Carta a los Colosenses 3:12 - Huitoto Murui

¹² Jusiñamui omoɨna fetode. Omoɨ comecɨaɨna maretate. Omoɨna isiruite. Ie jira jɨaɨe comɨnɨna duenai. Jɨaɨe comɨnɨna cano. Abɨ ɨedoñeno. Abɨ birɨñeno. Icɨriñeno.

Carta a los Colosenses 3:12 ပူးပေါင်းရင်းမြစ်များ

San Mateo 24:22

Naie facaise ianori fo Jusiñamui oñeitena, buna jaca jillobiñeite. Naimɨe fetocano muidona, naie facaise Jusiñamui ianori fo oite.

San Mateo 24:24

Cristona abɨ caitadɨno biitɨmacɨ. Jusiñamui facaina lloraɨnɨna abɨ caitadɨno jɨaɨ biitɨmacɨ. Siño rafuena fɨnuanona, comɨnɨna jɨfueitɨmacɨ. Jusiñamui fetoca comɨnɨna ua jɨfueitɨmacɨ.

San Mateo 24:31

Cue jaɨenisaɨna cue ecɨmona oretaitɨcue. Ado trompeta fɨcɨretajano, cue fetocano dɨese naganomona ofitaitɨmacɨ.

San Marcos 13:20

Naie facaise ianori fo Jusiñamui oñeitena, buna jaca jillobiñeite. Naimɨe fetocano muidona, naie facaise Jusiñamui ianori fo oite.

San Marcos 13:22

Cristona abɨ caitadɨno biitɨmacɨ. Jusiñamui facaina lloraɨnɨna abɨ caitadɨno jɨaɨ biitɨmacɨ. Siño rafuena fɨnuanona, comɨnɨna jɨfueitɨmacɨ. Jusiñamui fetoca comɨnɨna ua jɨfueitɨmacɨ.

San Marcos 13:27

Cue jaɨenisaɨna cue ecɨmona oretaitɨcue. Cue fetocano dɨese naganomona ofitaitɨmacɨ.

San Lucas 1:78

Jeacɨno anamo jai caɨ illa jira, jitɨredɨnomo itɨcaɨ isoidɨcaɨ. Jusiñamuina caɨ nia ɨɨnoñenia, fiodaillana jacɨruitɨcaɨ. Naimɨe caɨna duenaillamona, caɨ Jilloitaraɨma billena o llofuellena, ona oretaite. Naimɨena caɨ ɨɨnoia, jitɨredɨnomo iñeitɨcaɨ; ia Jusiñamui dɨga caɨ comecɨaɨ uri iite.

San Lucas 18:7

Ero, biemo omoɨ comecɨaɨna faca. Jusiñamui naie juez isoiñede. Nagarui Jusiñamuimo naimacɨ jɨcaia, ¿nɨese naimɨe ie fetocanona canoñeite? Jaca canoite.

Carta a los Romanos 1:7

Romamo ite creyentiaɨ, Jusiñamui isiruiganodomoɨ. Naimɨe isoi mareuidɨnona omoɨ illena, fetocanodomoɨ. Caɨ Moo Jusiñamui, caɨ Nama Jesucristo dɨga, omoɨna duenaite. Iena uiñocana mai omoɨ jai. Iaɨmaiaɨ omoɨna uri jai itatatɨiaɨmaiaɨ. Iena omoɨ uiñocana mai omoɨ jai.

Carta a los Romanos 13:14

Iese caɨ iñena; iadedɨ naimɨe caɨna namatallena, caɨ Nama Jesucristona raise caɨ nabaillɨ. Caɨ jearede navui jitaillacɨnona fɨnoacanamo caɨ comecɨaɨna facañena.

Carta a los Romanos 9:11

Naiñaiño mɨcorɨ nia jocoñenia, Jusiñamuidɨ naiñaiño mɨcorɨmo llote: “Nano doforamɨe ie ama anamo jaca iite” llote. Jusiñamui facaina lloraɨma mɨcorɨ Jusiñamui lluana jɨaɨ cuete: “Jusiñamui llote: ‘Jacobna eo isiruitɨcue; iadedɨ Esaúna janore isiruitɨcue’ llote”. Naie iaɨmaiaɨ mɨcorɨ nia jeicɨñenia, iaɨmaiaɨ mɨcorɨ marecɨnona nia fɨnoñenia, iaɨmaiaɨ mɨcorɨ maraiñedɨcɨnona nia fɨnoñenia, Jusiñamuidɨ iaɨmaiaɨ mɨcorɨna iese llote. Ie fɨnoca rafuemona Jacob mɨcorɨna fetoñede; iadedɨ Jusiñamui jitailla jira, Jacob mɨcorɨna fetode.

Primera Carta a los Corintios 13:4

Comɨnɨna caɨ isiruia, naimacɨ dɨga raɨre icɨriñedɨcaɨ. Naimacɨna canocabidɨcaɨ. Naimacɨri abɨna uradoiñedɨcaɨ. Abɨna birɨoicaiñedɨcaɨ.

Segunda Carta a los Corintios 6:6

Jearede rafuena ebiruiñedɨcue. Cristo rafuena uiñocana jaidɨcue. Icɨriñedɨcue. Jɨaɨnona canocabidɨcue. Jusiñamui Joreño anamo itɨcue. Comɨnɨna raise isiruitɨcue.

Carta a los Gálatas 5:6

Abɨna detatajamona, caɨ jeacɨnomona jilloñedɨcaɨ. Abɨna caɨ detatañenamona, jɨaɨ jilloñedɨcaɨ. Dama Cristona caɨ ɨɨnuamona jillobidɨcaɨ. Naimɨena caɨ ɨɨnua jira, nana comɨnɨna isiruicana jaidɨcaɨ.

