Carta a los Filipenses 4:9 - Huitoto Murui

⁹ Nana cuemona omoɨ fueoga rafuedo omoɨ jai. Nana cuemona omoɨ feiñoga rafuedo omoɨ jai. Nana cuemona omoɨ cacaja rafuedo omoɨ jai. Nana cue fɨnoca rafuena omoɨ cɨua rafuedo omoɨ jai. Iemei omoɨ comecɨaɨna uri itatajanona, Jusiñamui omoɨ dɨga iite.

Carta a los Filipenses 4:9 ပူးပေါင်းရင်းမြစ်များ

San Mateo 1:23

Jaie llotatate: Ɨimana uiñoñedɨñaiñomo comuite uruedɨ. Ɨimana jocoite. Emanuel ie mamecɨ jɨtalle. Bie mamecɨ oni dobaiñuamona raite: “Jusiñamui caɨ dɨga ite”.

San Mateo 28:20

Nana omoɨmo cue lloga rafuena naimacɨ iena ɨɨnollena, llofue. Nia abɨdo cue biñenia, omoɨna canollena, omoɨ dɨga cue Joreño jaca iite —llote. Mai. Macaɨbaite. Mateodɨcue.

San Mateo 7:21

Jesús llote: —Naga cuemo: “Odɨ cue Namadɨo” raitɨmɨedɨ Jusiñamui ie comɨnɨna sedajanomo iñeite; iadedɨ dama cue Moo jitaille rafue fɨnodɨmɨedɨ nainomo iite.

San Lucas 6:46

Jesús nia llofuete: —Omoɨmona damɨerie cuena: “Caɨ Nama” raitomoɨ; iadedɨ cue llogacɨnona fɨnoñedomoɨ.

San Lucas 8:21

Jesús uai ote: —Jusiñamui uaina cacajamona, iena ɨɨnotɨno ieca cue eidɨ, cue amatɨaɨdɨ.

San Juan 13:17

Bicɨno omoɨ uiñuamona, iese omoɨ fɨnoia, caɨmare iitomoɨ.

San Juan 15:14

Cue llogacɨnuaɨna omoɨ ɨɨnoia, cuena nabaidomoɨ.

San Juan 2:5

Iemei ie eidɨ rafue nama mullaɨaɨmo llote: —Naimɨe omoɨmo lluana fɨno.

Hechos de los Apóstoles 9:6

Naidacai. Damascomo mai jai. Nainomo o fɨnolle rafue omo lloitɨcue.

Carta a los Romanos 15:33

Jusiñamui omoɨna uri itatajana jitaidɨcue.

Carta a los Romanos 16:20

Jusiñamuidɨ omoɨna uri itatate. Naimɨe omoɨna canoite, Taɨfena anafefitallena. Caɨ Nama Jesucristo omoɨna duenaillesa.

Primera Carta a los Corintios 10:31

Omoɨmo iena nia lloitɨcue. Nɨe isoide rana omoɨ guia, nɨe isoide rana omoɨ rɨia, nɨe isoide rana omoɨ jiroia, nɨe isoide rafuena omoɨ fɨnoia, naieri Jusiñamuina iobita.

Primera Carta a los Corintios 14:33

Iese iñenia, daacaiño omoɨ lloia, buna Jusiñamui rafuena raise cacaiñeite. Omoɨ raise illena Jusiñamui jitailla jira, omoɨ uri illena Jusiñamui jitailla jira, cue lluacɨnodo omoɨ jai.

Primera Carta a los Corintios 4:16

Ie jira omoɨmo cue llogacɨnodo mai omoɨ jai.

Segunda Carta a los Corintios 13:11

Cue amatɨaɨ, bie carta cuiana jai fuidoacadɨcue. Marena omoɨ i. Omoɨ comecɨaɨna raise fɨno. Cue lloga rafuemo raise cacarei. Nana omoɨ creyentiaɨ comecɨaɨ daje isoi lloicana jai. Coninɨri uri omoɨ i. Iemona Jusiñamui omoɨna isiruillana uiñoitomoɨ. Jusiñamui omoɨna uri itatajana uiñoitomoɨ.

Carta a los Filipenses 3:17

Cue amatɨaɨ, Cristona cue ɨɨnua isoi, naimɨe rafuedo cue jailla isoi, nana omoɨ jɨaɨ jai. Caɨ illa isoidɨnomo omoɨ eruaɨ, naimacɨ isoi omoɨ illena.

Carta a los Filipenses 4:7

Iemei Jusiñamui omoɨ comecɨaɨna uri itataite. Omoɨ comecɨaɨ facajacɨno baɨfemo omoɨna uri itataite. Cristo Jesúna omoɨ ɨɨnuano, omoɨ comecɨaɨna eenoite.

Primera Carta a los Tesalonicenses 1:6

Caɨ illa isoi ificaidomoɨ. Caɨ Nama illa isoi ificaidomoɨ. Iemona duere sefuidomoɨ; ia Jusiñamui Joreño omoɨna iocɨre itatajamona, Jusiñamui uaina iocɨre feiñotomoɨ.

Primera Carta a los Tesalonicenses 2:14

Judeamo ite creyentiaɨ isoi duere sefuidomoɨ. Omoɨ comɨnɨmona duere sefuidomoɨ. Naimacɨ judíuaɨ comɨnɨmona duere sefuidɨmacɨ.

Primera Carta a los Tesalonicenses 5:23

Ie jira Jusiñamuimo omoɨ facaina jɨɨitɨcue. Naimɨe omoɨna jai uri itatate. Naimɨe omoɨna nagarui marena itatacana jaillana jitaidɨcue. Iese omoɨ jaia, caɨ Nama Jesucristo dane abɨdo bille facaise, naimɨe jitailla isoi, omoɨ comecɨaɨ marena iite.

Segunda Carta a los Tesalonicenses 3:4

Cristomo caɨ duilla jira, caɨ llogacɨnona omoɨ jai ɨɨnuana jai uiñotɨcaɨ. Iena nia ɨɨnoitomoɨ.

Segunda Carta a Timoteo 4:22

Caɨ Nama o comecɨ ocuiñotajasa. Naimɨe nana omoɨna duenaillasa. Mai. Pablodɨcue.

Carta de Santiago 1:22

Cacajamona iena ɨɨnocana jai. Cacajanona iena omoɨ ɨɨnoñenia, danɨ abɨna jɨfuetomoɨ.

Segunda Carta de San Pedro 1:10

Cue amatɨaɨ, naie isoidɨcɨnona fɨnocana jai. Iemona Jusiñamui omoɨna fetuana raise uiñoitomoɨ. Abɨdo danomo jɨaɨ jaiñeitomoɨ.

Primera Carta de San Juan 3:22

Naimɨe llogacɨnona caɨ ɨɨnoia, naimɨe jitaillacɨnona caɨ fɨnoia, naimɨemo caɨ jɨcaca rafuena birui feiñotɨcaɨ.