San Mateo 21:41 - Huitoto Murui

⁴¹ Judíuaɨ illaɨcomɨnɨ uai otɨmacɨ: —Naie maraiñedɨnona dueruiñeno meineite. Ie mei jɨaɨe comɨnɨmo naie illɨ fecaite, iena sedallena, naiemona riarana feiñollena.

San Mateo 21:41 ပူးပေါင်းရင်းမြစ်များ

San Mateo 21:34

Uvas jai einailla facaise riaraɨaɨna sedaraɨnɨ dɨne naie patrón janore mullaɨaɨna orede, naimɨe facaise iedɨnona naimɨe feiñollena;

San Mateo 21:40

Naie illɨ nama ɨco abɨdo bille mei, ¿nɨe isoide rafuena naimɨe naie illɨna sedaraɨnɨna fɨnoite? Cuemo llono —llote.

San Mateo 21:43

Jusiñamuidɨ ie comɨnɨna sedajanomo omoɨna itatañeite; iadedɨ jɨaɨe comɨnɨna nainomo itataite, naimɨe jitailla rafuena naimacɨ fɨnua jira.

San Mateo 3:12

Trigona omoɨ betaia, mare trigona eenotomoɨ. Maraiñede ra oni dotajanona, iena jobaitomoɨ. Ie isoide. Naimɨe rafuena lluanona, comecɨaɨ iuaillaɨ meidotɨnona ie moo illanomo naimɨedɨ ofitaite; iadedɨ jɨaɨe comɨnɨna duere fɨnoite. Iraimo dotaite. Naie irai jaca duiñede —llote.

San Lucas 20:16

Naimɨe biite, naie sedaraɨnɨna meinellena. Ie mei jɨaɨnona ie illɨna sedataite. Naie rafuena cacadɨno raitɨmacɨ: —Bie isoide rafue suillana jitaiñedɨcaɨ.

Hechos de los Apóstoles 15:7

Iena are siadua mei, Pedro naidacaillano, raite: —Amatɨaɨ, judíuaɨñedɨnodɨ cuemona Jesús ie mare rafuena cacaillena, jaie omoɨmona Jusiñamui cuena fetode. Iena uiñotomoɨ. Cue llofuiamona ɨɨnotɨmacɨ.

Hechos de los Apóstoles 18:6

ia naimɨe uaina ɨɨnosɨñedɨmacɨ. Jɨaɨ naimɨe jɨnafomo jeare ñaɨtɨmacɨ. Naimacɨ comecɨaɨ jeare cɨua jira, Pablo ie ɨniroina jaidɨnote, naimacɨna raillano: —Danɨ omoɨ muidona Jusiñamui omoɨna duere fɨnojite. Cue muidonañeite. Jai judíuaɨñedɨno dɨne jaitɨcue, naimacɨna cue llofuellena.

Hechos de los Apóstoles 28:28

Jusiñamui rafuena omoɨ ɨɨnoñena muidona, judíuaɨñedɨnodɨ Jusiñamui naimacɨna jilloitaiacanana jai fɨdɨdɨmacɨ. Naimacɨ iena cacareitɨmacɨ.

Hechos de los Apóstoles 28:8

Publio moo duide bɨide. Abɨ cuaride. Jeraina feide. Ie jira naimɨe dɨne Pablo jaide. Jusiñamuimo jɨɨa mei, ie onollɨ naimɨemo joniano, naimɨena jillotate.

Primera Carta a los Tesalonicenses 2:16

Judíuaɨñedɨnomo Cristo rafuena caɨ lluana jitaiñedɨmacɨ. Jusiñamui judíuaɨñedɨnona jillotajana jitaiñedɨmacɨ. Iese jeacɨno fɨnocana nia jaidɨmacɨ; ia ja muidomo Jusiñamui rɨicaillɨfue anamo jai itɨmacɨ.

Carta a los Hebreos 12:25

Ero, Jusiñamui rafuena omoɨ cacaia, iena jamaiñeno. Iena aruiruiñeno. Moisés mɨcorɨ facaiseconi naie comɨnɨ Jusiñamui lloga rafuena cacadɨmacɨ. Jɨaɨno iena jitaiñedɨmacɨ. Iena ɨɨnoñedɨmacɨ. Ie jira Jusiñamui naimacɨna duere fɨnode. Cristomona jɨaɨe rafue birui cacadɨcaɨ. Bie rafuedɨ Moisés lloga rafue baɨfemo faɨte. Jusiñamui duere fɨnollɨcɨnomona buna jillobinide. Caɨ duere sefuiñellena, Cristo rafuena caɨ ɨɨnua.