Apocalipsis 14:15 - Huitoto Murui

¹⁵ Jusiñamuina sedajanomona jɨaɨe jaɨenicɨ billanona, Cristomo ado llote: —O lloebɨ dɨga enɨruemo ite riarana cota, iena ollena. Jai einaite —llote. Iese llote; ia comɨnɨna duere fɨnollena ñaɨte. Naimacɨ duere fɨnua facaisena ñaɨte.

Apocalipsis 14:15 ပူးပေါင်းရင်းမြစ်များ

San Mateo 13:30

Danomo sɨcoite. Ua facaiseconi cue maɨjɨraɨnɨmo lloitɨcue: “Raitɨcɨaɨ nano jaita. Danomo ofita, jobaillesa. Trigo uanona, cue jofomo atɨanona, eeno”.

San Mateo 13:39

Naie maraiñede iduaɨ judaɨdɨmɨedɨ Taɨfe. Ua facaisedɨ cue abɨdo bille facaise. Trigo otɨnodɨ Jusiñamui jaɨenisaɨ. Trigodɨ cuena ɨɨnotɨno.

San Mateo 23:32

Omoɨ jitailla jira, omoɨ jaiagaɨ isoi jeacɨnona eo fɨnocana mai jai. Naimacɨ jai taɨneca rafuena mai omoɨ fɨnocana jai.

San Marcos 4:29

Jai einaia, iena ote. Ie isoide. Jusiñamui rafuena raise cacaiñedomoɨ; ia iena ɨɨnocana jaidomoɨ.

Primera Carta a los Tesalonicenses 2:16

Judíuaɨñedɨnomo Cristo rafuena caɨ lluana jitaiñedɨmacɨ. Jusiñamui judíuaɨñedɨnona jillotajana jitaiñedɨmacɨ. Iese jeacɨno fɨnocana nia jaidɨmacɨ; ia ja muidomo Jusiñamui rɨicaillɨfue anamo jai itɨmacɨ.

Apocalipsis 11:19

Naie facaise monamo ite Jusiñamui sedajano nase econuana cɨodɨcue. Naie fo ite cajóna cɨodɨcue. Ieconi boricabide. Bue isoi eo fɨcɨrede. Gurucabide. Ñuisaño suide. Monamona nocɨ deilla isoi, ailluena hielo ana llude.

Apocalipsis 13:12

Monaillaimona bite ocaina uai enɨruemona bite ocainamo jɨaɨ ite. Ie uai dɨga, nana comɨnɨna monaillaimona bite ocainana sedatate.

Apocalipsis 14:14

Naie facaise monamo cue eruaɨa, userede uillɨena cɨodɨcue. Uillɨe emodo Cristo raɨde. Ɨimana eruaɨde. Naimɨe ɨfogɨmo oromona fɨnoca nuicɨrai ite. Ie onollɨmo jairede lloebɨ ite.

Apocalipsis 14:16

Jaɨenicɨ llua isoi, ie lloebɨ dɨga Cristo cotade. Nana iena fɨnode. Comɨnɨna duere fɨnode.

Apocalipsis 14:17

Jusiñamuina sedajanomona naie facaise jɨaɨe jaɨenicɨ bite. Naimɨe onollɨmo jairede lloebɨ jɨaɨ ite.

Apocalipsis 14:18

Ieconi Jusiñamuimo jobaisoillanomona jɨaɨe jaɨenicɨ bite. Enɨruemo boode ra dotaja uaidɨ naimɨemo ite. Lloebɨredɨmɨemo ado llote: —Jai einailla jira, naimacɨna o ollena, o lloebɨ dɨga illɨmo ite uvaɨaɨna tɨno. Iese llote; iadedɨ comɨnɨna duere fɨnollena ñaɨte.

Apocalipsis 15:6

Naiemona siete jaɨenisaɨ billana cɨodɨcue. Nagamɨe comɨnɨna duere fɨnoacade. Eo userede linomona fɨnoca ɨniroina jɨtade. Oromona fɨnoca cinturones naimacɨ jogobemo jɨtade.

Apocalipsis 16:17

Naie facaise jɨaɨe jaɨenicɨ jafaicɨ dɨne ie copamona ie duere sefuillɨcɨnona totade. Ieconi ie sedajanomona Jusiñamui llote: —Bie duere sefuillɨcɨno dɨga, comɨnɨna cue duere fɨnoacanacɨno ja fuite.

Apocalipsis 6:10

Jusiñamuimo ado llotɨmacɨ: —Caɨ Nama, siño jitodɨo. Mareuidɨmɨedɨo. O uaina jaca fɨnodɨo. ¿Nɨruido caɨna meinetɨnona duere fɨnoitɨo? ¿Nɨruido ɨbana oitɨo?