San Juan 7:39 - Huitoto Murui

³⁹ Jesúdɨ iese llote; ia Jusiñamui Joreñona ñaɨte. Jusúna ɨɨnotɨnomo Jusiñamuidɨ ie Joreñona ɨco illena ñaɨte. Jesús nia fiodaiñena jira, iena nia iñega.

San Juan 7:39 ပူးပေါင်းရင်းမြစ်များ

San Mateo 16:14

Uai otɨmacɨ: —Damɨerie raitɨmacɨ: “Odɨ Juan Bautista mɨcorɨdɨo”. Damɨerie raitɨmacɨ: “Odɨ Elías”. Jɨaɨno raitɨmacɨ: “Jeremías mɨcorɨdɨo”. Jɨaɨno raitɨmacɨ: “Jusiñamui facaina lloraɨma mɨcorɨdɨo”.

San Mateo 21:11

Jesús dɨga bitɨno dɨnena uai otɨmacɨ: —Jesús bite. Naimɨedɨ Jusiñamui facaina lloraɨma. Galileamo ite Nazaret imɨe.

San Lucas 24:49

Ero, navui naimɨe llua isoi, cue Moo Joreño omoɨ dɨne oretaitɨcue. Jerusalémo fɨebi, naimɨe Joreño omoɨ feiñolle dɨnori. Cue rafuena omoɨ llollena, naimɨe Joreño omoɨ comecɨaɨna ocuiñotaite.

San Lucas 3:16

Iena fɨdɨano, Juan llote: —Cristoñedɨcue. Jusiñamui dɨbeimo omoɨ illamona, jɨnui dɨga omoɨna bautizadɨcue. Caɨ baɨfemo faɨtɨmɨe bie facaise biite. Naimɨe cue ifomo meidoite. Jamai bue cue isoilla jira, naimɨena cue canuana uiñoñedɨcue. Naimɨemo omoɨ duia, naimɨedɨ Jusiñamui Joreño omoɨmo itataite. Omoɨ comecɨaɨ iuai omoɨ meidoñenia, omoɨna duere fɨnoite.

San Lucas 7:16

Naieri nana jacɨnaitɨmacɨ. Jusiñamuimo iobillacɨnona fecadɨmacɨ. Raitɨmacɨ: —Jusiñamui facaina lloraɨma caɨ motomo ite. Naimɨe uai eo siño. Naimɨena Jusiñamui oretaja jira, Jusiñamui caɨna birui canoacana jira, iobidɨcaɨ.

San Juan 1:21

Dane naimɨemo jɨcanodosɨte: —¿Budɨo? ¿Elías? Juan mɨcorɨ dɨnena uai ote: —Elíañedɨcue. Raitɨmacɨ: —Moisés mɨcorɨ Jusiñamui facaina lloraɨma ɨco billena jaie llote. ¿Odɨ naimɨedɨo? Juan dɨnena raite: —Ieñedɨcue.

San Juan 1:25

Nia jɨcanoiacadɨmacɨ: —Odɨ caɨ Jilloitaraɨmañenia, o Elíañenia, o Moisés mɨcorɨ llotɨmɨeñenia, ¿bue ñellena comɨnɨna bautizadɨo? ¿Nɨe isoide uai omo ite? ¿Nɨnomona o uaina otɨo?

San Juan 1:33

Naimɨedɨ caɨ Jilloitaraɨmana nia uiñoñedɨcue; iadedɨ comɨnɨna bautizallena, cuena oretagamɨedɨ jaie cuemo llote: “Cue Joreño ana billana damɨemo baillana ɨco cɨoitɨo. Cue Joreño baillamɨedɨ cue Joreño omoɨmo fecaite”.

San Juan 12:16

Naie facaise bie rafuemo comecɨaɨna facañedɨcaɨ; iadedɨ Jesús jillua mei, bie rafuena comecɨtɨcaɨ.

San Juan 12:23

Jesús uai ote: —Monamona bitɨcue; ia jai cue fiodaille facaise ride. Comɨnɨ cue uaidɨ siñonana uiñua facaise jai ride.

San Juan 14:13

Cue Moo uai siñonana omoɨ uiñollena, buena cue dɨbeido cue Moomo omoɨ jɨcaia, nana iena fɨnoitɨcue.

San Juan 14:26

Cue Moodɨ omoɨna canollena, naga rafuena omoɨna llofuellena, cue facaina ie Joreñona omoɨmo oretaite. Omoɨna nana omoɨmo llogacɨnuaɨna comecɨtaite.

San Juan 16:14

Omoɨna cue rafuena uiñotaite. Ie jira cuena iobitaite. Nana cue Moomo ite uaidɨ cueje.

San Juan 16:7

Uanai llotɨcue. Cue jaia, mare. Cue jaiñenia, omoɨna canoraɨma omoɨ dɨne biñeite. Cue jaia, omoɨ dɨne naimɨena oretaitɨcue. Jusiñamui Joreñodɨ omoɨ canoraɨma.

San Juan 17:1

Jesús bicɨnona llua mei, monamo eruaɨllano, jɨɨde: —Moo, cue fiodaiacanarui jai ride. Cue uai siñonana uiñota. Iemei o uai siñonana jɨaɨ uiñotaitɨcue.