Carta a los Efesios 1:4

Iena ja lloitɨcue. Enɨrue nia iñenia, Jusiñamui nana naimɨena ɨɨnotɨnona jaie fetode. Caɨ facaina Cristo ɨco fiodaillena naimɨe uiñuamona, caɨna jaie fetode. Naimɨemona caɨ marebicaillena, jeacɨnona caɨ fɨnoñellena, caɨna fetode.

Carta a los Efesios 4:2

Ie muidona abɨna jaca ɨedoñeno. Raɨre icɨriñeno. Jɨaɨmɨe ona duere fɨnoia, ɨbana oñeno; iadedɨ uai oñeno naimɨena jaca isirui.

Carta a los Efesios 4:24

Cristo rafuena birui ɨɨnotomoɨ. Naimɨe jitaillacɨnodo omoɨ mai jai. Jusiñamuidɨ jeacɨno fɨnocana omoɨ jaiñenana jitaide. Naimɨe marena isoi, marena icana omoɨ jaillana jitaide.

Carta a los Efesios 4:32

iadedɨ coninɨna canua. Jɨaɨe comɨnɨna duenai. Jɨaɨmɨe dɨga omoɨ nɨcɨno ia, naimɨe fɨnoca rafuena feitajanona, naimɨe dɨga marena ñaɨno. Naie rafuena dane abɨdo llɨnoñeno. Cristo fɨnoca rafue muidona, Jusiñamui omoɨ jeacɨnona jai feitaja isoi, jɨaɨmɨe dɨga omoɨ rafue ia, naifuena omoɨ feita.

Carta a los Filipenses 1:8

Cuena omoɨna Cristo Jesús isiruitajamona, nana omoɨna isiruitɨcue. Jusiñamuidɨ uanaicɨnona cue lluana uiñote.

Carta a los Colosenses 3:10

iadedɨ jɨaɨe rafuedo birui jaidomoɨ. Bie rafue omoɨ comecɨaɨna marena itatate. Omoɨ comecɨaɨmo bie rafue itatacana jaillamona, Jusiñamui rafuena uiñocana jaidomoɨ. Naimɨe isoi omoɨ illena, naimɨe omoɨ comecɨaɨna iese itatate.

Primera Carta a los Tesalonicenses 5:15

Omoɨna jɨaɨmɨe duere fɨnoia, ɨbana oñeno; iadedɨ naimɨemo mare rafuena fɨno. Nana comɨnɨmo mare rafuena fɨno.

Segunda Carta a Timoteo 1:9

Naimɨe isoi caɨ marena illena, caɨna fetuano, jeacɨnomona caɨna jillotate. Caɨ fɨnoca rafue muidona caɨna jillotañede; iadedɨ naimɨe jitailla jira, caɨna jillotate. Enɨrue nia fɨnoñena facaiseconi caɨna jaie duenaite. Cristo Jesús caɨna iena jai uiñotade.

Segunda Carta a Timoteo 2:10

Ie jira Jusiñamui fetocano facaina duere sefuidɨcue, Cristo Jesúna naimacɨ ɨɨnuamona naimacɨ jilloillena, monamo naimacɨ jaca illena.

Carta a Tito 1:1

Tito, omo cartana oretaiacadɨcue. ¿Nɨgacɨno? ¿Nɨe isoidɨo? Pablodɨcue. Naimɨe comɨnɨna cue illamona, naimɨe jitailla rafuena cue fɨnuamona, Jusiñamui anamo llofuecabitɨcue. Ie rafuena llofuellena, Jesucristo ie oretagamɨedɨcue. Jusiñamui fetocanona ɨɨnotallena, naimacɨna uanaicɨnona uiñotallena, Jusiñamuina naimacɨ raise sedallena, cuena oretate.

Primera Carta de San Pedro 1:2

Naimɨe jitaillamona, caɨ Moo Jusiñamui omoɨna fetode. Naimɨe Joreñodɨ omoɨmo illamona, omoɨ comecɨaɨna marebicaitate. Jesucristona omoɨ ɨɨnollena, omoɨ jeacɨnomona omoɨ jilloillena, Jusiñamui omoɨna fetode. Jesucristo fiodailla jira, naimɨe dɨailla jira, naimɨe comɨnɨna jaidomoɨ. Jusiñamui omoɨna duenaillana uiñocana mai omoɨ jai. Jusiñamui omoɨna uri itatajana uiñocana mai omoɨ jai.

Segunda Carta de San Pedro 1:10

Cue amatɨaɨ, naie isoidɨcɨnona fɨnocana jai. Iemona Jusiñamui omoɨna fetuana raise uiñoitomoɨ. Abɨdo danomo jɨaɨ jaiñeitomoɨ.

Primera Carta de San Juan 4:19

Nano Jusiñamui caɨna isiruilla jira, caɨdɨ naimɨena isiruitɨcaɨ.

Segunda Carta de San Juan 1:13

O dɨne o euiño uruiaɨdɨ imacɨ uaina oredɨmacɨ. Naiñaiñodɨ Jusiñamui fetocañaiño. Mai. Juandɨcue.

Apocalipsis 17:14

Toɨca Llauda isoidɨmɨe dɨga jobairitɨmacɨ; ia Llauda isoidɨmɨe ie comɨnɨ dɨga emodofite. Llauda isoidɨmɨe nana illaɨcomɨnɨ baɨfemo faɨa jira, nanoca imɨena jira, naimacɨna emodofite. Ie comɨnɨna naimɨe fetode. Naimɨena ɨɨnotɨmacɨ. Jai emodofitɨmacɨ —llote.