57 Pedro abɨ janote: —Naimɨena uiñoñedɨcue.
Cuena birui omoɨ janoia, nana comɨnɨ Jusiñamui uicomo ɨco ia, nainomo omoɨna janoitɨcue. “Cue comɨnɨñedomoɨ” omoɨna raitɨcue.
Nana nainomo itɨnomo Pedro llote: —O lluana uiñoñedɨcue.
Cuena birui omoɨ janoia, nana comɨnɨ Jusiñamui jaɨenisaɨ uicomo ɨco ia, nainomo omoɨna janoitɨcue. “Cue comɨnɨñedomoɨ” omoɨna raitɨcue.
Nainomo ite mullaɨñodɨ irai bouamona, Pedromo eruaɨllano raite: —Bimɨedɨ Jesús dɨga jaisoɨdɨmɨe.
Dallu illanona, jɨaɨmɨe Pedrona cɨuanona llote: —Jesús ie llofueoicaigano imɨedɨo. Pedro dɨnena uai ote: —Imɨeñedɨcue.
Ie facaise Pedro irai ecɨmo nia agaide. Nainomo itɨno naimɨemo llote: —Jesús llofueoicaigano imɨedɨo. Pedro janote: —Ieñedɨcue.
Pedro dane janote. Ieconi ɨitava ñaɨte.
Omoɨ comecɨaɨ iuaillaɨ meido. Jusiñamui dɨbeimo omoɨ comecɨaɨna meido. Iemei Jusiñamui omoɨ jeacɨnona dotaite. Iena jaca feitaite.
Naimɨemo caɨ fɨnoca jeacɨno caɨ lloia, Jusiñamui caɨ jeacɨnona dotaite. Nana caɨ maraiñedɨcɨnona dotaite. Naimɨe ɨɨnogamɨena jira, naimɨe maremɨena jira, iese fɨnoite.
