१ कोरिन्‍थी 10:20 - ह्योल्‍मो

²⁰ ङाहगी माज्‍ये छोल्‍ग्‍यो ताम च्‍यि यिहम्‍बा माना लेहमेन मिहया़गी किन्‍ज्‍योला मिहम्‍बा, ल्‍हान्‍डा-ल्‍हेन्‍डीया़ला गा मार्च्‍ये फुल्‍ग्‍यो यिहम्‍बा। ओ़ह सोङबे ख्‍याया़ॱआङ ल्‍हान्‍डा-ल्‍हेन्‍डीया़ ङ्याम्‍बु पी़मा माहन्‍डोज्‍यु माएँ ङाहती सेम्‍बा येहबा।

१ कोरिन्‍थी 10:20 ပူးပေါင်းရင်းမြစ်များ

मत्ती 4:9

ओहले खोगी येशूला मासीन, “राहङगी ङाहला छ्या़ छाल्‍दी ज्‍याल्‍सीमाना दि थाम्‍ज्‍यी क्‍याहल्‍सी ङाहगी राहङला तेर्च्‍ये येह!”

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

गलाती 4:8

तोहङ तोहङले ख्‍याया़गी किन्‍ज्‍योला ङोह मे़हस्‍येएँमु ख्‍या ल्‍हाया़गी लाबु काहल्‍दी येहकें। ओ़ह ल्‍हाया़दी किन्‍ज्‍यो मिहम्‍बा।

ज्‍याल्‍गा 2:14

यिहॱनाङ ख्‍याला टाह पेहते ङाहगी च्‍यिरा तामनी माॱराङ कोहएँ। ख्‍यागी पाहरक्‍यीला लाहला बालामकी लुहङ ची़गेया़ॱआङ येहबा। कुया़ला छ्येपा फुल्‍ग्‍यो से़हया़ से़हदी ओहले छ्येउ-छ्येंमु पेहती इस्राएलीया़ला तिहक्‍पाला छ्यि च्‍य़ूज्‍येला बालामगी क्‍याहल्‍बु बालाकला लोप्‍क्‍यो येहकें।

ज्‍याल्‍गा 2:20

यिहॱनाङ ख्‍येला टाह पेहते ङाहगी ताम च्‍यी़नी माॱराङ कोहएँ, ओ़ह ईजेबेल माएँ पी़हमीला ख्‍येगी ग्‍या़ तेर्ती येह। मोहगी ङाह लुहङतेम्‍बा यिहन म़ेदी माएँ ओहले ङाहला स्‍याहप्‍तो स्‍युहएँगी मिहया़ला गो़ कोर च्‍य़ूदी छ्येउ-छ्येंमु पेहच्‍येला ओहले कुया़ला छ्येपा फुल्‍ग्‍योगी से़हया़ साहज्‍येला लोप्‍कें।

ज्‍याल्‍गा 9:20

दि याहमगी पेहतीॱआङ मा़हस्‍यीबा बाँकी मिहया़गी राहङ लाहक्‍पागी ल़ेहया़ लाहमलेॱआङ स्‍या़बा माहन्‍डुप। खुङया़गी ल्‍हेन्‍डीया़ला ओहले थोङ मी़हखुएँ, थ़े मी़हखुएँ दाङ डो मी़हखुएँ सेर, ङुल, पित्तल, तोह दाङ स्‍यिङकी कुया़ला छ्येपा फुल्‍ज्‍ये माहक्‍युर।