Carta a los Gálatas 5:18 - Huitoto Murui

¹⁸ iadedɨ Jusiñamui Joreño anamo omoɨ raise ia, naimɨe lluana omoɨ raise ɨɨnoia, Moisés mɨcorɨ llogacɨnona jai jitaiñedomoɨ.

Carta a los Gálatas 5:18 ပူးပေါင်းရင်းမြစ်များ

San Juan 16:13

Jusiñamui Joreño bia, omoɨmo nana uanaicɨnuaɨna llofueite. Dama ie facaina llofueñeite; iadedɨ ie cacajacɨnodo llofueite. Jɨaɨruido suille rafuena llofueite.

Carta a los Romanos 7:4

Ie isoide. Cristo fiodailla jira, Moisés mɨcorɨ llogacɨnuaɨ anamo jai iñedɨcaɨ. Iemo jai duiñedɨcaɨ. Ie jira Cristomo jai duidɨcaɨ. Jusiñamui jitailla rafuena fɨnocana caɨ jaillena, fiodaillamona Cristo jai jillode.

Carta a los Romanos 8:12

Cue amatɨaɨ, iese caɨmo suite. Ie jira caɨ comecɨaɨmo ite maraiñedɨcɨnodo caɨ jaiñellɨ.

Carta a los Romanos 8:14

Nana Jusiñamui Joreño namatadɨnodɨ Jusiñamui uruiaɨ.

Carta a los Gálatas 5:16

Omoɨmo nia lloitɨcue. Jusiñamui Joreño omoɨ comecɨaɨmo namatajano omoɨ i. Omoɨ comecɨaɨmo ite maraiñedɨcɨnodo omoɨ jaiñeno.

Carta a los Gálatas 5:23

uai oñenacɨno, abɨna eenuacɨno. Moisés mɨcorɨ llogacɨnuaɨ bie isoidɨcɨnona ñaɨñede.

Carta a los Gálatas 5:25

Jusiñamui Joreño caɨmo illa jira, naimɨe caɨ comecɨaɨna namatajacɨnodo caɨ jaillesa.

Primera Carta a Timoteo 1:9

Moisés mɨcorɨ llogacɨnuaɨdɨ mareuidɨnomo jaɨnaɨaɨñede. Jɨaɨnomo jaɨnaɨaɨde: Jusiñamui uaina ɨɨnoñedɨnomo lloga uaina ɨɨnoraɨnidɨnomo, Jusiñamuina jitaiñedɨnomo, jeacɨno fɨnoraɨnɨmo, jeare ñaɨcabitɨnomo, Jusiñamuina enoidɨnomo, eina meinetɨnomo, moona meinetɨnomo, jɨaɨe comɨnɨna meinetɨnomo, aɨñede rɨño dɨga itɨnomo, ɨniñede ɨima dɨga itɨñaiñuaɨmo, daje isoide ɨima dɨga coninɨ aɨfuedotɨnomo, comena fɨɨdɨnomo, taɨno lloraɨnɨmo, taɨno lluana jɨfueridɨnomo, uanai rafue facaisena iñedɨnomo. Nana Cristo rafue facaina iñedɨnomo Moisés mɨcorɨ llogacɨnuaɨ ua jaɨnaɨaɨde;

Segunda Carta a Timoteo 1:7

Jusiñamuidɨ comɨnɨna o jacɨruillana jitaiñede. Caɨ comecɨaɨna ocuiñotajanona, caɨna jɨaɨe comɨnɨna isiruitallena, caɨ comecɨaɨna eenotallena, ie Joreño caɨmo fecade.