San Mateo 20:2 - Huitoto Murui

² Dajeriena baillanona, “Omoɨmo daberie ɨbaitɨcue” llote. “Jee” raitɨmacɨ. Ieconi ie illɨmo maɨjɨllena, naimacɨna orede.

San Mateo 20:2 ပူးပေါင်းရင်းမြစ်များ

San Mateo 18:28

Ie mei naimɨe jaide. Baɨ jaillanona, jɨaɨe maɨjɨraɨma dɨga dafaɨfide. Jai debeñedɨmɨemo janore debede. Cien ucubena debede. Jai debeñedɨmɨe dɨnena ie cɨmaɨona llɨnuana llote: “O debia cuemo mai ɨba”.

San Mateo 20:1

Jesús llote: —Jusiñamui dɨbeimo comɨnɨ jailla rafuena lloitɨcue. Naimɨe comɨnɨna naimacɨ jaillamona, Jusiñamuimona nana naimɨe comɨnɨ daje isoidɨmacɨ. Iena raise omoɨ uiñollena, bie rafuedo iena lloitɨcue. Jitɨramo daje patrón ie illɨmo maɨjɨllena, maɨjɨuidɨnona jenuaide.

San Mateo 20:13

Naimacɨmona damɨemo naie patrón llote: “Ero, ona jeare fɨnoñedɨcue. ‘Omo daberie facaitɨcue’ omo llotɨcue. O dɨnena: ‘Jee’ raitɨo.

San Mateo 20:3

Jitoma nia oni daidemo, mercadomo naimɨe jɨaɨnona cɨode. Jamai itɨmacɨ.

San Mateo 20:9

Ie jira jɨnafona maɨjɨaidɨnona nano ɨbade. Dabe ɨbade.

San Mateo 22:19

Ucube cuemo acata —llote. Ie jira acatatɨmacɨ.

San Mateo 9:37

Naimacɨna duenaillamona, ie llofueoicaiganomo llote: —Illɨmo ailluena trigo ia, iena ollena, ailluena maɨjɨraɨnɨna jitailla. Ie isoide. Ailluena comɨnɨ ite naimacɨmo Jusiñamui rafuena caɨ llollena; iadedɨ naie rafuena lloraɨnɨ eo iñedɨmacɨ.

San Lucas 1:15

Jusiñamuimona naimɨe jamai bue isoiñeitɨmɨena jaite. Jɨfaitate rana jiroñeite. Naimɨe jeicɨamona Jusiñamui Joreño naimɨena namataite.

San Lucas 10:35

Ie areruido ie ɨnɨa jofo namamo janore ucubena fecade. Raite: “Naimɨena seda. Naimɨe facaina jɨaɨe rana o oia, abɨdo cue bia, iena ɨbaitɨcue”. Ie mei oni jaide.

San Lucas 20:24

—Ucube cuemo acata. ¿Bu ie joreño nainomo ite? ¿Bumo jaɨnaɨaɨde bie cuega radɨ? Uai otɨmacɨ: —César.

Segunda Carta a Timoteo 3:15

O uruenamona Jusiñamuina mare cuegafuiaɨna cacadɨo. Naie cuegafuiaɨ caɨ jilluana caɨmo llote. Cristo Jesúna caɨ ɨɨnuamona, jillobidɨcaɨ. Iena caɨmo jai llote.

Apocalipsis 6:6

Naie cuatro cajedɨno motomona damɨe llote: —Guille raise iñena jira, comɨnɨ aime guitɨmacɨ. Daje kilo trigo ie core darui maɨjɨa ua ucube dɨese raifide. Iemona llomenicona fɨnoia, dacaiño guille raifi ite. Tres kilos cebada ie core darui maɨjɨa ua ucube dɨese raifide. Iena damɨe oia, iemona llomenicona fɨnoia, dacaiño amani guille raifi ite. Illɨmo riara nia ite; ia iena ɨballena ucube baiñede. Ie muidona aime guitɨmacɨ —llote.