Carta a los Efesios 6:24 - Huitoto Murui

²⁴ Caɨ Nama Jesucristona omoɨ eo isiruilla jira, Jusiñamuidɨ omoɨna duenaillasa. Mai. Pablodɨcue.

Carta a los Efesios 6:24 ပူးပေါင်းရင်းမြစ်များ

San Mateo 22:37

Jesús dɨnena uai ote: —Moisés mɨcorɨ jaie cuega: “Omoɨ jitailla jira, nana omoɨ comecɨmona caɨ Nama Jusiñamuina isirui. Naimɨemo omoɨ comecɨna eo faca”.

San Mateo 28:20

Nana omoɨmo cue lloga rafuena naimacɨ iena ɨɨnollena, llofue. Nia abɨdo cue biñenia, omoɨna canollena, omoɨ dɨga cue Joreño jaca iite —llote. Mai. Macaɨbaite. Mateodɨcue.

San Mateo 6:13

Caɨmo ramo bu faɨa, caɨna cano, iena caɨ ɨɨnoi raillano. Jeacɨnona fɨnuamona caɨna jillota. Iese omoɨ jɨɨ.

Carta a los Romanos 2:7

“Mare rafuena fɨnocana jaidɨno cue illanomo jaca iitɨmacɨ” lloite. Naimacɨ naimɨe isoi ebire iacania, naimɨemona iobillacɨno naimacɨ jitaia, naimɨe illanomo naimacɨ jaca iacania, iese Jusiñamui lloite.

Segunda Carta a los Corintios 13:14

Caɨ Nama Jesucristo omoɨna jaca duenaite. Jusiñamui omoɨna jaca isiruillamona, coninɨna omoɨ isirui. Naimɨe Joreño omoɨmo illamona, coninɨna omoɨ nabai. Iese jitaidɨcue. Mai. Macaɨbaite. Pablodɨcue.

Segunda Carta a los Corintios 8:12

Ailluena ucubena omoɨmo iñenia, dama iesede. Omoɨ jitailla jira, omoɨmo ite ucube dɨese omoɨ fecaia, Jusiñamuimona mare;

Segunda Carta a los Corintios 8:8

Omoɨna iese rɨire lloñedɨcue. Macedoniamo ite creyentiaɨna eo canuana omoɨ uiñuamona, jɨaɨ creyentiaɨna omoɨ canoia, Cristona omoɨ isiruillana uiñoitɨcaɨ.

Carta a los Efesios 6:23

Caɨ Moo Jusiñamui, caɨ Nama Jesucristo dɨga, omoɨna uri itatajamona, Cristona jai omoɨ ɨɨnuamona, coninɨri uri icana jaillana jitaidɨcue. Iaɨmaiaɨ omoɨna isiruillamona, iaɨmaiaɨna omoɨ ɨɨnuamona, nana jɨaɨe creyentiaɨna isiruicana omoɨ jai.

Carta a los Filipenses 1:1

Filipomo ite creyentiaɨ, Jesucristomo jai omoɨ duillamona, bie carta omoɨ dɨne oredɨcue. Pablodɨcue. Timoteo cue dɨga ite. Naimɨe comɨnɨna coco illamona, Jesucristo dɨbeimo maɨjɨcabidɨcoco. Omoɨmo coco uaina oredɨcoco. Omoɨ creyentiaɨ illaɨcomɨnɨmo coco uaina ua oredɨcoco. ¿Nɨgacɨno? ¿Nɨe isoidomoɨ? Caɨ Moo Jusiñamui, caɨ Nama Jesucristo dɨga, omoɨna jai duenaite. Iena uiñocana mai omoɨ jai. Iaɨmaiaɨ omoɨna uri jai itatate. Iena omoɨ uiñocana mai omoɨ jai.

Carta a los Colosenses 4:18

Cue uaina omoɨmo oredɨcue. Dama bie uaina cuetɨcue; iadedɨ nana bie carta cuemona illana uiñotomoɨ. Cárcelmo cue illana cue facaina feitañeno omoɨ jɨɨ. Jusiñamui omoɨna duenaioillasa. Mai. Cue cuega rafue jai fuite. Pablodɨcue.

Segunda Carta a Timoteo 4:22

Caɨ Nama o comecɨ ocuiñotajasa. Naimɨe nana omoɨna duenaillasa. Mai. Pablodɨcue.

Carta a Tito 2:7

Tito, naga rafue o fɨnua dɨese, mare rafuedo o jai. O llofuia, uanaicɨnona llono. Jamai ebe isoi llofueñeno.

Carta a Tito 3:15

Cue dɨga itɨno naimacɨ uaina omo oredɨmacɨ. Jesucristona caɨ ɨɨnua jira, caɨna isiruitɨnomo cue uaina llono. Jusiñamui nana omoɨna duenaillana uiñocana omoɨ jaillana jitaidɨcue. Mai. Pablodɨcue.

Carta a los Hebreos 13:25

Jusiñamui omoɨna jaca duenaillana omoɨ uiñuana jitaidɨcue. Mai. Macaɨbaite.