San Marcos 14:36 - Huitoto Murui

³⁶ —Ore Moo, nana rana fɨnoredɨo. Cuena llegɨ cacaitañeno. Cue jitailla isoi cuena fɨnoñeno; iadedɨ o jitailla isoi cuena fɨno.

San Marcos 14:36 ပူးပေါင်းရင်းမြစ်များ

San Mateo 26:39

Naimɨe janore baɨ jaillanona, enɨruemo bɨtadate. Jɨɨde: —Ore Moo, o jitaia, cuena duere fɨnoñeno; iadedɨ cue comecɨ jitaillacɨnona fɨnoñeno. Cuemo o jitaillacɨno fɨno —jɨɨde.

San Mateo 26:42

Ie mei dane jɨɨllena jaide. Raite: —Ore Moo, o jitaia, cue duere sefuillamona cuena jillota. Cue fiodaillana o jitaia, o jitailla rafuena fɨnoitɨcue.

San Mateo 6:9

Naimɨemo omoɨ jɨɨacania, iese jɨɨ: Ore Moo, monamo itɨo. Comɨnɨ ori iobidesa.

San Marcos 10:27

Naimacɨmo eruaɨllanona, Jesús raite: —Nana comɨnɨ danɨ jillobinidɨmacɨ; iadedɨ Jusiñamuidɨ naimacɨna jillobitarede.

San Marcos 10:39

Uai otɨiaɨmaiaɨ: —Jɨɨ. Sefuiacadɨcoco. Jesús dɨnena raite: —Cue isoi duere sefuitomɨco. Llegɨ cacaitomɨco;

San Marcos 14:37

Ie mei ie llofueoicaigano dɨne abɨdo billanona, naimacɨ ɨnɨsɨtemo ride. Naimacɨna casitajano, Pedromo jɨcanote: —Simón, ¿nɨese raɨre ɨnɨdɨo? daje hora nia iñedemo.

San Juan 12:27

Cue comecɨ jai rucaicuerite; iadedɨ, ¿nɨese raitɨcue? Raiñeitɨcue: “Moo, cue fiodaillemona cuena jillote”. Fiodaillena bitɨcue. Ie jira raitɨcue:

San Juan 18:11

Iena cɨuanona, Jesús Pedromo llote: —O lloebɨna eeno. Cue Moo jitailla isoi, fiodaitɨcue.

San Juan 4:34

Jesús uai ote: —Jusiñamui cuena oretate. Naimɨe jitailla rafuena fɨnocana jaidɨcue. Naimɨe rafuena cue lluamona, jai guitɨcue isoidɨcue.

San Juan 5:30

Naimacɨmo cuena oretatɨmɨe jitailla isoi lloitɨcue. Dama cue comecɨmo ite rafuena cue lloñena jira, bie lluacɨnodɨ uanaicɨno.

Carta a los Gálatas 4:6

Naimɨe uruiaɨdɨcaɨna jira, Jusiñamuidɨ ie Jito Joreño caɨ comecɨaɨmo orede. Naimɨena caɨ feiñuanona, naimɨedɨ caɨna Jusiñamuina: “Caɨ Moo” raitatate.

Carta a los Filipenses 2:8

Jamai bue isoidɨmɨena jaide; iadedɨ ie Moo uaina ɨɨnote. Ie Moo jitailla jira, fiodaite. Maraiñede rafue fɨnodɨmɨe isoi, cruzmo fiodaite.

Segunda Carta a Timoteo 2:13

Naimɨe raise caɨ ɨɨnoñenia, naimɨe uai meidoñena muidona, naimɨedɨ nia ɨɨnogamɨe.

Carta a Tito 1:2

Naimɨe dɨga jaca caɨ illemo caɨ ocuirilla jira, Jusiñamuina sedadɨcaɨ. Enɨrue nia iñena facaiseconi, Jusiñamuidɨ caɨ jaca illena jaie llote. Naimɨe taɨno jaca lloñede.

Carta a los Hebreos 6:18

Naimɨedɨ Jusiñamuina jira, ie uai naimɨe jai llua jira, naimɨe taɨnona llonillana uiñotɨcaɨ. Ie jira naimɨe lloga uai naimɨe fɨnuana uiñotɨcaɨ. Naimɨena caɨ ɨɨnuamona, naimɨe anamo caɨ illa jira, caɨna naimɨe eenua jira, caɨ comecɨaɨ ocuiñocana jaidɨcaɨ. Naimɨe illanomo ɨco caɨ jaca illemo ocuiridɨcaɨ.