San Marcos 3:5 - Huitoto Murui

⁵ Naimɨe uaina naimacɨ ɨɨnoñena jira, rɨicaillanona, Jesús naimacɨmo erodate. Duidɨmɨemo llote: —O onollɨ mai oni ñuita. Iena oni ñuitajamona jillode.

San Marcos 3:5 ပူးပေါင်းရင်းမြစ်များ

San Mateo 12:13

Onollɨna ɨdɨsarodɨmɨemo llote: —O onollɨ mai oni ñuita. Iena ñuitajamona jillode.

San Marcos 3:4

Jesús nainomo itɨnomo jɨcanote: —¿Nɨe isoide rafue sábadoruimo fɨnuadɨ mare? Bimɨe birui cue jillotaiadedɨ, birui mare rafuena fɨnodɨcue. Cuena birui omoɨ meineiadedɨ, birui maraiñede rafue fɨnodomoɨ. Sábadoruimo, ¿nɨe isoide rafue fɨnuana rairuidomoɨ? Comɨnɨ dɨnena uai oñedɨmacɨ.

San Lucas 13:15

Jesús uai ote: —Maɨjɨñedɨnona abɨ caitadɨnodomoɨ. Sábado iruimo maɨjɨcabidomoɨ. Sábado iruimo omoɨ toɨnɨaɨna imacɨ illanomona suiñodomoɨ, jɨnui illanomo naimacɨ jiruaillena. Naie isoide maɨjɨa omoɨmona mare.

San Lucas 17:14

Naimacɨna Jesús cɨuanona, naimacɨmo llote: —Mai jai. Jusiñamui dɨga ñaɨraɨnɨmo omoɨ abɨna acata. —Jaidɨmacɨmo, jillodɨmacɨ.

San Lucas 6:10

Naimacɨmo eruaɨllanona, duidɨmɨemo llote: —O onollɨ mai oni ñuita. —Iena ñuitajanona jillode.

San Juan 9:7

Raite: —Siloé railla joraibɨmo mai noisai —raite. Siloé oni dobaiñuamona: “Oretarabɨ”. Ie jira naimɨe noisaide. Uisɨ jai cɨodemo, abɨdo bite.

Carta a los Romanos 11:25

Bie rafuena omoɨ uiñuana jitaidɨcue. Iena navui uiñoñedɨcaɨ. “Judíuaɨ baɨfemo faɨtɨcaɨ” omoɨ raiñellena, biena omoɨmo llotɨcue. Dɨga judíuaɨ Cristona birui ɨɨnoiacaiñedɨmacɨ. Jusiñamui jitailla dɨese judíuaɨñedɨno jillua facaisena, iese iitɨmacɨ.

Segunda Carta a los Corintios 3:14

Moisés mɨcorɨ comɨnɨ Jusiñamui rafuena jaca ɨɨnoñedɨmacɨ. Naimacɨ comecɨaɨ jitaiñena jira, ɨɨnoñedɨmacɨ. Moisés mɨcorɨ rafuena birui judíuaɨ comɨnɨ facaia, iena nia raise cacaiñedɨmacɨ. Danɨ Cristona ɨɨnuamona, naimacɨ comecɨaɨ raise cacareitɨmacɨ.

Carta a los Efesios 4:18

Jusiñamui rafuena uiñoñedɨmacɨ. Iena cacaiñedɨmacɨ. Abɨna naimacɨ uiñoñena jira, Jusiñamui dɨbeimo illana jaca uiñoñedɨmacɨ. Uanaicɨnona uiñoiacaiñedɨmacɨ.

Carta a los Efesios 4:26

Maraiñedɨcɨnona bu fɨnoia, naimɨemo rɨire llono; iadedɨ iese o lloia, naimɨena jeare ñaɨñeno. Jɨaɨmɨe ona icɨia, naimɨena jeare ñaɨñeno. Naimɨe dɨga o rafue ia, naie rafue nairuido marena fɨno,

Carta a los Efesios 4:30

Jusiñamuimo omoɨ jai jaɨnaɨaɨlla jira, jeacɨnona fɨnoñeno. Jeacɨno omoɨ fɨnoia, Jusiñamui Joreñodɨ sunaite. Naimɨena sunaitañeno. Naimɨe caɨmo illamona, caɨna jillotajana uiñotɨcaɨ. Cristo dane abɨdo billemona, naimɨe dɨne caɨ jaca illena, caɨna jai jillotate.

Carta a los Hebreos 3:10

Naimacɨmo llotɨcue: “Omoɨ dɨga icɨritɨcue. Cue dɨbeimo omoɨ illamo omoɨ comecɨaɨna facañedomoɨ. Cue lloga uaido jaiacaiñedomoɨ”.

Carta a los Hebreos 3:17

Cuarenta años jofue iñenanomo itɨmacɨ; iadedɨ naimɨena naimacɨ ɨɨnoñena jira, Jusiñamui naimacɨ dɨga icɨrite. Naimɨena ɨɨnoñena jira, naimacɨmo Jusiñamui llote: “Omoɨmo cue lloga enɨruemo jaca jaiñeitomoɨ” llote. Ie jira jofue iñenanomo naimacɨmo Jusiñamui jai lloga enɨruemo jaiñeno fiodaitɨmacɨ.

Carta a los Hebreos 5:9

Naimɨena ie Moo oretajanona, ie jitailla rafuena naimɨe raise marena fuidua jira, Jusiñamui ecɨmo naimacɨ jaca illena, nana naimɨena ɨɨnotɨnona jillotaite.

Apocalipsis 6:16

Anedumo llotɨmacɨ. Nofɨcɨmo llotɨmacɨ: —Caɨna ɨbaillena, caɨ emodomo ana uai. Jusiñamui rɨicaillafuemona caɨna reirita. Llauda isoidɨmɨe rɨicaillafuemona caɨna reirita.