१ कोरिन्‍थी 1:20 - ह्योल्‍मो

²⁰ रिहक्‍स्‍यी छ्यिम्‍बु येहकेनया़ का़हला येहबा? छ्य़ेकी खेम्‍बुया़ का़हला येहबा? दि काल्‍बाकी तेहन्‍दाला स्‍येपा तुहर्केया़ का़हला येहबा? च्‍यि किन्‍ज्‍योगी दि जाम्‍बुलीङकी रिहक्‍स्‍यीला उल्‍दुम्‍बा ज़ो माहनाङ ले?

१ कोरिन्‍थी 1:20 ပူးပေါင်းရင်းမြစ်များ

मत्ती 13:22

येहपाराङ काहजे मिहगी सेमदी छेर्मा चेहरेप ल़ेहमुराङ ओहङगे। खुङया़गी किन्‍ज्‍योगी लोप्‍च्‍युङ ङ्यिहन्‍दीॱआङ दि जाम्‍बुलीङगी तेहन्‍दाला तुहङाल पेहकें ओहले क्‍युह-नोहर थो़ला सेम च्‍याङगे। ओ़ह सोङबे खुङया़गी ङ्यिहन्‍ग्‍योगी लोप्‍च्‍युङ तोर्ते डोएँ ओहले च्‍यिॱआङ सेदो मे़हयाहएँ।

यूहन्‍ना 12:31

ता़ह दि जाम्‍बुलीङला ठिम ताङगेन्‍गी ती़हजी लेप सिहन्‍सीन। ता़ह दि जाम्‍बुलीङला ओङ छ्य़ेगे ती़ह गो-छ्येवाला फिला तेन्‍ज्‍ये येह।

ल़ेह-पेन 17:18

ओहले इपिक्‍युरी दाङ स्‍तोइकी ज्‍याल्‍गा थोङगेया़ नाहङगी लाहला मिहया़ॱआङ पावलसाला ओहङदी स्‍येपा तुहर्सीन। ओहजेला लाहलागी मासीन, “दि खाक्‍लेगी च्‍यि माएँ? ओहले लाहलागी मासीन, दि मिहगीनी ल्‍हा साम्‍बाया़गी तेहन्‍दाला गा स्‍येक्‍यो ल़ेहमु थोङगो दु।” पावलगी येशू दाङ येशू टोहङ नाङदी येहपाराङ सोम्‍बो ज़्‍याङ नाङग्‍योकी तेहन्‍दाला स्‍येक्‍यो सोङबे खुङगी दि ल़ेहमु मासीन।

रोमी 1:20

किन्‍ज्‍योगी जाम्‍बुलीङ छ्या़गे यिहन्‍ज्‍यु, मिहरोगी ज़ो नाङग्‍योकी ना थाम्‍ज्‍यी से़हया़ला मिहरोदी थोङॱराङ मी़हखुएँगी नाहम्‍स्‍यी किन्‍दु लिहकेन्‍गी ओङ दाङ तेहन्‍दामला खुङया़गी या़हबु पेहती थोङ ख़ूएँ ओहले ङोह स्‍य़े ख़ूएँ। ओ़ह सोङबे खुङया़ला तेलेन पेहकेन्‍की ग्‍या़ॱराङ म़ेह।

रोमी 1:22

खुङगी राहङला ख्‍येम्‍बा-ताहक्‍पु यिहन म़ेदी क्‍याहल्‍गे यिहॱनाङ खुङ उल्‍दुम्‍बाॱराङ काहल्‍सीन।

१ कोरिन्‍थी 1:19

च्‍यिबेमाना छ्य़ेला दि ल़ेहमु प्री़हदी येहबा, “येहन्‍देन माहङबु येहकेनया़दी येहन्‍देन तोङ च्‍य़ूज्‍ये येह, ओहले रिहक्‍स्‍यी माहङबु येहकेनया़दी रिहक्‍स्‍यीया़ फेन मे़हथोएँ ज़ोज्‍ये येह।”

१ कोरिन्‍थी 1:26

आदा-नो़ह दाङ आज्‍यी-नुहमुया़, ख्‍याला किन्‍ज्‍योगी क़े क्‍याहप नाङगेमु ख्‍या काह-ठि येहकें? ओ़ह साम्‍लु ताङदोङ। मिहया़गी थोङदाङला ख्‍या नाहङला माहङबुराङ आदा-नो़ह दाङ आज्‍यी-नुहमुया़ खेम्‍बा ताहक्‍पु, ओङ छ्यिम्‍बु दाङ मिह छ्युक्‍पुकी खाङबाला क्‍येक्‍योकी मिहया़ म़ेहबा येहकें।

