोरिन्‍थी 10:32
19 ပူးပေါင်းရင်းမြစ်များ  

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।


ओ़ह सोङबे मिह दाङ किन्‍ज्‍योकी दिनला ङाह राहङगी नावाला नाहम माॱनाङ चाङमा ज़्‍या़ज्‍ये छोल्‍गे।


ओ़ह सोङबे ता़ह यिहन्‍ज्‍यु ओहराङ च्‍यी़गी च्‍यी़ला फातुर मा़हचु तोहरोङ ओहराङ राहङ नो़हया़ला नार्तो क्‍याहप्‍कें दाङ तिहक्‍पाला छ्यिच्‍युगेन्‍की तामया़ माज्‍ये म़ेह म़ेदी सेमला तेहम्‍बा-तेहन्‍सुम पेह कोहएँ।


कोरिन्‍थी लुहङबाला येहकेन्‍की किन्‍ज्‍योकी छेन्‍छोकला ङ्यिह दि यिहगी प्रुहएँॱराङ येह। मास्‍यीका येशूला नाम्‍पार-ताहक्‍पा काहल्‍ग्‍यो दाङ खुङया़ ङ्याम्‍बु-ङ्याम्‍बुराङ ग्‍या़ थाम्‍ज्‍यीला मास्‍यीकाकी नाम्‍पार-ताहक्‍पा मिह डोज्‍येकी तेहन्‍दाला क़े क्‍याहप नाङग्‍योया़ थाम्‍ज्‍यी, का़हन्‍दी का़हन्‍दीगी चो़वो येशू मास्‍यीकाकी छेनला क्‍याप्‍केन, ओ़ह चो़वो येशू मास्‍यीकाॱराङ ओहराङ दाङ खुङया़की चो़वो यिहम्‍बा:


ङाहगी पेहक्‍यो ल़ेहमुराङ पेहतोङ। ङाहगी राहङला फेन थो़एँगी ल़ेहया़ पेहच्‍ये माहछोल। यिहॱनाङ ला़ खाजे मिह थाम्‍ज्‍यीगी थार्पा थोप ख़ूज्‍यु माएँ सेम पेहती ङाहगी ख्‍यागी तेहन्‍दालाराङ फेन थो़एँगी ल़ेहया़ पेहच्‍ये छोल्‍ग्‍यो यिहम्‍बा।


च्‍यि साहज्‍ये दाङ थुङज्‍येला ख्‍याया़दी राहङ-राहङगी खाङबा म़ेहबा ले? च्‍यिबे ख्‍या किन्‍ज्‍योगी छेन्‍छोकला ङ्येन्‍ज्‍येन पेहकें? ओहले च्‍यिबे प्राङबुया़ला स्‍याहम्‍डेन केन्‍गे? दिगी तेहन्‍दाला ङाहगी ख्‍याया़ला च्‍यि माज्‍ये? च्‍यि ख्‍यागी या़हबु पेहसीन म़ेदी माज्‍ये ले? ओ़हठी मिहम्‍बा, ख्‍यागी या़हबु पेहसीन म़ेदी ङाहगी मा मी़हखुएँ।


किन्‍ज्‍योगी छेन्‍छोकला तोहङस्‍यो ल़ेह-पेनया़, ङ्यिपाला लुहङतेम्‍बाया़, सुम्‍बाला लोबेनया़, याहम्‍जेम्‍बागी छ्या़ले पेहकेनया़, नेहपाया़ला टा़ह च्‍य़ूगेन्‍गी काबाप ज्‍योरक्‍योया़, रो़हराम पेहकेनया़, गोबाया़, नामे नाजो ताम साम्‍बा माएँगी काबाप ज़्‍योरक्‍यो मिहया़ ज़्‍या़ नाङदी येहबा।


ल़ेह-पेनया़ नाहङला ङाह थाम्‍ज्‍यी म़ेदी फेमा यिहम्‍बा। यिहन्‍ज्‍ये नि ङाह ल़ेह-पेन सी़हएँगी मिहनी मिहम्‍बा यिहन्‍गे च्‍यिबेमाना ङाहगी किन्‍ज्‍योगी छेन्‍छोकला ज्‍यिबुराङ तुहक्‍पु तेर्ती येहकें।


