Carta a los Efesios 3:11 - Huitoto Murui

¹¹ Jusiñamui jaca jitailla isoi, naie rafue suicana jaide. Caɨ Nama Jesucristona naimɨe oretajanona, caɨ facaina Cristo fiodaite. Iemona Jusiñamui jitailla rafuedɨ suide.

Carta a los Efesios 3:11 ပူးပေါင်းရင်းမြစ်များ

Carta a los Romanos 9:11

Naiñaiño mɨcorɨ nia jocoñenia, Jusiñamuidɨ naiñaiño mɨcorɨmo llote: “Nano doforamɨe ie ama anamo jaca iite” llote. Jusiñamui facaina lloraɨma mɨcorɨ Jusiñamui lluana jɨaɨ cuete: “Jusiñamui llote: ‘Jacobna eo isiruitɨcue; iadedɨ Esaúna janore isiruitɨcue’ llote”. Naie iaɨmaiaɨ mɨcorɨ nia jeicɨñenia, iaɨmaiaɨ mɨcorɨ marecɨnona nia fɨnoñenia, iaɨmaiaɨ mɨcorɨ maraiñedɨcɨnona nia fɨnoñenia, Jusiñamuidɨ iaɨmaiaɨ mɨcorɨna iese llote. Ie fɨnoca rafuemona Jacob mɨcorɨna fetoñede; iadedɨ Jusiñamui jitailla jira, Jacob mɨcorɨna fetode.

Carta a los Gálatas 5:24

Cristo Jesúmo jaɨnaɨaɨdɨnodɨ naimacɨ maraiñede comecɨaɨ jitaillacɨno anamo iñedɨmacɨ.

Carta a los Efesios 1:11

Ie jira naga suide rafue suicana jaide, Jusiñamui jitaillacɨnona fuidollena. Nana naimɨe jitailla dɨese, naimɨe comecɨ jitailla jira, nana iena fɨnode. Nano facaiseconi naimɨe comɨnɨna caɨ jaillana naimɨe uiñuanona, caɨna jaie fetode. Ie muidona naimɨe comɨnɨna jai jaidɨcaɨ.

Carta a los Efesios 1:4

Iena ja lloitɨcue. Enɨrue nia iñenia, Jusiñamui nana naimɨena ɨɨnotɨnona jaie fetode. Caɨ facaina Cristo ɨco fiodaillena naimɨe uiñuamona, caɨna jaie fetode. Naimɨemona caɨ marebicaillena, jeacɨnona caɨ fɨnoñellena, caɨna fetode.

Carta a los Efesios 1:9

Naimɨena caɨ raise ɨɨnollena, caɨna abɨna jai uiñotade. Jusiñamui caɨna naimɨe nana caɨna birui jilloitaiacanana jai uiñotade. Caɨ comɨnɨdɨ iena jaie uiñoñedɨmacɨ; iadedɨ Jusiñamui jitailla dɨese Cristo fɨnoca rafuedo caɨna iena jai uiñotade.

Carta a los Efesios 3:1

Jesucristo rafuena omoɨ judíuaɨñedɨnomo cue llofueuilla jira, cárcelmo itɨcue.

Segunda Carta a Timoteo 1:9

Naimɨe isoi caɨ marena illena, caɨna fetuano, jeacɨnomona caɨna jillotate. Caɨ fɨnoca rafue muidona caɨna jillotañede; iadedɨ naimɨe jitailla jira, caɨna jillotate. Enɨrue nia fɨnoñena facaiseconi caɨna jaie duenaite. Cristo Jesús caɨna iena jai uiñotade.