San Marcos 1:24 - Huitoto Murui

²⁴ Jesús llofuiana cacaita, Janabadɨ ɨimana ado cuirioitate: —Odɨ Nazaret ie Jesús. ¿Bue ñeacadɨo caɨ dɨga? Caɨna duere fɨnuaɨbidɨo. Ona uiñotɨcue. Odɨ Jusiñamui ie mare fetocamɨedɨo.

San Marcos 1:24 ပူးပေါင်းရင်းမြစ်များ

San Mateo 2:23

Nazaret railla naɨraɨ dɨne jaide, nainomo illena. Iemona Jusiñamui facaina lloraɨnɨ mɨcorɨaɨ jaie cuegafuiaɨ jai suide. Cristona jaie cuetɨmacɨ: “Naimɨedɨ Nazaret imɨe”.

San Mateo 8:29

Jesúna iaɨmaiaɨ cɨua facaise jananɨaɨ iaɨmaiaɨna cuirioitate: —Jusiñamui Jitodɨo. ¿Nɨese cocona nɨbaɨacadɨo? Coco duere sefuille facaise nia iñede; iadedɨ birui cocona duere fɨnuaɨbidɨo —cuirioidɨaɨmaiaɨ.

San Marcos 1:23

Janaba anamo illamɨe nainomo ite.

San Marcos 1:25

Jesús naimɨena lletade: —Llɨɨcai. Naimɨemona oni jai.

San Marcos 10:47

Nazaret ie Jesús jaillana naimɨe cacajano, ado cuirioide: —David mɨcorɨ Jitona o illamona, Jusiñamuimona o billa jira, cuena duenai. Cuena cano.

San Marcos 14:67

Pedro agaillana cɨode. Raite: —Nazaret ie Jesús comɨnɨdɨo.

San Marcos 16:6

Nainomo itɨmɨe dɨnena raite: —Jacɨnaiñeno. Nazaret ie Jesúna jenodomoɨ. Naimɨena coraɨdɨmacɨ; ia fiodaillamona naimɨe jai jillode. Bene jai iñede. Naimɨe jonianomo mai eroda.

San Marcos 5:7

Jesús llote: —Janaba, bimɨemona oni jai. Janabadɨ ɨimana ado llotatate: —Nanoca Jusiñamui Jitodɨo. ¿Nɨese cuena nɨbaɨacadɨo? Jusiñamui mamecɨdo cuena duere fɨnoñeno.

San Lucas 1:35

Gabriel llote: —Jusiñamui Joreño omo iite. Ie siño uai dɨga iena fɨnoite. Jusiñamui marena isoi naimɨe jɨaɨ marenite. Naimɨedɨ Jusiñamui Jito.

San Lucas 24:19

Uai ote: —¿Nɨe isoide rafue suide? Uai otɨiaɨmaiaɨ: —Nazaret ie Jesús rafue. Naimɨedɨ Jusiñamui facaina lloraɨma. Dɨga siño rafuena fɨnode. Comɨnɨna raise llofuete. Jusiñamuimona naimɨedɨ maremɨe. Comɨnɨmona naimɨe maremɨe;

San Lucas 4:34

—Odɨ Nazaret ie Jesús. ¿Bue ñeiacadɨo caɨ dɨga? Caɨna duere fɨnuaɨbidɨo. Ona uiñotɨcue. Odɨ Jusiñamui ie Mare Fetocamɨedɨo.

San Lucas 8:37

Naimɨena naimacɨ jacɨruillanona, naimacɨmona oni jaillena nana naie enɨruemo ite naɨraɨdɨ Jesúmo jɨcanotɨmacɨ. Ie jira botemo Jesús jaide, ruica dɨbeimo abɨdo jaillena.

San Juan 6:69

O lluana jai ɨɨnotɨcaɨ. Jusiñamui mare Jitodɨo. Iena uiñotɨcaɨ.

Hechos de los Apóstoles 2:27

raɨafomo cue joreñona naimɨe faɨnonocaiñena jira, ie mare Jito abɨ rɨfaillana naimɨe jitaiñena jira.

Hechos de los Apóstoles 24:5

Bimɨedɨ eo caɨ abɨna aruire fɨnode. Nana enɨruemo ite judíuaɨna uri itatañede. Naimɨedɨ Jesús raillamɨe rafuedo jaidɨno illaɨma.

Hechos de los Apóstoles 3:14

Mareuidɨmɨena jitaiñedomoɨ; iadedɨ come fatɨmɨena cárcelmona jino billana jitaidomoɨ. Barrabás raillamɨena jitaidomoɨ.

Hechos de los Apóstoles 4:27

Naie rafue birui bene suide. Bie naɨraɨmo Herodedɨ, Poncio Pilato dɨga, judíuaɨñedɨno dɨga, judíuaɨ comɨnɨ dɨga, ofide. O mare Jito Jesús facaisena iñedɨmacɨ. Naimacɨmo o oretagamɨe facaisena iñedɨmacɨ.

Carta de Santiago 2:19

Dajede Jusiñamuidɨ illana ɨɨnotɨo. Iena o ɨɨnuano, mare; iadedɨ jananɨaɨ iena jɨaɨ ɨɨnotɨmacɨ. Ie jira Jusiñamuina jacɨruitɨmacɨ.

Primera Carta de San Juan 2:20

Jesucristomona Jusiñamui Joreñona jai omoɨ feiñua jira, nana omoɨ Jusiñamui dɨbeimo ite rafuena jai uiñotomoɨ.

Apocalipsis 3:7

Cristo cuemo llote: —Filadelfiamo ite creyentiaɨma llollena, nainomo ite llofueraɨmamo cue lluana cueno: “Mareuidɨmɨedɨcue. Uanaicɨnona jaca llotɨcue. David mɨcorɨ jitona cue illamona, illaɨmana cue illa jira, siño uai cuemo ite. Ie muidona cue jitailla dɨese comɨnɨna feiñotɨcue. Jusiñamui illanomo naimacɨ illena, naimacɨna feiñotɨcue. Cue jitailla dɨese comɨnɨna feiñoñedɨcue.