चो़वोगी ख्‍या रे़ह-रे़हला काह-ठि मिहली दाङ छ्या़ला क़े क्‍याहप नाङग्‍यो यिहम्‍बा, ओ़हला ते़बे राहङगी डोलु-तेहलु पेहतोङ। थाम्‍ज्‍यी छेन्‍छोकया़गी तेहन्‍दाला दि ङाहती ठिम यिहम्‍बा।


का़हलेॱआङ साहएँ से़हया़गी ङाहती किन्‍ज्‍योला यिह-छ्य़े पेहक्‍यो नो़हया़ला तिहक्‍पाला छ्यिच्‍युगे यिहन्‍सीमानानी ङाह नाहमॱआङ स्‍या साहज्‍ये म़ेह।


किन्‍ज्‍योगी थु लाहमले मास्‍यीका येशूगी ल़ेह-पेन पावल दाङ ओहराङगी नो़ह तिमोथी लाहमले, कोरिन्‍थला येहकेन्‍गी किन्‍ज्‍योगी छेन्‍छोकला, ओहले अखैयाला येहकेन्‍गी थाम्‍ज्‍यी मास्‍यीकाकी पुह पोहमोया़ला दि यिहगी प्रुहएँॱराङ येहबा।


ङ्यिहगी पेहक्‍योगी ल़ेहला मिहया़गी च्‍यिॱआङ क्‍येन माहता़ज्‍यु म़ेदी ङ्यिह सुॱलाङ रिहल च्‍य़ूगेन्‍गी ल़ेहया़ मेहबेकें।


यहूदी छ्य़ेला येहकेंमु ङाहगी तोहङमाकी मिहलीकी तेहन्‍दाला ख्‍यागी थ़े सिहन्‍दी येहबा, ओहजे काहङला ङाहगी काह-ठि पेहती किन्‍ज्‍योकी छेन्‍छोकला ज्‍यी़ज्‍ये ल़ेहमु तुहक्‍पुया़ तेर्पा, ओहले तोङॱराङ च्‍य़ूज्‍ये छोल्‍बा।


दिठी पेहती ख्‍याया़गी का़हन्‍दी ल़ेह या़हबु येहबा ओ़ह खा फे़ ख़ूज्‍यु, ओहले मास्‍यीका फेप नाङगेन्‍गी ङ्यिहमाला ख्‍याया़ चाङमा दाङ च्‍यिॱआङ क्‍येन म़ेहबा पेहती तेह ख़ूज्‍यु।


स्‍युक तेन्‍गेन्‍की तेहन्‍दाला माज्‍ये मानानी थाम्‍ज्‍यी म़ेदी माहङबु छेन्‍छोकला तुहक्‍पु तेर्केन मिह ङाहराङ यिहन, टाहङदेनकी तेहन्‍दाला माज्‍ये माना छ्य़े-ठिम ची़दे किन्‍ज्‍योकी दिनला ठाबे सी़हक्‍यो मिहॱआङ ङाहराङ यिहन।


ङाहगी आदा-नो़ह दाङ आज्‍यी-नुहमुया़, ख्‍या फ़ेबे-म़ेहमेया़गीॱआङ मास्‍यीका येशूला यिह छ्य़ेक्‍यो यहूदीया लुहङबाला येहकेन्‍गी किन्‍ज्‍योकी छेन्‍छोकया़की पे ताएँ काहल्‍सीन, च्‍यिबेमाना यहूदीया़की छेन्‍छोकगी इस्राएली लाहमले काह-ठि पेहती तुहक्‍पु खुर्पा, ओ़ह ल़ेहमुराङ पेहती ख्‍या फ़ेबे-म़ेहमेया़गीॱआङ राहङदीराङ क्‍यिहपाकी मिहया़ ङो़ले तुहक्‍पु खुर नाङसीन।


का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।


च्‍यिबेमाना राहङगी खाङबाला या़हबु पेहती ता मी़हखुएँ मिहगी काह-ठि पेहती छेन्‍छोकला ता ख़ूज्‍ये ले?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