San Juan 17:5

Ore Moo, enɨrue nia iñena facaiseconi o dɨga itɨcue. Illaɨma isoi o ecɨmo dane ebire iacadɨcue. Dane cuemo ine, daje isoi coco illesa.

San Juan 20:22

Ie facaise caɨna firaiñuanona, raite: —Jusiñamui Joreñona omoɨ feiñuana jitaidɨcue.

San Juan 6:14

Jesús fɨnoca rafuena naie comɨnɨdɨ cɨuanona, llotɨmacɨ: —Jusiñamui facaina lloraɨnɨ mɨcorɨaɨdɨ caɨ Jilloitaraɨma ɨco billena jaie llotɨmacɨ. Bimɨedɨ naimɨe.

San Juan 7:12

Nainomo ailluena comɨnɨ itɨmacɨ. Comɨnɨ illa motomo naimɨena anado siadosɨde. Jɨaɨno dɨnena: “Naimɨedɨ mare” raitɨmacɨ. Jɨaɨno dɨnena: “Naimɨedɨ comɨnɨna jɨfuete” raitɨmacɨ.

San Juan 8:54

Jesúdɨ uai ote: —Dama cue abɨna birɨñedɨcue; ia cue Moo cuena marena ñaɨamona, cuena iobitate. “Caɨ Moodɨ Jusiñamui” raicabitomoɨ;

Hechos de los Apóstoles 19:2

Naimacɨmo jɨcanote: —¿Cristona omoɨ ɨɨnuaruimo Jusiñamui Joreñona feiñotomoɨ? Uai otɨmacɨ: —Jusiñamui Joreñona nia jaca cacaiñedɨcaɨ.

Hechos de los Apóstoles 2:17

Llote: Jusiñamui caɨmo llote: “Jɨaɨruido bie rafue suite. Cue Joreñona dɨga comɨnɨmo fecajitɨcue. Iedo omoɨ uruiaɨ cue lluana lloitɨmacɨ. Iemona omoɨ coniruiaɨna nɨcaɨritaitɨcue. Iemona omoɨ einamacɨna jɨaɨ nɨcaɨritaitɨcue.

Hechos de los Apóstoles 2:33

Ie ecɨmo Jesúna jai dane itatajanona, Jusiñamui naimɨena iobitade. Ie Moo llua isoi, Jesús jai ie Moo Joreño caɨmo jai fecade, omoɨ birui cɨua isoi, omoɨ birui cacaja isoi.

Hechos de los Apóstoles 2:38

Pedro uai ote: —Omoɨ comecɨaɨ iuaina meido. Iemei Jusiñamui omoɨmo ite jeacɨnuaɨna dotajite. Jesucristo facaina omoɨ bautizallomoɨ. Jusiñamui Joreñona jɨaɨ feiñoitomoɨ.

Hechos de los Apóstoles 2:4

Iese Jusiñamui Joreñona feiñotɨmacɨ. Nana naimacɨ comecɨaɨna namatade. Iemei dɨga naɨraɨ uaillaɨdo ñaɨtɨmacɨ, Jusiñamui Joreño naimacɨna ñaɨtatajamona. Naimacɨ ñaɨa uaillaɨna uiñoñedɨmacɨ.

Hechos de los Apóstoles 3:13

Iena fɨnoñedɨcoco; iadedɨ Jusiñamui iena fɨnuano, ie Jito Jesúna iobitade. Caɨ usumatɨaɨ mɨcorɨaɨ, Abraham, Isaac, Jacob, ua nana caɨ usumatɨaɨ mɨcorɨaɨ bie Jusiñamuina sedadɨmacɨ; iadedɨ Jesúna birui fecadomoɨ, coraɨllena. Pilato naimɨena jino marena oretaiacana jira, Pilato ecɨmo naimɨena llogɨdotomoɨ.

Hechos de los Apóstoles 4:31

Jusiñamuimo jɨɨacɨno fuilla meinoconi, naimacɨ ofiracodɨ jaidɨsite. Jusiñamui Joreño nagamɨiaɨ comecɨmo namatade. Iemona Jusiñamui uai jacɨtaiñeno llocana jaidɨmacɨ.

Carta a los Romanos 8:9

Iese iñedomoɨ; iadedɨ Jusiñamui Joreñomo jai duidomoɨ. Naimɨe omoɨmo ite. Bumo Jusiñamui Joreño iñenia, Cristomo nia duiñede.

Segunda Carta a los Corintios 3:8

Jusiñamui Moisés mɨcorɨmo jaie lloga uai ebirede; ia Jusiñamui Joreño birui caɨmo lloga uai baɨfemo ebirede.

Carta a los Efesios 4:30

Jusiñamuimo omoɨ jai jaɨnaɨaɨlla jira, jeacɨnona fɨnoñeno. Jeacɨno omoɨ fɨnoia, Jusiñamui Joreñodɨ sunaite. Naimɨena sunaitañeno. Naimɨe caɨmo illamona, caɨna jillotajana uiñotɨcaɨ. Cristo dane abɨdo billemona, naimɨe dɨne caɨ jaca illena, caɨna jai jillotate.