१ कोरिन्थी 1:10 - ह्योल्मो10 आदा-नो़ह दाङ आज्यी-नुहमुया़, ओहराङगी चो़वो येशू मास्यीकाकी छेनला ङाह ख्याया़ला ओहर-छ्य़े स्युहउ येह, ता़हनी ख्याया़ राहङ नाहङदोङ थिम्बु पेह! ख्या राहङ नाहङदोङराङ ठ़ूदी खा फ़ेदी माहन्डो। ओहले ख्याया़ सेम च्यी़, लो च्यी़ पेहती तेहन्दा च्यी़लाॱराङ डी़दी तेहतोङ! အခန်းကိုကြည့်ပါ။ |
१ कोरिन्थी 1:10
44 ပူးပေါင်းရင်းမြစ်များ
ए आदा-नो़हया़ दाङ आज्यी-नुहमुया़, ख्याया़ला क्यी़ह ओहङज्यु माएँ ङाहती सेम्बा येहबा: लेहमा माहङबुराङ ङाहगी ख्याया़ला थू़ज्ये सेम पेहसीन यिहॱनाङ च्यि च्यि ल़ेहया़गी पेहती ङाह ख्याया़ला थु ओहङ मा़हखु। लेहमेन क्यिहपाकी मिहया़गी पाहरक्यीले ल़ेहमु ख्याया़गी पाहरक्यीलेॱआङ किन्ज्योला क्याप्केन मिहया़ थेन्ग्यो थोङ ङ्युहङज्यु माएँ ङाहती सेम्बा येहबा।
ङाहगी निङज्यी पेहक्योगी आदा-नो़ह दाङ आज्यी-नुहमुया़, किन्ज्योकी थुज्यी माहङबुराङ ख्या थो़ला येहबा। ओ़ह सोङबे राहङगी ज़ुबुला नाम्पार-ताहक्पा दाङ किन्ज्योगी थु-सेम जे नाङगेन्गी सोम्बो मार्च्ये जे़दी किन्ज्योला स्याहप्तो स्य़ूहज्येला मिहरोगी दिनला फुल्दोङ म़ेदी ङाह ख्याया़ला ओहर-छ्य़े स्युहउ येह। ख्यागी यिहगी फुल कोहएँगी तेहन्दामगी मार्च्येॱआङ दिराङ यिहम्बा।
ए ङाहगी आदा-नो़ह दाङ आज्यी-नुहमुया़, ङाह ख्याला ओहर-छ्य़े स्युहउ येह, ख्याया़गी पाहरक्यीला ठू़ च्य़ूदी खा फ़ेदी डो च्य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्ज्यु जेम्बु पेहतोङ। ख्याया़गी ज़्योरक्यो लोप्च्युङला खुङगी टाह पेहकें। ओ़ह ल़ेहमु मिहया़ ङ्याम्बु च्यामॱराङ माहच्याम।
तोहरोङॱआङ ख्या जाम्बुलीङकी सेम्बाया़ लाहमले राहङगी मिहजी ताङगो दु। ओहले ख्या राहङ नाहङदुङ ठादो पेहकेन दाङ ठ़ूस्यी सिहङदा पेहकेन्की केच्याया़नी येहॱराङ येहबा। च्यि ओ़हठी यिहन्सीमानानी ख्या राहङगी ज़ुबुकी च्यि पेहच्ये सेम क्येएँ ओ़हठीॱराङ डोलु-तेहलु पेहकेन जाम्बुलीङकी लेहमेन मिहया़ ल़ेहमुराङ माहकाहल ले?
ज्युक्स्योलला आदा-नो़ह दाङ आज्यी-नुहमुया़, ता़ह ङाहला कोहङबा नाङदोङ। टाहङबु मिहजी ताङदोङ। क़ेहनाङ पेहतोङ! ङाह ख्याला ओहर-छ्य़े स्युहउ येह, च्यी़गी च्यी़ला आ़र क्ये च्य़ूदोङ। च्यी़गी च्यी़ला माक्यो तामया़ ङ्यिहन्दोङ ओहले सेम लो तेहमु पेहती तेहतोङ। ओहले स्य़िहदे दाङ चेवा जे नाङगे किन्ज्यो ख्या ङ्याम्बु ज़्य़ू नाङज्ये येह।
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
ए ङाहगी च्याहम्बु रो़हया़, दि जाम्बुलीङला ख्या छ्यि-क्याहपा मिहया़ दाङ फि क्याहल-खापला तेहकेन्गी मिहया़ ल़ेहमुराङ यिहम्बा। ङाह ख्याया़ला ओहर-छ्य़े स्युह येहबा, ज़ुबुगी लाङ माएँगी यिहन्जे मिहन्जे से़हया़ छाङबु पेहच्ये माहछोल। दि ल़ेहमु यिहन्जे मिहन्जे ज़ुबुकी सेम्बाया़गी नाहम-माना नाम्स्यीला टाह पेहती मा़ क्याहप्के।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