१ कोरिन्‍थी 1:27

यिहॱनाङ खेम्‍बा ताहक्‍पुया़ला ङोहजाला छ्यि च्‍य़ूज्‍येला किन्‍ज्‍योगी जाम्‍बुलीङकी उल्‍दुम्‍बा से़हया़ला दाम नाङसीन, ओहले ओङ छ्यिम्‍बु येहकें मिहया़ला ङोहजाला छ्यि च्‍य़ूज्‍येला किन्‍ज्‍योगी जाम्‍बुलीङकी स्‍युकॱराङ म़ेहबाकी से़हया़ला दाम नाङसीन।

१ कोरिन्‍थी 1:28

जाम्‍बुलीङगी चा़ छ्यिम्‍बु ने़क्‍यो से़हया़ला फेनराङ मे़हथोएँ ज़ो नाङज्‍येला किन्‍ज्‍योगी जाम्‍बुलीङगी फेमा म़ेदी फेमा, मिह थाम्‍ज्‍यीगी नाम्‍दो पेहक्‍यो दाङ फेनराङ मेहथोएँकी से़हया़ला दाम नाङसीन।

१ कोरिन्‍थी 11:32

चो़वोगी ओहराङला ठिम ताङ नाङगे ती़हजीला दि जाम्‍बुलीङगी मिहया़ ङ्याम्‍बुराङ क्‍येन माह फो़ज्‍यु म़ेदी मिहरोगी ओहराङला टिहला ज़्‍या़ नाङगे।

१ कोरिन्‍थी 2:6

यिह-छ्य़ेला चार्ङ्यी तिहङ रिहङबु सू़ह सिहन्‍ग्‍योया़ ङ्याम्‍बु ङ्यिह रिहक्‍स्‍यीकी तामया़ प्रा साल्‍गे, यिहॱनाङ दि काल्‍बाकी रिहक्‍स्‍यी मिहम्‍बा। दि काल्‍बाला ओङ छ्येएँया़की रिहक्‍स्‍यीॱआङ मिहम्‍बा। दिया़नी ङ्यिहमा च्‍यी़ तोङदी डोज्‍ये येह।

१ कोरिन्‍थी 2:8

दि काल्‍बाला ओङ छ्य़ेएँ का़हन्‍दीॱआङ क्‍याहल्‍बुया़गी ओ़ह तामया़ ङोह स्‍य़े मा़हखु। का़हलेॱआङ ङोह स्‍य़े ख़ूबा यिहनानी ज़िज्‍यिदकी चो़वोला खुङया़गी क्‍याहङस्‍यीङला च्‍याङज्‍येॱराङ म़ेहबा येहकें।

१ कोरिन्‍थी 3:18

सुज्‍यीगीॱआङ राहङगी राहङला चिहन माह-क्‍याहप्‍च्‍यु! ख्‍या पाहरक्‍यीला सुज्‍यीगी दि काल्‍बाला ङाहराङ ख्‍येम्‍बा-ताहक्‍पु यिहन म़ेदी नेसीनमाना खो उल्‍दुम्‍बा डोज्‍यु। ओहले च्‍यी़राङ खो ख्‍येम्‍बा-ताहक्‍पु डो ख़ूज्‍ये येह।

१ कोरिन्‍थी 3:19

च्‍यिबेमाना जाम्‍बुलीङकी रिहक्‍स्‍यी किन्‍ज्‍योकी दिनला उल्‍दुम्‍बा यिहम्‍बा। छ्य़ेला दि ल़ेहमु प्री़हदी येहबा, “ख्‍येम्‍बा ताहक्‍पुया़गी राहङगी रिहक्‍स्‍यीकी पेहक्‍योकी टिहम्‍दाङकी ल़ेहया़ लाहमलेॱराङ किन्‍ज्‍योगी खुङया़ला मिताला छ्यि च्‍य़ू नाङगे।”

१ कोरिन्‍थी 6:2

मास्‍यीकाकी नाम्‍पार-ताहक्‍पा मिहया़गीराङ जाम्‍बुलीङगी ठिम ताङज्‍ये येह माएँ ताम च्‍यि ख्‍याला क्‍यी़ह म़ेहबा? जाम्‍बुलीङदीनी ठिम ताङगे मासीमाना च्‍यि ख्‍यादी देजे फेमा-फेमा ठुक्‍पाया़ डी़ च्‍यु मी़हखुएँ ले?

याकूब 4:4

ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।