१ कोरिन्‍थी 10:11 - ह्योल्‍मो

¹¹ खुङ थो़ला बाप्‍क्‍योकी दि केच्‍याया़ ओहराङगी तेहन्‍दाला पे च्‍यी़ काहल्‍सीन ओ़ह सोङबे ओहराङ जेम्‍बु पेहती तेह कोहएँ माएँगी तेहन्‍दाला दि केच्‍याया़ प्रुहक्‍यो यिहम्‍बा। ता़ह ओहराङनी दि जाम्‍बुलीङला काल्‍बाया़ तोङगेन्‍गी ती़हजी पोहला लेप सिहन्‍दी येहबा।

१ कोरिन्‍थी 10:11 ပူးပေါင်းရင်းမြစ်များ

मत्ती 13:39

युहक्‍पीगी सेन ताप्‍केन टाहदी ती़ह गो-छ्येवा यिहम्‍बा ओहले तेन्‍दो तो़हगेन ती़हजी माक्‍योदी दि जाम्‍बुलीङ तोङगे ङ्यिहमा यिहम्‍बा ओहले तेन्‍दो टूहएँ दाङ तो़हगेन ल़ेहमीया़दी स्‍यिहङगामकी स्‍याहप्‍च्‍यीया़ यिहम्‍बा।

मत्ती 13:40

युहक्‍पी मेहला सा़ज्‍येला रुहप पेहक्‍यो ल़ेहमुराङ दि जाम्‍बुलीङ तोङगे ङ्यिहमाॱलाङ ओ़ह ल़ेहमुराङ ओहङज्‍ये येह।

रोमी 13:11

टेहम्‍बा ज़्‍यो़, काहन्‍डुमु ती़हजी ओहङज्‍ये पेहक्‍यो येहबा। ओ़ह ख्‍याया़लाॱआङ क्‍यी़हराङ येह, ता़ह ख्‍या ङ्यि स़ेती लाहङदी तेहकेन्‍गी ठाबे ती़हजी लेप सिहन्‍दी येह, च्‍यिबेमाना ओहराङगी तोहङले यिह छ्य़ेक्‍यो म़ेदीॱआङ ताहन्‍दा ओहराङगी थार्पा तोहरोङ पोहला लेप्‍ती येह।

रोमी 13:12

नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

रोमी 15:4

सुङरापला प्रुहक्‍योकी सुङदेनया़ ओहराङला लोप्‍ताम क्‍याहप्‍च्‍येकी तेहन्‍दाला प्रुहक्‍यो यिहम्‍बा। ओहराङगी रेहवाला स्‍यि मी़हच्‍य़ूज्‍येगी तेहन्‍दाला छ्य़ेगी ओहराङला ना़ ख़ूएँकी ओङ दाङ स्‍युक क्‍ये च्‍य़ूगे।

रोमी 4:23

दि किन्‍ज्‍योगी दिनला टाहङबु सी़हगेन्‍गी केच्‍या खोगी तेहन्‍दाला च्‍यी़राङ प्रुहक्‍यो मिहम्‍बा,

१ कोरिन्‍थी 10:6

दि थाम्‍ज्‍यी ओहराङगी तेहन्‍दाला पे च्‍यी़ काहल्‍दी येहबा। ओ़ह सोङबे ओहराङगी खुङया़गी ल़ेहमुराङ सेम ङ्येहम्‍बा थो़ज्‍ये मेहयोहङगे।

१ कोरिन्‍थी 7:29

आदा-नो़ह दाङ आज्‍यी-नुहमुया़, ङाहगी माएँ ताम देजेराङ यिहम्‍बा, ता़ह ती़हजी माहङबु म़ेह, ओहले ता़ह यिहन्‍ज्‍यु पी़हमी येहकेनया़ पी़हमी म़ेहबा ल़ेहमुराङ पेहती तेहच्‍यु।

१ कोरिन्‍थी 9:10

च्‍यि किन्‍ज्‍योगी ओहराङगी तेहन्‍दालाराङ दि सुङ नाङग्‍यो मिहम्‍बा ले? ओहराङगी तेहन्‍दालाराङ दि प्रुहक्‍यो यिहम्‍बा। च्‍यिबेमाना लाङगो मोएँ मिह दाङ दाइँ पेहकेन ङ्यिकागीराङ कामे ट़ूहएँमु कामेकी बो ज्‍योर्केंनी म़ेदी रेहवा पेहती ल़ेह पेहक्‍यो ओहङगे।

गलाती 4:24

दि पे-ला त़ेदी ओहराङगी च्‍यि ह्‍अ कोह ख़ूएँ मासीमाना, ओ़ह पी़हमी-पेहजा ङ्यी़ ना ङ्यी़गी ताहम्‍ज्‍याया़ यिहम्‍बा। पी़हमी च्‍यी़दी सीनै लाह लाहमले योक्‍पुकी तेहन्‍दाला पेहजा क्‍येएँदी हागार यिहम्‍बा।

फिलिप्‍पी 4:5

ख्‍याया़ ना़स्‍यीङ छ्यिम्‍बु पेहती तेह, दि ताम मिह थाम्‍ज्‍यीगी क्‍यी़ह ज्‍योर्च्‍यु। चो़वो ग्‍यो़बाराङ फेप्‍च्‍ये येह।

हिब्रू 10:25

लाहला मिहया़ छोक्‍पाला मेहन्‍डोएँगी बा़नी ओहङगे ल़ेहमु ओहराङ ङ्याम्‍बुदी ओ़ह ल़ेहमु बा़नी ओहङज्‍ये मेहयोहङगे। चो़वोकी ङ्यिहमा पोहला ओहङगेॱराङ पेहक्‍यो ख्‍याया़गी थोङग्‍यो सोङबे छोक्‍पा पेहच्‍येला च्‍यी़गी च्‍यी़ला जेन माहङबु आ़र क्‍ये च्‍य़ूदोङ।

हिब्रू 10:37

च्‍यिबेमाना छ्य़ेला दि ल़ेहमु प्री़हदी येहबा, “मिहरो फेप नाङगेन्‍दी, फेपॱराङ नाङज्‍ये येह ओहले फिमु जे नाङज्‍ये म़ेह।

१ यूहन्‍ना 2:18

ए पेहजाया़, ता़ह तिङस्‍यो ती़हजी दिराङ यिहन। मास्‍यीकाला टाह पेहकें मिहया़ थेन्‍गेॱराङ येह माएँ ताम ख्‍यागी थ़े सिहन्‍दी येह। ता़ह मास्‍यीकाला टाह पेहकेनया़ माहङबुराङ थेन सिहन्‍दी येह। ओ़ह सोङबे दिराङ तिङस्‍यो ती़हजी यिहम्‍बा म़ेदी ओहराङला क्‍यी़ह येहबा।