Carta a los Hebreos 2:16 - Huitoto Murui

¹⁶ Jeacɨno anamo naimacɨ iñena jira, Jusiñamui jaɨenisaɨmo ie comecɨna facañede; iadedɨ Abraham mɨcorɨ isoi ɨɨnotɨnomo naimɨe comecɨna facade. Naimacɨna naimɨe jilloitallena, naimɨedɨ comena jaide.

Carta a los Hebreos 2:16 ပူးပေါင်းရင်းမြစ်များ

Carta a los Romanos 2:25

Jusiñamui dɨbeimo jai omoɨ illana jɨaɨe comɨnɨ uiñollena, omoɨ abɨna detatatomoɨ. Moisés mɨcorɨ llogacɨnona omoɨ ɨɨnoiadedɨ, omoɨ abɨna detatajadɨ mare; iadedɨ naicɨnona omoɨ ɨɨnoñenia, abɨna detatañedɨno isoi jai itomoɨ. Jusiñamui dɨbeimo iñedomoɨ.

Carta a los Gálatas 3:16

Ie isoide. Jusiñamuidɨ Abraham mɨcorɨmo ɨco suille rafuena jaie llote. Iena naimɨe llua jira, iena meidonide. Ie uruiaɨmo ɨco suille rafuena lloñede; ia daje uruemo ɨco suille rafuena llote. Cristona ñaɨte.

Carta a los Gálatas 3:29

Cristomo omoɨ jai duiadedɨ, Abraham mɨcorɨ comɨnɨdomoɨ. Ie jira Jusiñamui Abraham mɨcorɨmo lloga rafuemo jɨaɨ jaɨnaɨaɨdomoɨ.

Carta a los Hebreos 12:10

Naimacɨ comecɨaɨ llua isoi, caɨ enɨruemo ite mootɨaɨ dallu caɨna duere fɨnode. Caɨ Moo Jusiñamui caɨna llofuellena, caɨna duere fɨnode. Naimɨe illa isoi, mare rafue dɨbeimo caɨna itataiacade.

Carta a los Hebreos 2:15

Jesús nia fiodaiñenia, nana caɨ illa dɨnori fiodaillana jacɨruicana jaidɨcaɨ. Jesús jai fiodailla jira, caɨna jacɨruillacɨno anamona jillobitade.

Carta a los Hebreos 2:17

Comena naimɨe illena, Jusiñamui naimɨena orede. Caɨ isoi naimɨe duere sefuillena, naimɨena orede. Caɨ isoi ramo naimɨe Taɨfe faɨamona, naimɨe fueollena, naimɨena orede. Caɨ illana raise uiñote. Iemona caɨna dueruite. Jusiñamui jitaillacɨno fɨnuana raise uiñote. Ie jira Jusiñamui dɨga caɨ facaina nanoca ñaɨraɨmana naimɨe raise jaide. Ie jira caɨ jeacɨnona oni dotajana Jusiñamuimo jɨcanote.

Carta a los Hebreos 6:16

Uanaicɨno caɨ llocabillana jɨaɨe comɨnɨ uiñollena, Jusiñamui mamecɨna llɨɨnotɨcaɨ. “Jusiñamui caɨna cɨode” llotɨcaɨ. “Uanaicɨnona caɨ lloñenia, Jusiñamui caɨna duere fɨnoite” llotɨcaɨ. Ie jira caɨ lloga uaina buna uaitañede.

Primera Carta de San Pedro 1:20

Caɨna jilloitallena, enɨrue nia iñena facaiseconi Jusiñamui Cristona jaie fetode. Naimɨena omoɨ uiñollena, birui bene enɨruemo Jusiñamui naimɨena oretate.