१ कोरिन्थी 1:9 - ह्योल्मो9 किन्ज्यो यिह-छ्य़ेबु यिहम्बा। मिहरोगीॱराङ राहङगी स़ेबु ओहराङगी चो़वो येशू मास्यीकाकी छोक्पाला ख्याया़ला क़े क्याहप नाङसीन। အခန်းကိုကြည့်ပါ။ |
१ कोरिन्थी 1:9
43 ပူးပေါင်းရင်းမြစ်များ
खुङ थाम्ज्यी च्यी़राङ डो ख़ूज्यु म़ेदी ङ्यिह राहङला ओहर-छ्य़े स्युहएँ। ओ़ याहप, ङाह राहङ ङ्याम्बु ओहले राहङ ङाह ङ्याम्बु ज़्य़ूदी ओहराङ च्यी़राङ काहल्ग्यो ल़ेहमु खुङॱआङ ओहराङ ङ्याम्बु डी़दी च्यी़राङ ओहङ ख़ूज्यु ओहले राहङगीराङ ङाहला ताङ नाङग्यो यिहन म़ेदी जाम्बुलीङगी यिह-छ्य़े ख़ूज्यु।
ओ़ह ल़ेहमुराङ काहजे याहल्गाया़ छ्या़दी काहल्ग्यो ल़ेहमुराङ काहजे यहूदीया़गीॱआङ किन्ज्योला क्युर ज़्या़दी काहल्सीन। यिहॱनाङ ख्या लेहमेन क्यिहपाकी मिहया़ती रिहगी जैतून तोहङबो यिहन यिहॱनाङ ता़ह ख्या ओ़ह छ्या़दी काहल्ग्यो याहल्गाया़की छापला कलमी काहल्दी येह। ता़ह ख्यागी ओ़ह या़हबु जैतून तोहङबोकी चार्ङ्यीलेगी सेदो दाङ मिहली ज्योर्च्ये येह।
मिहया़ थो़ला ओहङगेन्गी ङ्याहम्छे म़ेदी लेहमेन ङ्याहम्छे ख्या थो़ला ओहङदी म़ेह। यिहॱनाङ किन्ज्योनी यिह-छ्य़े सी़हएँदी येहबा, मिहरोगी ख्याया़ला ख्यागी स्युकगी ना मी़हखुएँ ङ्याहम्छेला छ्यि च्य़ू नाङज्ये म़ेह, यिहॱनाङ ख्याया़गी ना़ ख़ूज्यु म़ेदी ङ्याहम्छे ङ्याम्बु-ङ्याम्बुराङ ओहलेगी थार ख़ूएँगी लाहमॱआङ मिहरोगी तेन नाङगे। दि ल़ेहमु पेहती ख्यागी ओ़ह ङ्याहम्छेया़ ना़ ख़ूज्ये येह।
ङाहगी निङबा मिहली मास्यीका ङ्याम्बुराङ क्याहङस्यीङला च्याङदी स्यिक्यो येह, ता़ह यिहन्ज्यु ङाह मिहम्बा ङाह नाहङला मास्यीका ज़्य़ू नाङदी येहबा। ताहन्दा ङाह ज़ुबुला थार्ती तेहक्योदी ङाहला माहङबुराङ चेवा जेती ङाहगी तेहन्दाला मिहजी नाङगे किन्ज्योगी स़ेबु थो़ला तेहपा पेहती थार्केराङ येहबा।
ओ़ह तिहङ-रिहङबुकी केच्या च्यि यिहम्बा मासीमाना, लेहमेन क्यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्ज्योकी मेलामया़ ज्योर ख़ूएँ काहल्सीन। लेहमेन क्यिहपाकी मिहया़ॱआङ ज़ुबु च्यी़गी ओङबुया़ यिहन ओहले मास्यीका येशू लाहमले किन्ज्योगी ज़्या़ नाङग्योकी ताहम्ज्या पी़मागी हकदार काहल्दी येह।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