San Mateo 9:22 - Huitoto Murui

²² Ieconi Jesús dobaidacaida, abɨdo erodatemo, naiñaiñona cɨode. Raite: —Ñoo, o comecɨna ocuiño. Cuena o ɨɨnua jira, jai jillodɨo. Ieconi naiñaiño jillode.

San Mateo 9:22 ပူးပေါင်းရင်းမြစ်များ

San Mateo 15:28

Jesús uai ote: —Cue uaina o ɨɨnua jira, o jitailla rafuena fɨnoitɨcue. —Ieconi naiñaiño jisa jillode. Janaba naiñaiñomona oni jaide.

San Mateo 17:18

Naimɨena atɨamona, Jesús naimɨemo Janaba illana uiñote. Janabana Jesús lletaja jira, naie uruemona Janaba oni jaide. Ieconi naie urue jillode.

San Mateo 8:13

Capitámo Jesús llote: —Mai jai. Cue uai siñonana o ɨɨnua jira, o jitailla rafue omo jai suide. —Ieconi naimɨe mullaɨma jillode.

San Mateo 9:2

Nainomo rilla mei, naimɨe dɨne comɨnɨ ie bɨiramo bɨide tɨsitaitɨmɨena atɨde. Naimɨena atɨdɨnodɨ Jesús naimɨena jillotajana ɨɨnote. Iena Jesús uiñuanona, tɨsitaitɨmɨemo llote: —Moo, o comecɨna ocuiño. O jeacɨno cue feitaja jira, iena jai oni dotadɨcue. Ie facai ɨbana jai oñeitɨcue.

San Mateo 9:29

Iaɨmaiaɨ uisɨna Jesús jetajano raite: —Cuena omɨco ɨɨnua dɨese jilloitomɨco.

San Marcos 10:52

Jesús dɨnena uai ote: —Cuena o ɨɨnua jira, jai jillodɨo. Mai jai. —Ieconi naimɨe jai cɨode. Jesús dɨga jaidɨno dɨga naimɨe jɨaɨ jaide.

San Marcos 5:34

Naiñaiñomo Jesús llote: —Ñoo, cuena o ɨɨnua jira, jai jillodɨo. Mai marena o jai. O duicomona jai jillobidɨo.

San Lucas 17:19

Jesús naimɨemo llote: —A naidada. Mai jai. Cuena o ɨɨnua jira, jai jillodɨo.

San Lucas 18:42

Jesús raite: —Mai eroda. Cuena o ɨɨnua jira, jai jillodɨo.

San Lucas 7:50

Jesús dɨnena rɨñomo llote: —Cuena o ɨɨnua jira, o jeacɨnomona jai jillodɨo. Mai uri o jaillano o i.

San Lucas 8:48

Jesús dɨnena naiñaiñona raite: —Ñoo, cuena o ɨɨnua jira, jai jillodɨo. Mai jaillanona, uri o i.

San Juan 4:53

Ie comecɨna facade: “Navui are naie facaise Jesús cuemo llote: ‘O jito jai jillode’ ”. Ie mullaɨaɨ lluana cacajamona, naimɨedɨ Jesúdɨ caɨ Jilloitaraɨmana ɨɨnote. Nana naimɨe jofomo itɨno jɨaɨ ɨɨnotɨmacɨ.

Hechos de los Apóstoles 14:9

Pablo llofuiana naimɨe raise cacajamona, “Jusiñamui cuena jillotarede” raillanona, tɨsitaitɨmɨe ɨɨnote. Pablo dɨnena naimɨemo eruaɨllano, naimɨe ɨɨnuana uiñote.

Hechos de los Apóstoles 16:18

Dɨga irui naiñaiñodɨ iese cuiri-cuirisoide. Icɨrillamona, Pablo abɨdo dobaidacaida, naiñaiñomo ite Janabamo llote: —Cue Nama Jesucristo uaido naiñaiñomona oni jai. —Iemona oni jaide.

Carta a los Hebreos 4:2

Jusiñamuidɨ comɨnɨ comecɨaɨ uri illana jitaide. Caɨ jaiagaɨmo iena llote. Dɨga icaiño naie mare rafuena cacadɨmacɨ; iadedɨ iena naimacɨ ɨɨnoñena jira, iemona buena oñedɨmacɨ.