San Mateo 27:54 - Huitoto Murui

⁵⁴ Nainomo ite capitán, ie soldaduaɨ dɨga, Jesús fiodaillana eruaɨdɨmacɨ. Ñuisaño ñuillana cacadɨmacɨ. Nana suide rafuena cɨuanona, eo jacɨnaillamona, naimɨe raite: —Uanai bimɨedɨ Jusiñamui Jito.

San Mateo 27:54 ပူးပေါင်းရင်းမြစ်များ

San Mateo 26:63

Jesús uai oñede. Naie ñaɨraɨma dɨnena llote: —Caɨ Jusiñamui cajede. Naimɨe caɨna uiñua jira, uanaicɨnona caɨ lloñenia, caɨna duere fɨnoite. Uanaicɨnona caɨmo llono. “¿Odɨ Cristodɨo?” omo jɨcanotɨcue. “¿Odɨ Jusiñamui Jitodɨo?” omo jɨcanotɨcue.

San Mateo 27:36

Ie mei ana raɨdɨmacɨ, naimɨemo eruaɨllena.

San Mateo 27:40

Raitɨmacɨ: —Navui raisoidɨo: “Jusiñamui jofona judaɨitɨcue. Darui amani illanona, iena dane fɨnoitɨcue” raisoidɨo. Ie muidona dama o abɨna mai jilloita. Jusiñamui Jitodɨodena, cruzmona ana bi.

San Mateo 27:43

“Jusiñamui Jitodɨcue” naimɨe railla jira, naimɨedɨ Jusiñamuina ja ɨɨnotena, Jusiñamui jitaia, Jusiñamui naimɨena jillotaite. —Iese naimɨena mameritɨmacɨ.

San Mateo 27:51

Naie facaise Jusiñamui jofomo ie fetaca ɨniroife ana anaba jillacɨmo motodo menafe cuararide. Ieconi ñuisaño suide. Iemona nofɨe oni bojode.

San Mateo 4:3

Ie facaise Taɨfe naimɨe dɨne bite. Jesús aimetaillana naimɨe uiñuamona llote: —Jusiñamui Jitodɨodena, naimɨemo llono: “Ore Moo, cue guillesa, bie nofɨcɨ llomenicona jaita”.

San Mateo 8:5

Capernaum railla naɨraɨmo Jesús ria, capitán raillamɨe naimɨe dɨne bite. Naie capitán Roma railla naɨraɨ imɨe. Judíuñedɨmɨe. Billanona, duere llote:

San Marcos 15:39

Jesúna sedallena, nainomo capitán ite. Jesúmo eruaɨllanona, Jesús fiodaillana cɨode. Raite: —Uanai bimɨedɨ Jusiñamui Jito.

San Lucas 22:70

Nana jɨcanotɨmacɨ: —“¿Jusiñamui Jitodɨcue” raitɨo? Uai ote: —Raise cacadomoɨ. Imɨedɨcue.

San Juan 19:7

Uai otɨmacɨ: —Moisés mɨcorɨ jaie cuega: “Bu Jusiñamuina jeare ñaɨanona, fiodailla”. “Jusiñamui Jitodɨcue” naimɨe railla jira, naimɨe fiodailla. Naimɨe Jusiñamui Jitona abɨna caitadɨmɨe. Caɨmona naimɨedɨ maraiñede rafue jai fɨnode.

Hechos de los Apóstoles 10:1

Cornelio raillamɨedɨ Cesareamo ite. Naimɨedɨ capitán. Italiamona bite soldaduaɨ naimɨe anamo itɨmacɨ.

Hechos de los Apóstoles 2:37

Pedro lluana cacajano, naimacɨ comecɨaɨmo rɨire baite. Pedromo iena jɨcanotɨmacɨ. Ie nabaiñɨaɨmo jɨaɨ jɨcanotɨmacɨ: —Caɨmacɨ, o lluana jai cacadɨcaɨ. ¿Bue fɨnoitɨcaɨ?

Hechos de los Apóstoles 21:32

Ieconi naimɨedɨ, ie soldaduaɨ dɨga, nana ie illaɨcomɨnɨ dɨga, comɨnɨ dɨne aisɨcana bitɨmacɨ. Ie jira comɨnɨdɨ naimacɨna cɨuano, Pablona fajana faɨnonocaidɨmacɨ.

Hechos de los Apóstoles 23:17

Iena cacajano, Pablodɨ capitána uaidote. Raite: —Bie coniruena comandante dɨne uiño. Naimɨe dɨga ñaɨacade.

Hechos de los Apóstoles 23:23

Comandante mena capitána uaidote. Llote: —Doscientos soldaduaɨna uaido, imacɨ raruiaɨ fɨnollena, Cesareamo navuida baɨfe imacɨ jaillena. Setenta caballuaɨdo jaitɨno uaido. Doscientos ducɨraɨnɨna jɨaɨ uaido.

Hechos de los Apóstoles 27:1

Italiamo Augusto dɨne Pablo oretajana Festo llua mei, Pablona jɨaɨe llavecano dɨga capitámo fecade. Naie capitádɨ Julio. Augustona mamecɨrede batallómo jaɨnaɨaɨde.

Hechos de los Apóstoles 27:43

Pablona jillotaiacana jira, capitán iena rairuide. Llote: —Nano ɨana uiñotɨno dɨese monaillaimo ana daia. Enɨruemo jai.

Carta a los Romanos 1:4

Naimɨe Jusiñamui Jitonana uiñotɨcaɨ. Jusiñamui Joreñodɨ siño rafuedo caɨna iena uiñotade. Jusiñamui Jito fiodaillamona, Jusiñamuidɨ ie Jitona jillotate. Jusiñamui Jitodɨ Jesucristo. Caɨ Nama.

Apocalipsis 11:13

Naie facaise aillue ñuisaño suide. Ie jira janore facai Jerusalén goide. Rɨaɨ uaimona ie décima facai goide. Naiemona siete mil comɨnɨ fiodaitɨmacɨ. Fiodaiñedɨno jacɨnaillamona: —Jusiñamuidɨ ua siño jito —lloitɨmacɨ.